| Հարցում | Ժամանակ | Պարզաբանում |
| Հարգելի գործընկերներ, Խնդրում ենք տրամադրել պարզաբանում 40, 41, 42, 43, 44, 45, 46, 47, 48, 49 և 50 չափաբաժինների վերաբերյալ։ Նշված չափաբաժիններում ներկայացված են կոնք-ազդրային հոդի էնդոպրոթեզի հավաքածուի բաղադրիչներ՝ ցեմենտային և ոչ ցեմենտային տեսակներով։ Մեկ ամբողջական էնդոպրոթեզի հավաքածուն ներառում է՝ 1 ոտիկ, 1 գլխիկ, 1 ներդիր, 1 գավաթ, ինչպես նաև՝ ըստ անհրաժեշտության, պտուտակներ։ Ձեր կողմից տրամադրված չափաբաժիններում առկա է բաղադրիչների քանակական անհամապատասխանություն՝ 200 հատ ոտիկ, 100 հատ գլխիկ, 300 հատ ներդիր և 150 հատ գավաթ։ Նշված անհամապատասխանության պայմաններում հնարավոր չէ ապահովել 100-ից ավելի ամբողջական էնդոպրոթեզի հավաքածուների կիրառում։ Խնդրում ենք պարզաբանել՝ արդյոք քանակների մասով տեխնիկական սխալմունք է տեղի ունեցել։ 40-րդ չափաբաժնի վերաբերյալ նշված է տիտանի համաձուլվածք՝ Ti6Al4V։ Միաժամանակ, մի շարք եվրոպական արտադրողներ առաջարկում են նույն կիրառության համար նախատեսված կոնաձև ոտիկներ՝ այլ քիմիական կազմով տիտանի համաձուլվածքներից, օրինակ՝ Smith & Nephew ընկերության դեպքում՝ Ti6Al7Nb։ Հաշվի առնելով վերոգրյալը, առաջարկում ենք կատարել փոփոխություններ հրավերում, սահմանել թույլատրելի շեղման միջակայքեր կամ պարզաբանել, որ հրավերում նշված պարամետրերի համար նախատեսված են, ընդունելի են գործարանային շեղումներ 40, 41 և 42 չափաբաժիններում նշված են ոտիկների համարակալումներ՝ կոնկրետ երկարության և օֆսեթի արժեքներով, օրինակ՝ 40-րդ չափաբաժնում՝ համար 9՝ 130/37.5։ Միևնույն ժամանակ, տարբեր արտադրողների մոտ համարակալման համակարգերը կարող են տարբեր լինել, ինչը չի ազդում արտադրանքի տեխնիկական բնութագրերի, որակի և ֆունկցիոնալ հատկությունների վրա։ Ոտիկների երկարությունները և օֆսեթները կարող են տատանվել հետևյալ միջակայքերում՝ • երկարություն՝ >125 ≤185, • օֆսեթ՝ >30 ≤55։ Ինչպես նաև 43, 44, 45, 46, 47, 48 և 49 չափաբաժիններում ևս նշված են գլխիկների, գավաթների և ներդիրների տեխնիկական համարակալման պարամետրեր, որոնք պայմանավորված են արտադրողի ներքին դասակարգմամբ և չեն ազդում տվյալ բաղադրիչների որակական և ֆունկցիոնալ հատկանիշների վրա։ Հաշվի առնելով վերոգրյալը, առաջարկում ենք կատարել փոփոխություններ հրավերում, սահմանել թույլատրելի շեղման միջակայքեր կամ պարզաբանել, որ հրավերում նշված պարամետրերի համար նախատեսված են, ընդունելի են գործարանային շեղումներ։ Բացի այդ, 40-ից 50 չափաբաժիններում պահանջվող ցեմենտային և ոչ ցեմենտային էնդոպրոթեզի հավաքածուները էապես տարբերվում են միմյանցից։ Մասնավորապես, ցեմենտային էնդոպրոթեզները կիրառվում են այլ գործիքակազմով և ունեն առանձին բաղադրիչներ, իսկ ոչ ցեմենտայինները՝ իրենց առանձնահատկություններով։ Խնդրում ենք պարզաբանել, թե ինչով է պայմանավորված այն պահանջը, համաձայն որի՝ նշված չափաբաժինների բոլոր բաղադրիչները պետք է լինեն նույն արտադրողի արտադրանք։ Կանխավ շնորհակալ ենք տրամադրվելիք պարզաբանումների համար։ | 2026-04-07 19:16:56 | Պարզաբանում Հարգելի գործընկեր, Քննարկելով Ձեր կողմից ներկայացված առարկությունը 40-50 չափաբաժինների վերաբերյալ՝ հայտնում ենք հետևյալը․ 1. Քանակական ցուցանիշների վերաբերյալ Ձեր կողմից նշված «քանակական անհամապատասխանությունը» չի կարող դիտարկվել որպես տեխնիկական սխալ։ Հայտնում ենք, որ տվյալ գնման գործընթացը ձևավորվել է՝ ելնելով բուժկենտրոնի ընթացիկ կարիքներից և ֆինանսական սահմանափակումներից։ Մասնավորապես, հաշվի առնելով այն հանգամանքը, որ գնման ընդհանուր արժեքը գերազանցում է 100 մլն ՀՀ դրամը, գնումը իրականացվում է փուլային տարբերակով։ Այս հանգամանքով