| Հարցում | Ժամանակ | Պարզաբանում |
| Հարգելի գործընկեր ՀՀ տարածքային կառավարման և ենթակառուցվածքների նախարարությունը (այսուհետ` Նախարարություն) 2024 թվականի համար, ներքին աուդիտի ծառայություններ ձեռք բերելու նպատակով, էլեկտրոնային աճուրդի ընթացակարգով` ՏԿԵՆ-ԷԱՃԾՁԲ-24/12 ծածկագրով հրավեր է հրապարակել ՀՀ ֆինանսների նախարարության գնումների համակարգում: Նախարարությունը գնման առարկայի, տվյալ դեպքում ներքին աուդիտի ծառայությունների տեխնիկական բնութագրում ներքին աուդիտի ծառայություն մատուցող կատարողի նկատմամբ ընդհանուր պահանջներում Նախարարության ներդրումային ծրագրերի համակարգման, տնտեսագիտական վերլուծության եւ մոնիթորինգի վարչության պետ Արմեն Մանուկյանը ներառել է այնպիսի պայմաններ, որոնք հակասում են` 1. «Գնումների մասին» ՀՀ օրենքի 13-րդ հոդվածի 2-րդ կետի 1-ին ենթակետին, որտեղ ամրագրված է. «2. Գնման առարկայի բնութագրերը` 1) պետք է մրցակցության հավասար պայմաններ ապահովեն հնարավոր մասնակիցների համար», իսկ հնարավոր մասնակիցները ընդամենը թվով 10-ն են, որոնք ընդգրկված են հանրային հատվածում ներքին աուդիտ իրականացնելու համար որակավորում ունեցող կազմակերպությունների ցանկում. 2. ՀՀ ֆինանսների նախարարի 2012 թվականի փետրվարի 23-ի N165-Ն հրամանի հավելվածի 3-րդ, 4-րդ, 5-րդ և 6-րդ կետերի պահանջներին, որտեղ ամրագրված են համապատասխանաբար. «3. ՀՀ հանրային հատվածի պետական կառավարման մարմինների և ՀՀ համայնքների համակարգում գործող պետական կամ համայնքային ոչ առևտրային կազմակերպություններում, հիմնարկներում, ինչպես նաև հիսուն տոկոսից ավելի պետական կամ համայնքային մասնակցությամբ կազմակերպություններում ներքին աուդիտի համակարգը գործում է համապատասխանաբար տվյալ կազմակերպության ընդհանուր կառավարումը կամ բաժնետոմսերի կառավարման լիազորություններն իրականացնող լիազորված պետական մարմնի «Ներքին աուդիտի մասին» ՀՀ օրենքի 5 հոդվածի 1-ին մասով սահմանված ղեկավարի, իսկ համայնքներում՝ համայնքի ղեկավարի ենթակայությամբ», «4. Սույն պահանջների 3-րդ կետում նշված պետական կամ համայնքային ոչ առևտրային կազմակերպություններում, հիսուն տոկոսից ավելի պետական կամ համայնքային մասնակցությամբ կազմակերպություններում ներքին աուդիտի գործառույթն իրականացվում է հրավիրված անձանց կողմից», 5. Հանրային հատվածի պետական կամ համայնքային ոչ առևտրային կազմակերպություններում և բաժնետոմսերի հիսուն տոկոսից ավելի պետական կամ համայնքային մասնակցությամբ կազմակերպություններում հրավիրված անձինք են հանդիսանում՝ «Ներքին աուդիտի մասին» ՀՀ օրենքի 13 հոդվածի 4-րդ մասի 5-րդ կետով նախատեսված ցանկում ընդգրկված կազմակերպության ընդհանուր կառավարումն իրականացնող լիազորված պետական մարմնի կամ համայնքի ներքին աուդիտի ստորաբաժանման աշխատակիցներից և որպես փորձագետ ներգրավված մասնագետներից կազմված և պետական մարմնի կամ համայնքի ղեկավարի կողմից տվյալ պետական կամ համայնքային ոչ առևտրային կազմակերպություն կամ բաժնետոմսերի հիսուն տոկոսից ավելի պետական կամ համայնքային մասնակցությամբ կազմակերպություն գործուղված խումբը» և «6. Այն հիսուն տոկոսից ավելի պետական կամ համայնքային մասնակցությամբ բաժնետիրական ընկերություններում, որոնք թվարկված չեն սույն գլխի 5-րդ կետում, սակայն որտեղ «Ներքին աուդիտի մասին» ՀՀ օրենքի համաձայն պետք է իրականացվի ներքին աուդիտ, բաժնետոմսերի կառավարման լիազորություններն իրականացնող մարմնի, իսկ համայնքներում՝ համայնքի