1. Արդյո՞ք այդ աջակցությունը ներառում է նաև վարչական շրջանների հետ կապերի հաստատում, տարածքների տրամադրման ապահովում, տեխնիկական կահավորում և տեղական մասնակիցների ներգրավման աջակցություն։ Վարչական շրջանների հետ կապի հաստատումը, ինչպես նաև վարչական շրջաններում տարածքների տրամադրումը կիրականացվի Պատվիրատուի կողմից։ Ծառայություն մատուցողը պետք է առաջարկություններ ներկայացնի միջոցառման անցկացման ձևաչափի և բովանդակության մասով, որը ենթակա է իրականացման՝ Պատվիրատուի հետ համաձայնեցումից հետո։ Տեխնիկական կահավորումն ու նյութատեխնիկական ապահովումը (տեսաուղիղ հեռարձակումներ, համապատասխան գրենական պիտույքներ) իրականացվելու է ծառայություն մատուցողի կողմից, համաձայն տարածքների տրամադրման և Պատվիրատուի աջակցության պայմանների։ Միջոցառման մասնակիցների ներգրավումը կիրականացվի ծառայություն մատուցողի նախաձեռնությամբ՝ Պատվիրատուի հետ համագործակցությամբ։ Ծառայություն մատուցողը, տեխնիկական բնութագրին համապատասխան, պարտավոր է իրականացնել շահագրգիռ կողմերի քարտեզագրում (բուհեր, ինովացիոն և ոլորտային փորձագիտական կենտրոններ, մասնավոր հատված, միջազգային դոնորներ և այլ դերակատարներ) և ներկայացնել համագործակցության առաջարկներ Պատվիրատուին՝ տարբեր հնարավոր տարբերակների դիտարկման նպատակով։ Այս գործընթացի շրջանակում ծառայություն մատուցողը պատասխանատու է ներգրավման մեխանիզմների մշակման և գործնական իրագործման համար՝ ապահովելով արդյունավետ մասնակցություն միջոցառման բոլոր բաղադրիչներում։ 2. Բաղադրիչ 2-ի նկարագրության համաձայն՝ հաքաթոնները պետք է կազմակերպվեն 12 վարչական շրջաններում ապակենտրոն տրամաբանությամբ։ Խնդրում ենք հստակեցնել․ - Արդյո՞ք յուրաքանչյուր վարչական շրջանում նախատեսված է առանձին մրցանակաբաշխություն և հաղթող թիմի ընտրություն, թե՞ բոլոր թիմերը մասնակցելու են միասնական եզրափակիչ մրցանակաբաշխության՝ քաղաքային մակարդակով։ Բաղադրիչ 2-ի («Ուսանողական հաքաթոն՝ քաղաքային լուծումներ») շրջանակում հաքաթոնները կազմակերպվելու են 12 վարչական շրջաններում՝ խնդիրների շուրջ արդյունավետ լուծումներ մշակելու նպատակով։ Միևնույն ժամանակ, բոլոր թիմերը մասնակցելու են միասնական եզրափակիչ մրցանակաբաշխությանը՝ քաղաքային մակարդակով, որը կանցկացվի միջոցառման երկրորդ օրը՝ Ծառայություն մատուցողի կողմից առաջարկված և Պատվիրատուի կողմից հաստատված վայրում։ - Արդյո՞ք նշված բոլոր բաղադրիչները (գիտություն-քաղաքականություն երկխոսություն, էքսպո, 12 ապակենտրոն հաքաթոն, պարգևատրում, մեդիա լուսաբանում) նախատեսված են ամբողջությամբ իրականացնելու ծառայություն մատուցողի կողմից, թե՞ դրանց որոշ մասեր կիրականացնի հենց Քաղաքապետարանը կամ վարչական շրջանները։ Տեխնիկական բնութագրով նշված բոլոր բաղադրիչները՝ գիտություն-քաղաքականություն երկխոսություն և տեխնոլոգիական էքսպո, 12 ապակենտրոն հաքաթոն, ծրագրերի ցուցադրություն և պարգևատրում, ինչպես նաև մեդիա լուսաբանումն ու հաղորդակցությունը, նախատեսված են ամբողջությամբ իրականացվելու ծառայություն մատուցողի կողմից։ Միաժամանակ, Պատվիրատուն պատրաստակամ է ապահովել աջակցություն վարչական շրջանների հետ կապերի հաստատման, տարածքների տրամադրման և պետական ու համայնքային մարմինների հետ համագործակցության կազմակերպման մասով, ինչպես նաև պատրաստ է համատեղ աշխատել և աջակցել ծառայություն մատուցողին բոլոր բաղադրիչների իրականացման ընթացքում։ - Մենթորների ներգրավման և հոնորարների ծախսերը սպասվո՞ւմ են ամբողջությամբ ծառայություն մատուցողի կողմից։ Մենթորների ներգրավման և հոնորարների ծախսերը ենթակա են ամբողջությամբ ապահովվելու ծառայություն մատուցողի կողմից։ Հնարավոր է նաև դիտարկել որոշ ոլորտներում որպես մենթոր Երևանի քաղաքապետարանի ոլորտային մասնագետների և/կամ գործընկերների (կամավոր հիմունքներով) ներգրավման տարբերակը։ - Արդյո՞ք մրցանակները (մենթորության փաթեթներ, համայնքային ծրագրերում փորձնակություն) տրամադրվելու են Քաղաքապետարանի կողմից, թե՞ նաև ծառայություն մատուցողը պետք է ապահովի։ Մենթորության փաթեթները և համայնքային ծրագրերում փորձնակության հնարավորությունը տրամադրվելու է Պատվիրատուի կողմից։ - Մեդիա համագործակցության, ինֆլյուենսերների ներգրավման և գովազդի ծախսերը ներառվա՞ծ են բյուջեի մեջ, թե՞ նախատեսվում է ապահովել Քաղաքապետարանի և ԵԿՆ ԾԻԳ-ի կողմից։ Մեդիա համագործակցությունն, ինֆլյուենսերների ներգրավումը և գովազդի ծախսերը նախատեսված են իրականացնելու ծառայություն մատուցողի կողմից, համաձայն տրամադրված բյուջեի։ Միաժամանակ, Պատվիրատուն պատրաստ է տրամադրել տեղեկատվական և կազմակերպչական աջակցություն՝ անհրաժեշտության դեպքում աջակցելով մեդիա և սոցիալական հարթակներում հաղորդակցման գործընթացում, ինչպես նաև համագործակցելով լրատվամիջոցների հետ։ - Տեսանյութերի և վիդեո-դոկումենտալ նյութերի արտադրությունը ամբողջությամբ սպասվո՞ւմ է ծառայություն մատուցողից։ Տեսանյութերի և վիդեո-դոկումենտալ նյութերի արտադրությունը նախատեսված է ամբողջությամբ իրականացվելու ծառայություն մատուցողի կողմից, համաձայն տեխնիկական բնութագրով սահմանված բովանդակային արդյունքների պահանջների: 3. «Բովանդակային արդյունքներ» բաժնում նշված է, որ միջոցառման արդյունքում պետք է ապահովվի առնվազն 12 նորարարական լուծումների թիմային պրոտոտիպ և առնվազն 5 իրագործելի պիլոտային գաղափար։ Խնդրում ենք հստակեցնել․ - Արդյո՞ք «պրոտոտիպ» ասելով նկատի է առնվում գաղափարի նախնական մոդել / ներկայացում (օրինակ՝ մաքեթ, նախնական կոնցեպտ, ծրագրի նախագիծ),թե՞ պահանջվում է իրական տեխնիկական լուծում, որն իրագործելի է անմիջապես կիրառման համար։ Պրոտոտիպ հասկացությունը վերաբերում է ծրագրային նախագծին, որը հնարավորություն է տալիս գաղափարը ներկայացնել, փորձարկել և գնահատել դրա կիրառելիությունը քաղաքային խնդիրների լուծման շրջանակում։ Ծառայություն մատուցողի պարտականությունն է ապահովել, որ թիմերը ներկայացնեն առնվազն ծրագրային նախագծեր, որոնք կունենան իրականացման հեռանկար և այդ գաղափարները հետագայում զարգացնելու հնարավորություն։ -Արդյո՞ք իրատեսական է սպասել լիարժեք իրագործելի պրոտոտիպերի, հատկապես ուսանողների և ավագ դպրոցի աշակերտների կողմից։ «Իրագործելի պիլոտային գաղափարների» ցուցանիշը նախատեսված է որպես առաջնային գնահատման միջոց, այն պետք է լինի մտածված, համահունչ քաղաքային խնդիրներին և հնարավորության դեպքում պատրաստ փորձարկման համար։ Հաշվի առնելով մասնակիցների տարիքային խմբի և փորձառության տարբերությունները, սպասվող պրոտոտիպերը չեն ենթադրում լիարժեք տեխնիկական լուծում անմիջապես կիրառման համար, այլ ծառայում են որպես հիմք հաջորդ քայլերի համար, ինչպիսիք են մենթորությունը և փորձնական իրագործումը։

1. Включает ли эта поддержка также установление контактов с административными округами, обеспечение помещениями, техническим оборудованием и поддержку привлечения местных участников? Установление контактов с административными округами, а также предоставл