| Հարգելի պատվիրատու, սույն էլեկտրոնային աճուրդով ձեռք բերվող գնման առարկան կազմված է 1 չափաբաժնից, որն իր հերթին պարունակում է 23 տարբեր ապրանքներ։ Ընդ որում, ապրանքներն իրարից տարբերվում են ոչ միայն բնութագրերով, այլև երբեմն բնույթով։ Մասնավորապես՝ մրցույթի վերնագրում նշված է, որ այն հայտարարված է "համակարգչային սարքավորումների և պարագաների" ձեռքբերման նպատակով, սակայն ապրանքների շարքում բացի համակարգչային սարքավորումների և պարագաների առկա են նաև ռոբոտաշինության պարագաներ և հավաքածուներ, 3D տպագրության սարքեր, ձեռքի գործիքներ և այլն, որոնք որպես "համակարգչային սարքավորումների և պարագաներ" դասակարգելը և 1 չափաբաժնով ներկայացնելը հակասում է գնումների մասին ՀՀ օրենքի 25-րդ հոդվածի 2-րդ կետին, այն է՝ "Արգելվում է խմբավորել առանձին բնութագրեր ունեցող գնման առարկաները մեկ չափաբաժնում, բացառությամբ այն դեպքերի, երբ պատվիրատուն հիմնավորում է նման խմբավորման անհրաժեշտությունը:"։ Նշված մոտեցման դեպքում՝
1) Իրարից արմատապես տարբերվող գործունեությամբ զբաղվող անձինք/կազմակերպությունները հնարավորություն չեն ունենում մատակարարել բացառապես իրենց ուղղվածությամբ առանձին ապրանքատեսակները, ինչի պատճառով նեղանում է մասնակիցների շրջանակը և որպես հետևանք նվազում է ապրանքների նախահաշվային գնի իջեցման հավանականությունը։
2) 1 չափաբաժնով ներկայացված 23 տարբեր ապրանքների ներմուծման համար պահանջվող չափազանց մեծ դրամական միջոցների ներդրման անհրաժեշտության պատճառով փոքր և միջին բիզնեսի ներկայացուցիչները հնարավորություն չեն ունենում մասնակցել աճուրդին, հետևաբար չի ապահովվում առողջ մրցակցային պայմաններ բոլորի համար։
Խնդրում եմ տալ տարբեր բնութագրերով և բնույթով ապրանքատեսակները/ծառայությունները 1 չափաբաժնում խմբավորելու հիմնավորումը։ Եթե մտադրված եք «copy-paste» սկզբունքով ներկայացնել նախկինում Ձեր կողմից հայտարարված նմանատիպ մրցույթների ժամանակ ուղարկված նմանատիպ հարցումների համար պատրաստ ունիվերսալ տեքստը, այն է․
«Հարգելի գործընկեր Գնման գործընթացի կազմակերպումը նպատակ է հետապնդում ունենալու դպրոցներում «Համակարգչային գրագիտության» առարկայի գծով ամբողջական կահավորված լաբորատորիաներ՝ հագեցված լաբորատոր սարքավորումներով, պարագաներով և համապատասխան գույքով: Լաբորատորիաների հիմնմանն անմիջապես հետևելու է ուսումնական գործընթացում վերոնշյալ առարկայի գծով լաբորատոր սարքավորումների կիրառման ուղղությամբ հանրակրթական ուսումնական հաստատությունների ուսուցիչների վերապատրաստումները: Եթե Գործընթացը կազմակերպվեր ոչ թե ամբողջական կահավորված լաբորատորա ձեռք բերելու համար, այլ՝ առանձին չափաբաժիններով, վերջիններից որևէ մեկի չկայանալը կհանգեցնի ՀՀ կառավարության 2021-2026թթ. ռազմավարությամբ սահմանված հետագա գործընթացների իրականացման անհնարինությանը:»,
ապա խնդրում եմ հաշվի առնել, որ նշված տեքստը վերոնշյալ գործողությունների համար բավարար հիմնավորում չէ և ըստ էության չի էլ առընչվում բարձրացված հարցին։ Այն որ, լաբորատորիաների հիմնմանն անմիջապես հետևելու է հանրակրթական ուսումնական հաստատությունների ուսուցիչների վերապատրաստումները, ամենևին չի արդարացնում ապրանքները 1 չափաբաժնում ներառելու փաստը։ Իսկ այն հանգամանքը, որ «Եթե Գործընթացը կազմակերպվեր ոչ թե ամբողջական կահավորված լաբորատորա ձեռք բերելու համար, այլ՝ առանձին չափաբաժիններով, վերջիններից որևէ մեկի չկայանալը կհանգեցնի ՀՀ կառավարության 2021-2026թթ. ռազմավարությամբ սահմանված հետագա գործընթացների իրականացման անհնարինությանը» կարծում եմ նույնպես զուրկ է հիմնավորումից, քանի որ տվյալ դեպքում 1 չափաբաժնով մրցույթի չկայանալն ավելի հավանական է, քան առանձնացված չափաբաժիններով՝ ինչպես սահմանված է գնումների մասին ՀՀ օրենքով։ Եթե առանձնացված չափաբաժիններով մրցույթի դեպքում օրինակ 23-րդ չափաբաժնի (Մագնիսական պտուտակահանների հավաքածու) մասով մրցույթը չկայանա, չեմ կարծում որ լաբորատորիաները չեն ստեղծվի։
Խնդրում եմ մրցույթը վերահայտարարել առանձնացված չափաբաժիններով։ | 2025-07-29 13:42:58 | Հարգելի մասնակից,
«Գնումների մասին» ՀՀ օրենքի 29-րդ հոդվածի 3-րդ կետի համաձայն, պարզաբանում չի տրամադրվում, քանի որ հարցումը դուրս է հրավերի բովանդակության շրջանակներից: Уважаемый участник,
В соответствии с пунктом 3 статьи 29 Закона РА «О закупках» разъяснения не предоставляются, поскольку запрос выходит за рамки содержания приглашения. |
Product full description