ղեկավարի որոշմամբ ներքին աուդիտի իրականացումը կարող է պատվիրվել մասնավոր կազմակերպություններին, եթե դրանք ունեն «Ներքին աուդիտի մասին» ՀՀ օրենքի 13 հոդվածի 4-րդ մասի 5-րդ կետով նախատեսված ցանկում ընդգրկված ներքին աուդիտի որակավորում և առնվազն 3 տարվա ներքին աուդիտի փորձ ունեցող՝ առնվազն երեք աշխատակիցներ»: 3. ՀՀ ֆինանսների նախարարի 2020 թվականի N 204-Լ հրամանի 1-ին կետով հաստատված հավելվածի 5-րդ կետի բ) ենթակետի պահանջներին, որտեղ ամրագրված է. «Կատարողի՝ սույն տեխնիկական բնութագրով նախատեսված ծառայությունների մատուցման համար ներգրավված աուդիտորները պետք է ունենան Հայաստանի Հանրապետության հանրային հատվածի ներքին աուդիտորի որակավորում, աուդիտի ոլորտում (ներքին և (կամ) արտաքին) մասնագիտական գործունեության առնվազն 3 տարվա փորձ, համատեղությամբ չաշխատեն ներքին և/կամ արտաքին աուդիտի ծառայություններ մատուցող այլ կազմակերպություններում, կամ այլ կազմակերպություններում աշխատեն որպես ներքին աուդիտոր»: Ուստի ակնառու է, որ վերը նշված տեխնիկական բնութագիրը կազմվել է հանրային հատվածում ներքին աուդիտ իրականացնելու համար որակավորում ունեցող կազմակերպությունների ցանկում ընդգրկված ինչ որ կազմակերպության միջամտությամբ, որում առկա են տեխնիկական բնութագրով պահանջվող ռեսուրսները: Հարկ է նշել, որ ՏԿԵՆ-ԷԱՃԾՁԲ-24/12 ծածկագրով հրավերում հրապարակված տեխնիկական բնութագիրը չի ապահովել մրցակցության հավասար պայմաններ հնարավոր մասնակիցների համար և ունի հստակ ուղղվածություն, որը կասկածանք է առաջացնում կոռուպցիոն ռիսկերի: Խնդրում եմ տալ պարզաբանում վերոնշյալիս վերաբերյալ կամ կատարել տեխնիկական բնութագրում փոփոխություններ։ Կանխավ շնորհակալություն | 2023-12-04 14:27:07 | Ի պատասխան Ձեր հարցմանը պարզաբանում ենք. «Գնումների մասին» օրենքի 29-րդ հոդվածի 1-ին մասի՝ մասնակիցն իրավունք ունի հայտերի ներկայացման վերջնաժամկետը լրանալուց առնվազն հինգ օրացուցային օր առաջ գրավոր պահանջելու հրավերի պարզաբանում: Հարցումը կատարած մասնակցին պարզաբանումը տրամադրվում է գրավոր` հարցումն ստանալու օրվան հաջորդող երկու օրացուցային օրվա ընթացքում: Թեև ներկայացվածն իր մեջ չի ներառում հրավերի վերաբերյալ հարցադրումներ, այլ բովանդակային իմաստով բարձրացված է տեխնիկական բնութագրի անհամապատասխանություններ ՀՀ օրենսդրությամբ սահմանված պահանջների հետ, որի բողոքարկման հնարավորությունը կարգավորված է «Գնումների մասին» օրենքի 46-րդ հոդվածի պահանջներով, սակայն հարկ ենք համարում անդրադառնալ Ձեր կողմից բարձրացված դիտարկումներին: ՀՀ ֆինանսների նախարարի 2020 թվականի N 204-Լ հրամանի 2-րդ կետով սահմանվել է, որ սույն հրամանով հաստատված տեխնիկական բնութագրի պահանջներն ունեն բացառապես կողմնորոշիչ բնույթ և պատվիրատուների կողմից ենթակա են համապատասխանեցման տվյալ կազմակերպության կարիքի առանձնահատկութուններին: ՀՀ կառավարության 11.08.2011թ. թիվ 1233-Ն որոշմամբ հաստատված հավելվածի 22-րդ և 23-րդ կետերով սահմանվել է, որ ներքին աուդիտորները պետք է տիրապետեն այնպիսի գիտելիքների և հմտությունների, որոնք անհրաժեշտ են իրենց աշխատանքային պարտականություններն իրականացնելու համար: Ընդհանուր առմամբ՝ ներքին աուդիտի գործունեությունը պետք է հիմնվի անհրաժեշտ գիտելիքների ու հմտությունների վրա: Այն դեպքերում, երբ ներքին աուդիտորներն աուդիտի առաջադրանքի կամ դրա մի մասի իրականացման համար չեն տիրապետում բավարար գիտելիքների ու հմտությունների, ապա