| Հարցում | Ժամանակ | Պարզաբանում |
| Հարգելի՛ գնահատող հանձնաժողով, ՀՀ առողջապահության նախարարության կողմից հայտարարված ՀՀ ԱՆ ԷԱՃԱՊՁԲ-2026/25 ծածկագրով էլեկտրոնային աճուրդի 1-ին և 2-րդ չափաբաժիններով նախատեսվում է ձեռք բերել համապատասխանաբար 4 և 6 հատ համակարգչային տոմոգրաֆներ։ Նշված չափաբաժիններով ներկայացված տեխնիկական բնութագրերում սահմանված է հետևյալ պահանջը՝ «Համակարգչային տոմոգրաֆ GE Healthcare Revolution Maxima կամ համարժեք Philips Healthcare Philips Incisive CT կամ համարժեք Siemens Healthineers Somatom Go Top»։ Վերոնշյալ ձևակերպմամբ պատվիրատուն փաստացի սահմանափակում է գնման ընթացակարգին մասնակցելու հնարավորությունը՝ այն պայմանավորելով միայն երեք կոնկրետ արտադրողների կոնկրետ մոդելների առաջարկմամբ, ինչը հակասում է ՀՀ օրենսդրության պահանջներին և գնումների ոլորտում կիրառվող հիմնարար սկզբունքներին։։ «Գնումների մասին» ՀՀ օրենքի (այսուհետ՝ Օրենք) 3-րդ հոդվածի 2-րդ մասի 1-ին և 2-րդ կետերի համաձայն՝ գնումների գործընթացը պետք է իրականացվի մրցակցության ապահովման և խրախուսման, ոչ խտրական վերաբերմունքի, հավասարության, համաչափության, հրապարակայնության և թափանցիկության, ինչպես նաև պայմանագրի կնքման նպատակով մասնակիցների շրջանակի ընդլայնման սկզբունքների անմիջական կիրառմամբ և պահպանմամբ։ Նույն օրենքի 6-րդ հոդվածի 4-րդ մասի 2-րդ և 3-րդ կետերի համաձայն՝ չեն կարող սահմանվել մասնակցի` գնումներին մասնակցելու իրավունքի և որակավորման հետ կապված այնպիսի չափանիշներ, որոնք խտրական են և սահմանափակում են մրցակցությունը` անհիմն կերպով բարդացնում կամ պարզեցնում են հնարավոր մասնակցությունը գնման գործընթացին կամ համարժեք չեն` ուղղակիորեն չեն բխում պայմանագրով նախատեսված պարտավորությունների կատարման անհրաժեշտությունից: Գնման առարկայի բնութագրերը պետք է նաև ապահովեն հավասար մրցակցային պայմաններ և չառաջացնեն անարդարացի խոչընդոտներ գնումների գործընթացում, ինչպես նաև լինեն օբյեկտիվորեն հիմնավորված և համարժեք՝ գնումն իրականացնելու անհրաժեշտությանը։ Բացի այդ, ՀՀ կառավարության 2017 թվականի մայիսի 4-ի թիվ 526-Ն որոշմամբ հաստատված կարգի 22-րդ կետի համաձայն՝ գնման առարկայի բնութագրերը և մասնակիցներին ներկայացվող որակավորման չափանիշները սահմանելիս պետք է հաշվի առնել, որ դրանց պետք է բավարարեն մեկից ավելի հնարավոր մասնակիցներ՝ բացառությամբ սույն կարգի 23-րդ կետի 4-րդ ենթակետով նախատեսված հիմքով և նույն կարգի 21-րդ կետի 1-ին ենթակետի «դ» պարբերությամբ նախատեսված՝ պատվիրատուի ղեկավարի հետ համաձայնեցված դեպքերում կատարվող գնումների: Ապրանքների գնման դեպքում հղումներ օգտագործելիս ներկայացվում են որպես համարժեք առաջարկվող ապրանքների ֆիրմային անվանումը, մոդելը և արտադրողը: Հետևապես, ապրանքային նշանի, արտադրողի կամ կոնկրետ մոդելի նշումը Օրենքի և ՀՀ կառավարության 2017 թվականի մայիսի 4-ի թիվ 526-Ն որոշմամբ իմաստով թույլատրելի է բացառապես այն դեպքում, երբ գնման առարկայի բնութագրումը տեխնիկական չափանիշներով օբյեկտիվորեն հնարավոր չէ, իսկ հակառակ պարագայում գնման առարկան պետք է