| Запрос | Время | Разъяснение |
| Հարգելի Պատվիրատու, Տեխնիկական առաջադրանքի մեջ նշված է մուտքային լարման թույլատրելի միջակայքը՝ 145~295 Վ։ Խնդրում ենք պարզաբանել հետևյալ կետերը․ Նշված միջակայքի հիմնավորումը Ինչու է ընտրված հենց այս միջակայքը՝ 145–295 Վ, հաշվի առնելով, որ ՀՀ-ում էլեկտրաէներգիայի պաշտոնական անվանական լարումը 230 Վ է (±10%, այսինքն՝ մոտ 207–253 Վ): Ըստ միջազգային IEC 60038 և ռուսական ГОСТ 32144-2013, ГОСТ 29322-2014 ստանդարտների՝ ցածր լարման էլեկտրական ցանցերի անվանական լարումը սահմանված է 230 Վ, իսկ թույլատրելի տատանումները՝ ±10% (207–253 Վ): Նշված ստանդարտներում որևէ տեղ «145–295 Վ» միջակայք որպես նորմատիվ սահմանված չէ։ Ուստի խնդրում ենք պարզաբանել՝ արդյո՞ք Տեխնիկական առաջադրանքում նշված 145–295 Վ միջակայքը ունի նորմատիվ կամ տեխնիկական հիմնավորում։ Պահանջի նպատակային նշանակությունը Արդյո՞ք տվյալ պահանջը նպատակ ունի ապահովել UPS-ի աշխատանքը էլեկտրացանցի խիստ տատանումների պայմաններում, թե՞ դա պայմանավորված է կոնկրետ արտադրողի (օր.՝ APC BX900U-GR) տեխնիկական բնութագրերով։ Համարժեք մուտքային միջակայքի ընդունելիությունը Կարո՞ղ է մատակարարը առաջարկել UPS, որի մուտքային լարման միջակայքը, օրինակ, 162–290 Վ է (ինչպես՝ Salicru SPS SOHO+ 900VA)՝ պահպանելով ՏԶ-ի մյուս բոլոր տեխնիկական պահանջները։ Աղմուկի մակարդակի թույլատրելի շեմը ՏԶ-ում նշված է ≤ 40 dBA, սակայն IEC 62040 ստանդարտի համաձայն՝ մինչև 45 dBA աղմուկի մակարդակը համարվում է թույլատրելի։ Արդյո՞ք ընդունելի է, եթե UPS-ի աղմուկի մակարդակը ≤ 45 dBA է։ Աշխատանքային բարձրության սահմանաչափը ՏԶ-ում նշված է ≤ 3000 մ, մինչդեռ IEC 62040-1 ստանդարտը սահմանում է ≤ 2000 մ բարձրություն որպես ստանդարտ միջավայր։ Խնդրում ենք պարզաբանել՝ արդյո՞ք թույլատրելի է, եթե արտադրողի կողմից սահմանված աշխատանքային բարձրությունը ≤ 2000 մ է, ինչը համապատասխանում է միջազգային նորմերին։ Ֆիզիկական չափերը և քաշը Տեխնիկական առաջադրանքում նշված է՝ • Բարձրությունը՝ առնվազն 16 սմ • Լայնությունը՝ առնվազն 12 սմ • Երկարությունը՝ առնվազն 35 սմ • Զուտ քաշը՝ առնվազն 6 կգ Խնդրում ենք պարզաբանել․ Ի՞նչ նորմատիվներով կամ չափորոշիչներով են սահմանվել տվյալ չափսերը, Արդյո՞ք չափսերը վերցված են որևէ կոնկրետ արտադրողի (օրինակ՝ APC BX900U-GR) UPS մոդելի տեխնիկական տվյալներից և օգտագործվել որպես ուղեցույց, Եվ արդյո՞ք թույլատրելի են չափսերից որոշ շեղումներ (օրինակ՝ մինչև ±20 % բարձրության, լայնության կամ երկարության մասով), եթե այդ շեղումները չեն հանգեցնում որևէ տեխնիկական ֆունկցիայի, հզորության կամ արտադրողականության փոփոխության։ Այս պարզաբանումը անհրաժեշտ է, որպեսզի մասնակցող մատակարարները կարողանան առաջարկել համարժեք մոդելներ, որոնք տեխնիկապես ամբողջությամբ համատեղելի են, սակայն ունեն արտադրողի կողմից փոքր տարբեր չափսեր։ | 2025-10-16 14:38:08 | Հարգելի մասնակից, Ի պատասխան Ձեր հարցմամբ նշած կետերի՝ պարզաբանում ենք հետևյալը. 1. Մուտքային լարման միջակայք (145–295 Վ).