| Հարգելի՛ գործընկերներ,
Հայտարարված գնման ընթացակարգի տեխնիկական առաջադրանքի ուսումնասիրության արդյունքում արձանագրում ենք, որ ներկայացված տեխնիկական պահանջների համադրությունը փաստացի հանգեցնում է միայն մեկ արտադրողի՝ Heidelberg Instruments Nano ընկերության NanoFrazor համակարգի համապատասխանությանը, ինչի հետևանքով սահմանափակվում է շուկայում առկա այլ արտադրողների մասնակցության հնարավորությունը։
Մասնավորապես, տեխնիկական առաջադրանքում միաժամանակ սահմանված են փոխկապակցված և բարձր սպեցիֆիկ պարամետրեր՝ ջերմային սկանավորող զոնդային լիտոգրաֆիա (t-SPL), ≤15 նմ կառուցվածքային չափ, մինչև ~0.5 նմ ուղղահայաց լուծողունակություն, markerless alignment/overlay՝ 20-25 նմ ճշտությամբ, ինչպես նաև սարքի ֆիզիկական չափերի և կատարողական ցուցանիշների նեղ տիրույթներ, որոնք իրենց ամբողջական համադրությամբ շուկայում ապահովվում են բացառապես մեկ արտադրողի կողմից։
Նշված պարամետրերի համաժամանակյա կիրառումը տեխնիկապես բացառում է այլ տեխնոլոգիաների (ներառյալ՝ Electron Beam Lithography (EBL), Focused Ion Beam (FIB), Nanoimprint Lithography (NIL), ինչպես նաև առաջադեմ AFM-հիմնված համակարգեր) համապատասխանությունը, ինչը վկայում է, որ տեխնիկական առաջադրանքը ձևակերպված է ոչ թե ֆունկցիոնալ պահանջների հիման վրա, այլ կոնկրետ սարքի տեխնիկական նկարագրության վերարտադրությամբ։
Այսպիսով, տվյալ տեխնիկական առաջադրանքը իր բովանդակությամբ հանդիսանում է կոնկրետ արտադրողի և մոդելի անուղղակի մատնանշում, ինչը ուղղակիորեն հակասում է՝
ՀՀ «Գնումների մասին» օրենքի 7-րդ հոդվածին, որով սահմանվում են մրցակցության ապահովման, հավասարության և չխտրականության սկզբունքները,
ինչպես նաև նույն օրենքի 13-րդ հոդվածի 2-րդ մասին, ըստ որի տեխնիկական բնութագրերը չեն կարող կազմվել այնպես, որ ուղղակի կամ անուղղակի մատնանշեն կոնկրետ արտադրող, ապրանքանիշ կամ մոդել և սահմանափակեն մրցակցությունը։
Հավելյալ նշում ենք, որ նանոկառուցվածքների ձևավորման և հետազոտության ոլորտում աշխարհում լայնորեն կիրառվում են այլ բարձր ճշգրտության տեխնոլոգիաներ, մասնավորապես՝
EBL, FIB, NIL և AFM-հիմնված համակարգեր, որոնք օգտագործվում են առաջատար գիտահետազոտական կենտրոններում (Եվրոպա, ԱՄՆ, Ճապոնիա) և ապահովում են համադրելի կամ համարժեք արդյունքներ՝ կախված կիրառական նպատակներից։
Սույն հանգամանքը հաստատում է, որ տեխնիկական առաջադրանքը կարող է ձևակերպվել տեխնոլոգիական չեզոքության սկզբունքով՝ ապահովելով մատակարարների միջև հավասար և արդար մասնակցության պայմաններ։
Վերոգրյալի հիման վրա պահանջում ենք՝
վերանայել տեխնիկական առաջադրանքը և այն ձևակերպել ֆունկցիոնալ (performance-based) և մրցակցային սկզբունքներին համապատասխան՝ բացառելով կոնկրետ արտադրողի տեխնիկական նկարագրության վերարտադրությունը և ապահովելով այլ համարժեք տեխնոլոգիաների մասնակցության հնարավորություն։
Խնդրում ենք նաև հստակ նշել առնվազն 2-3 այլ համարժեք տեխնոլոգիական լուծումներ կամ սարքավորումների տեսակներ/մոդելներ, որոնք կարող են բավարարել պատվիրատուի նպատակներին։
Հակառակ դեպքում մենք ստիպված կլինենք դիմել ՀՀ գնումների բողոքարկման մարմնին, ինչպես նաև իրավասու այլ մարմիններին՝ մրցակցության սահմանափակման վերաբերյալ պաշտոնական բողոք ներկայացնելու և ընթացակարգի օրինականությունը վիճարկելու նպատակով։ | 2026-03-17 11:06:08 | Հարգելի մասնակից, «Գնումների մասին» ՀՀ օրենքի 29-րդ հոդվածի 3-րդ կետի համաձայն, պարզաբանում չի տրամադրվում, քանի որ հարցումը դուրս է հրավերի բովանդակության շրջանակից: Уважаемый участник, в соответствии со статьей 29, пунктом 3 Закона Республики Армения «О закупках», разъяснения не предоставляются, поскольку запрос выходит за рамки содержания приглашения. |
Product full description