բնութագրվի տեխնիկական չափանիշներով՝ առանց կոնկրետ արտադրողներով կամ մոդելներով սահմանափակման։ Մինչդեռ հարկ ենք համարում ընդգծել, որ հիշյալ գնման ընթացակարգի հրավերին կից ներկայացվել են համակարգչային տոմոգրաֆների մանրամասն տեխնիկական բնութագրերը, որոնք հնարավորություն են տալիս հստակ սահմանել ձեռք բերվող սարքավորումների պահանջները՝ առանց կոնկրետ մոդելների կամ արտադրողների սահմանափակման։ Ավելին, նշված տեխնիկական բնութագրերին համապատասխանում են ոչ միայն հրավերով հիշատակված երեք մոդելները, այլ նաև համակարգչային տոմոգրաֆներ արտադրող այլ ընկերությունների մոդելներ, որոնք որոնք ՀՀ օրենսդրության իմաստով հանդիսանում են համարժեք՝ ինչպես տեխնիկական ցուցանիշներով, այնպես էլ գործառնական հնարավորություններով։։ Վերոգրյալի համատեքստում՝ արձանագրում ենք, որ տեխնիկական բնութագրերում միայն երեք կոնկրետ մոդելների ընդգրկումը չի բխում օբյեկտիվ անհրաժեշտությունից, չի հանդիսանում իրավաչափ և հանգեցնում է հնարավոր մասնակիցների շրջանակի անհիմն սահմանափակման, ինչպես նաև բարեխիղճ մրցակցության խաթարման։ Ելնելով վերոգրյալից՝ խնդրում ենք տրամադրել իրավական և օբյեկտիվորեն հիմնավորված պարզաբանում առ այն, թե ինչով է պայմանավորված տեխնիկական բնութագրերում միայն նշված երեք մոդելների ներառումը, ինչպես նաև վերանայել և համապատասխանեցնել տեխնիկական բնութագրերը «Գնումների մասին» ՀՀ օրենքի և ՀՀ կառավարության թիվ 526-Ն որոշման պահանջներին՝ ապահովելով հավասար մրցակցային պայմաններ։ | 2026-02-13 14:39:02 | «Հարգելի գործընկեր 1-ին և 2-րդ չափաբաժիններով ձեռք բերման ենթակա համակարգչային տոմոգրաֆների համար սահմանված «Համակարգչային տոմոգրաֆ GE Healthcare Revolution Maxima կամ համարժեք Philips Healthcare Philips Incisive CT կամ համարժեք Siemens Healthineers Somatom Go Top» պահանջը չի հակասում «Գնումների մասին» ՀՀ օրենքի և ՀՀ կառավարության թիվ 526-Ն որոշման պահանջներին։ Փաստացի նշված պահանջին համապատասխանում են 3 տարբեր ընկերությունների կողմից արտադրվող համարժեք սարքավորումներ, որոնք բավարարում են պատվիրատուի պահանջին։» «Հարգելի գործընկեր 1-ին և 2-րդ չափաբաժիններով ձեռք բերման ենթակա համակարգչային տոմոգրաֆների համար սահմանված «Համակարգչային տոմոգրաֆ GE Healthcare Revolution Maxima կամ համարժեք Philips Healthcare Philips Incisive CT կամ համարժեք Siemens Health |
| Հարգելի գործընկեր ՀՀ ԱՆ ԷԱՃԱՊՁԲ-2026/25 ծածկագրով էլեկտրոնային աճուրդի գնման ընթացակարգի հրավերի 1-ին և 2-րդ, չափաբաժինների տեխնիկական բնութագրում նշված է տոմոգրաֆիկ սարքեր , իսկ կից ֆայլերում նշված է Համակարգչային տոմոգրաֆ GE Healthcare Revolution Maxima կամ համարժեք Philips Healthcare Philips Incisive CT կամ համարժեք Siemens Healthineers Somatom Go Top։ ։ Համաձայն ՀՀ կառավարության 4 մայիսի 2017 թվականի N 526-Ն որոշման հավելվածի 22-րդ կետի Գնման առարկայի բնութագրերը և մասնակիցներին ներկայացվող որակավորման չափանիշները սահմանելիս պետք է հաշվի առնել, որ դրանց պետք է բավարարեն մեկից ավելի հնարավոր մասնակիցներ՝ բացառությամբ սույն կարգի 23-րդ կետի 4-րդ ենթակետով նախատեսված հիմքով և նույն կարգի 21-րդ կետի 1-ին ենթակետի «դ» պարբերությամբ նախատեսված՝ պատվիրատուի ղեկավարի հետ համաձայնեցված դեպքերում կատարվող գնումների: Ապրանքների գնման դեպքում հղումներ օգտագործելիս ներկայացվում են որպես համարժեք առաջարկվող ապրանքների ֆիրմային անվանումը, մոդելը և արտադրողը: ,,Գնումների մասին,, ՀՀ օրենքի 13-րդ հոդվածի 2-րդ մասի համաձայն. 