կազմակերպության ղեկավարը պետք է ապահովի, որ աուդիտի ստորաբաժանումն ստանա անհրաժեշտ խորհրդատվություն կամ աջակցություն: Ֆինանսների նախարարի 17.02.2012թ. թիվ 143-Ն հրամանով հաստատված հավելվածի 49-րդ կետի՝ ներքին աուդիտի աշխատանքներն արդյունավետ իրականացնելու համար ներքին աուդիտի ստորաբաժանման ղեկավարը պետք է ապահովի, որ ներքին աուդիտի գործընթացում ներգրավված անձինք, իրենց առջև դրված խնդիրների իրականացման համար, տիրապետեն որոշակի գիտելիքների և հմտությունների: Ստորև ներկայացվում են ներքին աուդիտորների կարողունակությանը ներկայացվող մի քանի ընդհանուր պահանջներ. 1) ներքին աուդիտի աշխատանքներն իրականացնելիս ներքին աուդիտորներից պահանջվում է ցուցաբերել ստանդարտների, ընթացակարգերի և մեթոդների կիրառման կարողունակություն: Կարողունակությունը նշանակում է հնարավոր իրավիճակներում գիտելիքները կիրառելու և այդ իրավիճակներում առանց ծավալուն տեխնիկական հետազոտության և աջակցության գործելու կարողություն, 2) այն աուդիտորներից, ովքեր հիմնականում գործ ունեն ֆինանսական գրանցումների և հաշվետվությունների հետ, պահանջվում է ցուցաբերել ֆինանսական հաշվետվությունների պատրաստման և ներկայացման հիմունքների և հաշվապահական քաղաքականության, ինչպես նաև ֆինանսական հաշվետվությունների համապատասխան ստանդարտների իմացություն, 3) ներքին աուդիտորներից պահանջվում է կառավարման սկզբունքների ընկալում` կազմակերպության պատշաճ գործելակերպից շեղումների էականությունը և նշանակալիությունը որոշելու և գնահատելու համար: Ըմբռնում նշանակում է հնարավոր իրավիճակներում լայն գիտելիքները կիրառելու, նշանակալի շեղումները բացահայտելու, ինչպես նաև հիմնավորված որոշումների կայացման համար անհրաժեշտ ուսումնասիրություն կատարելու ունակություն, 4) ներքին աուդիտորներից պահանջվում է այնպիսի բնագավառների հիմնարար սկզբունքների իմացություն, ինչպիսիք են հաշվապահական հաշվառումը, տնտեսագիտությունը, առևտրային իրավունքը, հարկերը, ֆինանսները, վերլուծական, քանակական մեթոդները և տեղեկատվական տեխնոլոգիաները: Ներքին աուդիտորները պետք է կարողանան հասկանալ խնդրի առկայությունը և որոշել, թե հետագա ինչ ուսումնասիրություն կամ աջակցություն է անհրաժեշտ: ՀՀ տարածքային կառավարման և ենթակառուցվածքների նախարարության ներքին աուդիտի 2024 թվականի տարեկան ծրագրով ներքին աուդիտի ենթակա միավորներում, նախատեսված աուդիտորական առադրանքների բնույթից ելնելով, սույն հրավերի տեխնիկական բնութագրով սահմանվել է ներքին աուդիտորների նվազագույն թվաքանակ և մասնագիտական գիտելիքների իմացություն ու այդ մասին հավաստող որակավորումների ներկայացման պահանջ: Տեխնիկական բնութագրով սահմանված նվազագույն սույն պահանջների ապահովման պարագում միայն հնարավոր կլինի կազմակերպել Նախարարությունում 2024 թվականի համար պլանավորված ներքին աուդիտի ծառայությունների պատշաճ որակի մատուցումը: Ինչ վերաբերվում է այն մտավախությանը, որ տեխնիկական բնութագիրը կազմվել է հանրային հատվածում ներքին աուդիտ իրականացնելու համար որակավորում ունեցող կազմակերպությունների ցանկում ընդգրկված ինչ որ կազմակերպության միջամտությամբ, որում առկա են տեխնիկական բնութագրով պահանջվող ռեսուրսները, ապա հարկ ենք համարում նշել, որ մտավախությունը անհիմն է, քանի որ ՀՀ տարածքային կառավարման և ենթակառուցվածքների նախարարությունը 2023 թվականի ներքին աուդիտի ծառայությունների տեխնիկական բնութագրով նույնպես սահմանել էր