| Հարցում | Ժամանակ | Պարզաբանում |
| Հարգելի՛ գնահատող հանձնաժողով, Սուրբ Գրիգոր Լուսավորիչ ՓԲԸ-ի կողմից հայտարարված ՀՀ ՍԳԼ-ԷԱՃԱՊՁԲ-26/35 ծածկագրով էլեկտրոնային աճուրդի 1-ին չափաբաժնով սահմանված ապրանքի համար աճուրդի հրավերով սահմանվել է հետևյալ տեխնիկական բնութագիրը՝ Հեղուկ թթվային (ցիտրատային) խտանյութ հեմոդիալիզի պրոցեդուրաների համար (բնութագրի ամբողջական տեքստը ներկայացված է աճուրդի հրավերում): «Գնումների մասին» օրենքի համաձայն՝ գնման առարկայի բնութագրերը պետք է ամբողջությամբ և հստակ նկարագրեն ձեռք բերվող ապրանքի, աշխատանքի կամ ծառայության հատկանիշները, դրանց ձեռքբերման և վճարման պայմանները բացառելով տարակերպ մեկնաբանությունը: Նշված բնութագրերը պետք է նաև ապահովեն հավասար մրցակցային պայմաններ և չառաջացնեն անարդարացի խոչընդոտներ գնումների գործընթացում, ինչպես նաև լինեն օբյեկտիվորեն հիմնավորված և համարժեք՝ գնումն իրականացնելու անհրաժեշտությանը։ Սույն կապակցությամբ խնդրում ենք պարզաբանում տալ տեխնիկական բնութագրում ներառված հետևյալ պահանջի վերաբերյալ․ «Համաձայն մատակարարվելիք ապրանքի պահանջների մատակարարի կողմից պետք է իրականացվի առկա սարքավորումների կարգաբերման աշխատանքներ (Калибровка)»։ Մասնավորապես խնդրում ենք պարզաբանել․ 1) Ի՞նչ կոնկրետ սարքավորումների կարգաբերման (կալիբրացիայի) աշխատանքների մասին է խոսքը, 2) Ինչպիսի՞ տեխնիկական և ֆունկցիոնալ կապ ունի հեմոդիալիզի սարքավորումների կարգաբերման իրականացումը թթվային (ցիտրատային) խտանյութի մատակարարման հետ, 3) Արդյոք նշված կարգաբերման աշխատանքները հանդիսանում են արտադրանքի անբաժանելի բաղադրիչ կամ պայման, 4) Ինչ հիմքով է տվյալ պահանջը ներառվել թթվային (ցիտրատային) խտանյութի գնման տեխնիկական բնութագրում։ Նշված պահանջը, իր բովանդակությամբ, կարող է մեկնաբանվել որպես լրացուցիչ ծառայության մատուցում, որը անմիջականորեն չի առնչվում գնման առարկա հանդիսացող ապրանքին, և այդպիսով կարող է ստեղծել անհիմն սահմանափակումներ աճուրդին մասնակցության համար։ Բացի այդ, նշված պահանջի ներառումը տեխնիկական բնութագրում հանգեցնում է այն իրավիճակին, որ աճուրդին փաստացի կարող է մասնակցել միայն տվյալ տեսակի հեմոդիալիզի սարքավորումների մատակարարը կամ վերջինիս կողմից լիազորված կազմակերպությունը։ Այլ տնտեսվարող սուբյեկտներ, որոնք մատակարարում են միայն թթվային (ցիտրատային) խտանյութ և չունեն իրավասություն կամ տեխնիկական հնարավորություն միջամտելու պատվիրատուի առկա հեմոդիալիզի սարքավորումների կարգաբերման (կալիբրացիայի) գործընթացին, փաստացի զրկվում են աճուրդին մասնակցելու հնարավորությունից։ Խնդրում ենք տրամադրել համապատասխան պարզաբանում՝ գնահատելով պահանջի նպատակահարմարությունը, իրավաչափությունն ու համաչափությունը տվյալ գնման առարկայի շրջանակներում։ Կանխավ շնորհակալություն | 2026-01-31 11:36:06 | Հարգելի մասնակից` 1) Ի՞նչ կոնկրետ սարքավորումների կարգաբերման (կալիբրացիայի) աշխատանքների մասին է խոսքը – Սուրբ Գրիգոր Լուսավորիչ ՓԲԸ-ում առկա է 30 հատ AK98 Baxter(Gambro) հեմոդիալիզի սարքավորում 2)Ինչպիսի՞ տեխնիկական և ֆունկցիոնալ կապ ունի հեմոդիալիզի սարքավորումների կարգաբերման իրականացումը թթվային (ցիտրատային) խտանյութի մատակարարման հետ – Հաղթող կազմակերոպությունը պետք է կատարի իր կողմից ներկայացված ցիտրատային հեղուկի AK98 հեմոդիալիզի սարքավորման մեջ ներբեռնումն և կատարի անհրաժեշտ բոլոր կարգաբերումները։ 3)Արդյոք նշված կարգաբերման աշխատանքները հանդիսանում են արտադրանքի անբաժանելի բաղադրիչ կամ պայման – Այո, քանի որ առանց կարգաբերման հեմոդիալիզի սարքը չի կարող ճշգրիտ աշխատել կիրառվող ցիտրատային հեղուկի հետ և Սուրբ Գրիգոր Լուսավորիչ ՓԲԸ հեմոդիալիզի բաժանմունքի կատարված աշխատանքը չի կարող ընդունելի լինել բուժման համար։ 4)Ինչ հիմքով է տվյալ պահանջը ներառվել թթվային (ցիտրատային) խտանյութի գնման տեխնիկական բնութագրում – Չկարգաբերված սարքավորումների կիրառումը ուղիղ անդրադարձ է ունենում պացիենտի առողջական վիճակի վրա , ինչը ընդունելի չի որևէ բժշկական հաստատության համար։ О каких конкретных работах по настройке (калибровке) оборудования идёт речь – В ЗАО «Сурб Григор Лусаворич» имеется 30 аппаратов гемодиализа AK98 Baxter (Gambro). Какую техническую и функциональную связь имеет выполнение настройки аппар |