Ուսումնասիրելով Ձեր կողմից բարձրացված հարցը հայտնում ենք հետևյալը. ԱՆԻՖ-ի կողմից կազմակերպված գնման ընթացակարգի տեխնիկական բնութագրով սահմանվել է, որ տարածքը պետք է լինի հյուրանոցային և առնվազն 5 աստղանի: Տեղեկացնում ենք, որ Ձեր կողմից վկայակոչված Հայաստանի Հանրապետության կառավարության 2004 թվականի հունիսի 10-ի N 946-Ն որոշմամբ ընդամենը սահմանվել է հյուրանոցային ծառայություններ մատուցելու կարգն ու պայմանները, ինչպես նաև հաստատվել է հյուրանոցային տնտեսության օբյեկտների որակավորման ընթացակարգը, հյուրանոցային տնտեսության օբյեկտների որակավորման կարգերը և հյուրանոցային տնտեսության օբյեկտների որակավորման վկայականի ձևը: Այսինքն տվյալ իրավական ակտը վերաբերում է այն հյուրանոցային տնտեսության օբյեկտներին, որոնք կամավորության սկզբունքով ցանկություն են հայտնել ստանալու որևէ որակավորման կարգ: Հետևաբար հյուրանոցային տնտեսության օբյեկտների որակավորման կարգ ստանալը չի կրում իմպերատիվ բնույթ, այլ հիմնված է կամավորության սկզբունքի վրա: Միաժամանակ տեղեկացնում եմ, որ նույն որոշման թիվ 2 հավելվածով՝ հյունոցների և մոթելների որակավորման կարգով սահմանվել են այն նվազագույն պահանջները, որոնք վերաբերելի են այս կամ այն կարգերին: Հաշվի առնելով այն հանգամանքը, որ ըստ ՀՀ Էկոնոմիկայի նախարարության տեղեկացման այս պահին Երևան քաղաքում որևէ հյուրանոցային օբյեկտի համար չեն դիմել և չեն ստացել 5 աստղի որակավորում, ուստի տեղեկացնում ենք, որ ԱՆԻՖ-ի կողմից կազմակերպված գնման ընթացակարգի տեխնիկական բնութագրուվ սահմանված այն դրույթը, որ տարածքը պետք է լինի հյուրանոցային և առնվազն 5 աստղանի, նկատի է ունեցվել այն հյունանոցային օբյեկտները, որոնք գտնում են, որ իրենք համապատասխանում են կարգի թիվ 2 հավելվածով՝ հյունոցների և մոթելների որակավորման կարգով սահմանված 5 աստղանի կարգին վերաբերող նվազագույն պահանջներին և իրենց կայք էջերում, հյուրանոցային օբյեկտում և այլ վայրերում անվանման հետ մեկտեղ նշում են /փակցնում են, տեղադրում են/ 5 աստղեր: Միաժամանակ տեղեկացնում ենք, որ Երևան քաղաքի կենտրոնում՝ Հանրապետության հրապարակից ոչ հեռու քան 600 մետրը գերազանցող հեռավորության վրա առկա է առնվազն երեք հյուրանոցային օբյեկտ, որոնք իրենց անվանման հետ մեկտեղ նշում են նաև 5 աստղ:

Изучая поднятый Вами вопрос, сообщаем следующее. Согласно техническому заданию процедуры закупки, организованной ANIF, было определено, что площадь должна быть гостиничной и не ниже 5-звездочной. Сообщаем Вам, что упомянутым Вами постановлением Правительс