Նշված միջակայքը չի հակասում որևէ ազգային կամ միջազգային ստանդարտի։ Այն սահմանվել է՝ ապահովելու սարքի կայուն աշխատանքը էլեկտրաէներգիայի լարման լայն տատանումների դեպքում, որոնք կարող են հանդիպել տարբեր շահագործման վայրերում։ Չնայած ՀՀ-ում ընդունված անվանական լարումն է 230 Վ ±10% (207–253 Վ), UPS-ի աշխատանքային միջակայքը հաճախ նախագծվում է ավելի լայն՝ արտադրողի կողմից նախատեսված պաշտպանական և կայունացման ալգորիթմներով (օր. APC, Eaton, Vertiv և այլ արտադրողների մոտ 145–295 Վ միջակայքը համարվում է նորմալ աշխատանքային սահման)։ Հետևաբար, տվյալ պահանջը չի հանդիսանում նորմատիվ խախտում, այլ ունի տեխնիկական նպատակ՝ ապահովել սարքի անխափան աշխատանքը ցանցի լարման տատանումների դեպքում։ Միևնույն ժամանակ, Տեխնիկական առաջադրանքը չի սահմանափակում այլ արտադրողների մոդելներ․ ընդունելի են մուտքային լարման նմանատիպ միջակայքով մոդելներ, եթե դրանք տեխնիկապես համարժեք կամ գերազանցող են։ 2. Աղմուկի մակարդակ (≤40 dBA).Նշված շեմը ներկայացնում է առավել հարմարավետ աշխատանքային միջավայր ապահովելու պահանջը (գրասենյակային պայմաններում)։ Մինչդեռ IEC 62040 և արտադրողների մեծամասնությունը թույլատրելի են համարում մինչև 45 dBA, պատվիրատու կողմը սահմանել է խստացված՝ ≤40 dBA շեմ՝ աշխատանքային հարմարավետության նկատառումներով։ Այնուամենայնիվ, ՏՀ-ում նախատեսված է, որ առաջարկվող մոդելը կարող է գերազանցել նշված շեմը ոչ ավելի, քան 5 dBA-ով (մինչև 45 dBA), եթե ունի համապատասխան արտադրողի հիմնավորում և չի խաթարում ընդհանուր աշխատանքի որակը։ 3. Աշխատանքային բարձրությունը (≤3000 մ).Տեխնիկական առաջադրանքի այս պահանջը նպատակ ունի երաշխավորելու սարքի անխափան աշխատանքը նաև Հայաստանի բարձրլեռնային բնակավայրերում։ Միջազգային IEC 62040-1 ստանդարտով ընդունված է ≤2000 մ միջավայր, սակայն շատ արտադրողներ (օր. Salicru, APC, CyberPower) փաստաթղթերում նշում են մինչև 3000 մ բարձրություններ՝ համապատասխան derating գործակցով։ Ուստի պահանջը հիմնավորված է տեղային շահագործման պայմաններով, և չի հակասում ստանդարտներին, քանի որ բարձրության շեմը սահմանվել է՝ ոչ թե նվազագույն, այլ առավելագույն աշխատանքի ապահովման նպատակով։ 4. Ֆիզիկական չափերն ու քաշը.Նշված չափերը բերված են որպես տեղադրման և կառուցվածքային ուղեցույց, ոչ թե որպես խիստ սահմանափակում։ Մատակարարը կարող է առաջարկել մինչև ±20% շեղում ունեցող չափեր, եթե այն չի ազդում սարքի տեխնիկական հատկանիշների և ֆունկցիոնալության վրա։ 5. Ընդհանուր իրավական հիմնավորում. Տեխնիկական առաջադրանքը կազմվել է «Գնումների մասին» ՀՀ օրենքի պահանջներին համապատասխան։ Օրենքով արգելվում է սահմանափակել մատակարարին մեկ կոնկրետ ապրանքանիշի կամ մոդելի ընտրությամբ։ Այդ իսկ պատճառով Տեխնիկական առաջադրանքը ձևակերպվել է ֆունկցիոնալ և բաց եղանակով, որպեսզի հնարավոր լինի առաջարկել համարժեք կամ գերազանցող մոդելներ՝ ներկայացնելով արտադրողի տեխնիկական փաստաթղթերը (դատաշիթ, սերտիֆիկատ և այլն)։ Պատվիրատուն չի սահմանափակում հնարավոր մասնակից ընկերությունների ընտրությունը և ընդունում է բոլոր մոդելները, որոնք համապատասխանում են կամ գերազանցում են ՏՀ-ի պահանջները։ Հարգելի մասնակից, Ի պատասխան Ձեր հարցմամբ նշած կետերի՝ պարզաբանում ենք հետևյալը. 1. Մուտքային լարման միջակայք (145–295 Վ).Նշված միջակայքը չի հակասում որևէ ազգային կամ միջազգային ստանդարտի։ Այն սահմանվել է՝ ապահովելու սարքի կայուն աշխատանքը էլեկտրաէ |
