| Հարցում | Ժամանակ | Պարզաբանում |
| Ուսումնասիրելով «Ինտերնետ կապի տրամադրում» ծառայության տեխնիկական բնութագիրը՝ արձանագրել ենք մի շարք անորոշություններ և հակասություններ, որոնք կարող են տարբեր մեկնաբանությունների տեղիք տալ և ազդել գնման գործընթացի մրցակցային և թափանցիկ իրականացման վրա։ Խնդրում ենք պարզաբանել հետևյալ հարցերը․ Նշված է՝ «առնվազն 150 Մբիթ/վրկ արագությամբ ինտերնետ կապ»․ խնդրում ենք հստակեցնել՝ արագությունը սիմետրիկ է (ներբեռնում/բեռնաթափում), թե ոչ, արդյոք պահանջվում է 100% երաշխավորված թողունակություն, ինչ մեթոդաբանությամբ է իրականացվելու արագության չափումը։ «Յուրաքանչյուր կետում 2 ստատիկ IP հասցե» ձևակերպման մասով խնդրում ենք հստակեցնել՝ ընդհանուր քանի՞ կետ է նախատեսված, IP հասցեները պետք է լինեն հանրային (public), թե մասնավոր (private), պահանջվում է IPv4, թե IPv6։ Խափանումների մասով նշված է՝ առավելագույն գումարային ժամանակահատվածը 8 ժամ 1 ամսվա ընթացքում, ընդ որում յուրաքանչյուր դեպքի համար առավելագույնը 2 ժամ։ Խնդրում ենք պարզաբանել՝ ժամանակահատվածի հաշվարկը կատարվում է կալենդարային, թե աշխատանքային ժամերով, խախտման դեպքում ինչ պատասխանատվություն կամ տույժ է նախատեսվում։ Նշված է, որ մեկ աշխատանքային օրից ավել տևողությամբ անջատումները անթույլատրելի են, ինչը կարող է հակասել 8 ժամ սահմանափակման դրույթին։ Խնդրում ենք հստակեցնել տվյալ դրույթների կիրառման տրամաբանությունը։ Ծառայության դադարեցման վերաբերյալ 30-օրյա ծանուցման պահանջի մասով խնդրում ենք հստակեցնել՝ արդյոք այդ պահանջը կիրառվում է նաև ֆորս մաժորային կամ օրենքով նախատեսված այլ դեպքերում։ ԴՈՍ/ԴԴՈՍ պաշտպանված ինտերնետ կապի պահանջների մասով խնդրում ենք հստակեցնել՝ պաշտպանության իրականացումը պետք է լինի մատակարարի ցանցային մակարդակո՞վ, թե առանձին սարքավորման միջոցով, պահանջվում է արդյոք համապատասխան հավաստագիր կամ տեխնիկական հաստատում, արձագանքման (mitigation) առավելագույն ժամկետը։ Տեխնիկական բնութագրում բացակայում է ծառայության հասանելիության (SLA, uptime %) ցուցանիշը։ Խնդրում ենք հստակեցնել՝ նախատեսվում է արդյոք նվազագույն հասանելիության տոկոսային շեմ։ Խնդրում ենք նաև հստակեցնել՝ վճարման կարգը (ամսական, թե այլ), գնի ֆիքսվածության կամ վերանայման պայմանները 12-ամսյա ժամկետի ընթացքում։ Վերոգրյալի պարզաբանումը կնպաստի տեխնիկական բնութագրի միանշանակ ընկալմանը և մրցակցային հավասար պայմանների ապահովմանը։ | 2026-02-20 18:55:38 | Հարգելի գործընկերներ, Ի պատասխան Ձեր հարցման՝ ներկայացնում ենք «Ինտերնետ կապի տրամադրում» ծառայության տեխնիկական բնութագրի վերաբերյալ հետևյալ պարզաբանումները։ 1. Պահանջվող ինտերնետ կապի արագությունը 150 Մբիթ/վրկ է սիմետրիկ՝ ներբեռնում և բեռնաթափում հավասար թողունակությամբ։ Կարիքի դեպքում արագության չափումը իրականացվելու է մատակարարի կողմից տրամադրված վերջակետում (RJ-45, 1Gbps), համապատասխան, չափիչ գործիքով, ծրագրային լուծման միջոցով և արձանագրվող հաշվետվությամբ։ 2. Տեխնիկական բնութագրում տեղի է ունեցել վրիպակ, որը կշտկվի հրավերի փոփոխությամբ մասնավորապես՝ ««Առնվազն 150 (հարյուր հիսուն ) Մբիթ/վրկ արագությամբ ինտերնետ կապի շուրջօրյա տրամադրում, միացման կետում 2 ստատիկ IP հասցեյով» և «Ցանցի բարելավման պլանավորված ցանցային աշխատանքների հետևանքով ինտերնետ ծառայության ընդհատումների մասին պետք է զգուշացվի առնվազն մեկ օր շուտ: Մեկ աշխատանքային օրից ավել տևողությամբ անջատումներն անթույլատրելի են» »։ 3. Խափանումների հաշվարկը կատարվում է 24/7 ռեժիմով՝ օրացույցային ժամանակով։ Թույլատրելի ընդհանուր ընդհատումների տևողությունը մեկ ամսում չի կարող գերազանցել 8 ժամը, ընդ որում յուրաքանչյուր առանձին դեպքի վերականգնման առավելագույն ժամկետը՝ 2 ժամ։ Սահմանված ցուցանիշների խախտման դեպքում կիրառվելու են պայմանագրով նախատեսված պատասխանատվության միջոցներ։ 4. Ծառայության դադարեցման վերաբերյալ 30-օրյա ծանուցման պահանջը վերաբերում է մատակարարի նախաձեռնությամբ պայմանագրային դադարեցմանը։ Ֆորս մաժորային կամ օրենքով նախատեսված այլ դեպքերում կիրառվում են օրենսդրությամբ սահմանված կարգավորումները՝ անհապաղ ծանուցմամբ։ 5. ԴՈՍ/ԴԴՈՍ պաշտպանությունը պետք է իրականացվի մատակարարի ցանցային մակարդակում։ Մատակարարը պարտավոր է ապահովել պետական մարմինների տեղեկատվական համակարգերի պաշտպանությունը տեխնիկական բնութագրում նշված հարձակումների տեսակներից և ներկայացնել համապատասխան տեխնիկական նկարագրություն։ Հարձակման հայտնաբերման և չեզոքացման գործընթացը պետք է իրականացվի հնարավորինս սեղմ ժամկետում՝ օպերատիվ արձագանքման կարգով։ 6. Ծառայության հասանելիության նվազագույն ցուցանիշը նախատեսվում է ամսական առնվազն 99% (24/7 հաշվարկով)։ 7. Վճարումը կատարվելու է ամսական կարգով՝ ընդունված ծառայության հիման վրա։ Գինը ֆիքսված է պայմանագրի գործողության 12-ամսյա ժամկետի ընթացքում, բացառությամբ օրենքով նախատեսված դեպքերի։ Հուսով ենք, որ վերոնշյալ պարզաբանումները ապահովում են տեխնիկական բնութագրի միանշանակ ընկալումը և մրցակցային հավասար պայմանների պահպանումը։ Уважаемые партнеры, В ответ на ваш запрос представляем следующие уточнения относительно технических характеристик услуги «Предоставление интернет-соединения». 1. Требуемая скорость интернет-соединения составляет 150 Мбит/с симметрично, с один |