2. Գնման առարկայի բնութագրերը` 1) պետք է մրցակցության հավասար պայմաններ ապահովեն հնարավոր մասնակիցների համար. 2) չպետք է հանգեցնեն գնումների գործընթացում մրցակցության համար չհիմնավորված խոչընդոտների առաջացմանը. 3) պետք է լինեն օբյեկտիվորեն հիմնավորված և համարժեք լինեն այն կարիքին, որի բավարարման նպատակով կատարվում է տվյալ գնումը. 4) ներառում են գնման առարկայի մասնագրի, տեխնիկական տվյալների, իսկ աշխատանքների դեպքում` նաև աշխատանքների ծավալաթերթի, ժամանակացույցի և այլ ոչ գնային պայմանների ամբողջական և համարժեք նկարագրությունը: Նույն հոդվածի 5-րդ մասի համաձայն . Գնման առարկայի հատկանիշները չպետք է պահանջ կամ հղում պարունակեն որևէ առևտրային նշանի, ֆիրմային անվանմանը, արտոնագրին, էսքիզին կամ մոդելին, ծագման երկրին կամ կոնկրետ աղբյուրին կամ արտադրողին, բացառությամբ այն դեպքերի, երբ անհնար է գնման առարկայի բնութագրումն առանց դրանց: Հղումներ օգտագործելու դեպքում հատկանիշների բնութագիրը պետք է պարունակի «կամ համարժեք» բառերը: Վերոնշյալ իրավակարգավորումներից բխում է, որ եթե հրավերում հղում է ապրանքի կոնկրետ մոդել , դրանից հետո այն պետք է պարունակի պարունակի «կամ համարժեք» բառերը, որը տվյալ դեպքում բացակայում է : Հիմք ընդունելով վերոգրյալը Խնդրում ենք հայտնել 1. Ինչով է պայմանավորված հրավերի 1-ին և 2-րդ, չափաբաժինների գնման առարկայի տեխնիկական բնութագրում կոնկրետ մոդելների նշումը 2. Ինչու նշված չէ կոնկրետ մոդելների թվարկումից հետո կամ համարժեք բառերը 3. Արդյոք Պատվիրատուի կողմից ընդունելի կլինի նշված մոդելներից տարբերվող, սակայն տեխնիկական բնութագրով գնման առարկայի բնութագրի պահանջները բավարարող մեկ այլ արտադրողի և մոդելի ապրանք | 2026-02-13 16:24:31 | «Հարգելի գործընկեր 1-ին և 2-րդ չափաբաժիններով ձեռք բերման ենթակա համակարգչային տոմոգրաֆների համար սահմանված «Համակարգչային տոմոգրաֆ GE Healthcare Revolution Maxima կամ համարժեք Philips Healthcare Philips Incisive CT կամ համարժեք Siemens Healthineers Somatom Go Top» պահանջը չի հակասում «Գնումների մասին» ՀՀ օրենքի և ՀՀ կառավարության թիվ 526-Ն որոշման պահանջներին։ Փաստացի նշված պահանջին համապատասխանում են 3 տարբեր ընկերությունների կողմից արտադրվող սարքավորումներ, հստակ ներկայացված են պատվիրատուի համար համարժեք հանդիսացող սարքավորումների ֆիրմային անվանումը, մոդելը և արտադրողը։» «Հարգելի գործընկեր 1-ին և 2-րդ չափաբաժիններով ձեռք բերման ենթակա համակարգչային տոմոգրաֆների համար սահմանված «Համակարգչային տոմոգրաֆ GE Healthcare Revolution Maxima կամ համարժեք Philips Healthcare Philips Incisive CT կամ համարժեք Siemens Health |