պայմանավորված՝ տվյալ փաթեթում ներառված չեն էնդոպրոթեզավորման համար անհրաժեշտ բոլոր բաղադրիչները, և ներկայացված քանակները չեն նպատակադրվել ապահովելու ամբողջական հավաքածուների համամասնություն։ Հետևաբար, Ձեր կողմից ներկայացված պնդումը փաստացի չի բխում տվյալ մրցութային փաթեթի կառուցվածքից և հիմնավորված չէ։ 2. Տիտանի համաձուլվածքների վերաբերյալ Տեխնիկական բնութագրերում նշված Ti6Al4V համաձուլվածքը ընտրվել է՝ հիմք ընդունելով դրա լայն կիրառումը, երկարաժամկետ կլինիկական արդյունքները և ապացուցված անվտանգությունը։ Այլ համաձուլվածքների ընդունելիության հարցը չի կարող դիտարկվել միայն քիմիական բանաձևի համեմատությամբ։ Ցանկացած այլընտրանքային լուծում ենթակա է գնահատման բացառապես տեխնիկական բնութագրերին ամբողջական համապատասխանության շրջանակում՝ ներառյալ մեխանիկական հատկությունները, ծածկույթը, կենսահամատեղելիությունը և կլինիկական կիրառման արդյունքները։ 3. Համարակալման և չափային պարամետրերի վերաբերյալ Ձեր կողմից ներկայացված մոտեցումը, թե համարակալումը էական նշանակություն չունի, մասնակի է և չի արտացոլում խնդրի ամբողջական տեխնիկական բովանդակությունը։ Չնայած համարակալման համակարգերը կարող են տարբեր լինել արտադրողների միջև, էական նշանակություն ունի այն, թե տվյալ համարի ներքո ինչ կոնկրետ տեխնիկական և կառուցվածքային բնութագրերով իմպլանտ է առաջարկվում։ Մասնավորապես, ոտիկների դեպքում որոշիչ են՝ չափերի և ձևերի բազմազանությունը, վզիկի օֆսեթի կոնկրետ արժեքները, երկարությունը, մակերեսային ծածկույթը, նյութական կազմը և մշակման տեխնոլոգիան։ Նշված պարամետրերը համակցված ձևով ապահովում են հոդի բիոմեխանիկայի վերականգնումը, կայունությունը և երկարաժամկետ կլինիկական արդյունքները։ Նույն մոտեցումը կիրառելի է նաև գլխիկների, գավաթների և ներդիրների նկատմամբ։ Հետևաբար, գնահատման ընթացքում առաջնորդվելու ենք բացառապես տեխնիկական բնութագրերով սահմանված կոնկրետ չափելի և ֆունկցիոնալ պահանջների համապատասխանությամբ, այլ ոչ ձևական համարակալման համընկմամբ։ 4. Ցեմենտային և ոչ ցեմենտային համակարգերի համատեղելիության վերաբերյալ Ճիշտ է, դասական մոտեցմամբ ցեմենտային և ոչ ցեմենտային էնդոպրոթեզները ունեն տարբեր կառուցվածք և կիրառման առանձնահատկություններ։ Սակայն Ձեր կողմից անտեսվել է այն հանգամանքը, որ ժամանակակից օրթոպեդիայում լայն կիրառություն ունեն հիբրիդային և ռեվիզիոն լուծումները, որտեղ տարբեր բաղադրիչների համատեղելիությունը դառնում է առանցքային տեխնիկական պահանջ։ Այս պայմաններում տարբեր արտադրողների բաղադրիչների խաչաձև համատեղելիությունը չի կարող երաշխավորվել՝ մեխանիկական համապատասխանության, կոնուսային միացումների ճշգրտության, մաշվածության և բարդությունների ռիսկերի նվազեցման տեսանկյունից։ Հետևաբար, նույն արտադրողի պահանջը պայմանավորված է բացառապես բժշկական անվտանգության, տեխնիկական ամբողջականության և բուժման արդյունքների կանխատեսելիության ապահովմամբ և չի կարող դիտարկվել որպես անհիմն սահմանափակում։ 5. Գնահատման սկզբունքների վերաբերյալ Տեղեկացնում ենք, որ մրցույթի շրջանակում բոլոր առաջարկները ենթակա են գնահատման՝ բացառապես տեխնիկական բնութագրերով սահմանված չափելի, ստուգելի և կլինիկապես հիմնավորված պարամետրերի համապատասխանության հիման վրա։ Ցանկացած առաջարկ, որը չի ապահովում նշված պահանջների լիարժեք համապատասխանություն, չի կարող դիտարկվել որպես համարժեք։ Уточнение Уважаемый партнер, Рассмотрев ваше возражение относительно 40-50 доз, хотели бы сообщить вам следующее: 1. Относительно количественных показателей Упомянутое вами «количественное несоответствие» нельзя считать технической ошибкой. Хо |