ՀՀ ֆինանսների նախարարի 2020 թվականի N 204-Լ հրամանի 1-ին կետով հաստատված հավելվածի 5-րդ կետից տարբերվող պահանջներ, որի արդյունքով հրավերին մասնակցություն է ունեցել 3 ընկերություններ: Այս համատեքստում հարկ է նշել, որ ներքին աուդիտի, աուդիտորական և մասնագիտական այլ ծառայությունների ձեռբերման պետական գնումների տեխնիկական բնութագրերում սահմանվում են նվազագույն պահանջներից տարբերվող առավել խիստ պահանջներ՝ տվյալ ծառայության որակի պատշաճ ստացումն ապահովելու համար: Բացի այդ հարկ է նշել, որ Ֆինանսների նախարարության կողմից հրապարակված ցանկերի համաձայն՝ ՀՀ-ում՝ որպես ներքին աուդիտի ծառայությունների մատուցման իրավունք ունի 10 ընկերություն, իսկ աուդիտորական գործունեությամբ զբաղվելու՝ 30 ընկերություն, որոնք նույնպես կարող են դիմել և ստանալ ներքին աուդիտի ծառայություններ մատուցելու իրավունք: Միաժամանակ լիազոր մարմնի կողմից հրապարակված ցանկերի համաձայն՝ գրանցված են 250 ներքին աուդիտորներ, որոնցից 217-ը՝ ներքին աուդիտի որակավորում ստացել է քննությունների մասնակցության արդյունքներով, 23-ը՝ Հայաստանի Հանրապետությունում ներքին աուդիտի ոլորտում ընդունելի` այլ կառույցների կողմից տրված աուդիտորի որակավորում ունենալու արդյունքում, իսկ 5-ը՝ Հայաստանի Հանրապետությունում ներքին աուդիտի ոլորտում ընդունելի` միջազգայնորեն ճանաչված աուդիտորի որակավորում ունենալու արդյունքում: Լիազոր մարմնի կողմից այդպիսի ցանկի հրապարակման բացակայության պայմաններում՝ ՀՀ տարածքային կառավարման և ենթակառուցվածքների նախարարությունը կամ սույն հրավերի գնման հայտը նախագծած որևէ պաշտոնատար անձ աուդիտի ծառայությունների մատուցմամբ զբաղվող ընկերություններում աշխատող ներքին աուդիտորների տվյալների չի կարող տիրապետել: Միևնույն ժամանակ հարկ է նշել, որ սույն հրավերի 2.6-րդ կետով սահմանվել է, որ մասնակիցները կարող են սույն ընթացակարգին մասնակցել համատեղ գործունեության կարգով (կոնսորցիումով), որի պայմաններում որևէ ընկերության մոտ տեխնիկական բնութագրով սահմանված որևէ պայմանի բացակայության պարագայում կարող է այլ ընկերության հետ համատեղ գործունեության պայամանգրի հիման վրա մասնակցել սույն ընթացակարգին: Հետևաբար, սույն հրավերի տեխնիկական բնութագրով սահմանված որևէ ընկերության նկատմամբ պահանջների անբավարար լինելը չի կարող հիմք հանդիսանալ վկայելու մրցակցության սահմանափակման կամ Ձեր կողմից մատնանշված կոռուպցիոն ռիսկերի առաջացման մասին: Նշված հիմքերի և հիմնավորումների լույսի ներքո փաստվում է, որ Ձեր մտավախությունը ահիմն է, զուրկ է որևէ առարկայական դատողությունից: Սույն գնման գործընթացին մասնակցության մրցակցային խոչընդոտների կամ սահմանափակումների վերաբերյալ հիմնավոր կասկածներ ունենալու պարագայում խնդրում ենք դիմել իրավասու մարմիններին: - |
| Չափաբաժնի համար | Զբաղեցրած տեղ | Ներկայացված հայտեր | Նախահաշվային գին | Նախնական առաջարկ | Վերջին առաջարկ | Մասնակցի կարգավիճակ | ||||
| Արժեք | ԱԱՀ | Գին | Արժեք | ԱԱՀ | Գին | |||||
| 1 | 1 | ԷԼ ԸՆԴ ԷՎ ՍՊԸ  | 44400000 AMD | 200000000 AMD | 20 % | 240000000 AMD | 1712560 AMD | 20 % | 2055072.00 AMD | Մերժված |
| 1 | 2 | ԳԼՈԲ ԱՈՒԴԻՏ ՍՊԸ | 44400000 AMD | 20833000 AMD | 20 % | 24999600 AMD | 14500000 AMD | 20 % | 17400000.00 AMD | |
| 1 | 3 | Քրոու ընդ Ասատրյանս ՍՊԸ | 44400000 AMD | 44400000 AMD | 20 % | 53280000 AMD | 44400000 AMD | 20 % | 53280000.00 AMD | Մերժված |