| Հարցում | Ժամանակ | Պարզաբանում |
| Հարգելի գործընկեր, Խնդրում ենք պարզաբանել ` Չափաբաժին 6 ՄԻԱՀ HIV հակամարմիններ: Ըստ հրավերի պահանջվում է 250 լրակազմ,խնդրում ենք պարզավանել թե ինչ է նշանակում լրակազմ `տուփ է,թե թեստ: Մեր կողմից արաջարկվող ֆորմատն է 1 տուփում 30 թեստ-կասետ :Արդյոք կդիտվի համարժեք եթե մենք, պահպանելով թեստերի ընդհանուր քանակը (50x250=12500 թեստ ), մատակարարենք 417 տուփ (30x417=12510 թեստ): Չափաբաժին 7 Հեպատիտ C Anti-HCV : 1. Ըստ հրավերի պահանջվում է 250 լրակազմ,խնդրում ենք պարզավանել թե ինչ է նշանակում լրակազմ `տուփ է,թե թեստ: Մեր կողմից արաջարկվող ֆորմատն է 1 տուփում 30 թեստ-կասետ :Արդյոք կդիտվի համարժեք եթե մենք, պահպանելով թեստերի ընդհանուր քանակը (50x260=13000 թեստ ), մատակարարենք 434 տուփ (30x434=13020 թեստ): 2. Ըստ հրավերի պահանջվում է Հեպատիտ C Anti-HCV թեստի զգայունությունը՝ նվազագույնը 100%: Սպեցիֆիկությունը՝ նվազագույնը 98,6%: Թեստի տեսակը՝ կասետային (Cassette): Մեր կողմից առաջարկվող արագ թեստի զգայունությունը՝ 99.0%, սպեցիֆիկությունը՝ նվազագույնը 99,5% է: Արդյոք սա կդիտվի համարժեք: | 2018-12-10 18:05:36 | Պարզաբանում: որպես 1 լրակազմ է համարվում 50 թեստ-կասետ պարունակող տուփը (տվյալ դեպքում մեկ լրակազմը կպարունակի 1,67 Ձեր կողմից առաջարկվող տուփ /1,67x30=50 թեստ/): Համարժեք կդիտվեն բոլոր այն առաջարկները որոնք կապահովեն պահանջված թեստերի ընդհանուր քանակը: Առաջարկը ներկայացնելուց անհրաժեշտ է հաշվի առնել նաև տեխնիկական բնութագրում նշված մնացած պահանջները: Պարզաբանում: Չափաբաժին 7 Հեպատիտ C Anti-HCV : 1. որպես 1 լրակազմ է համարվում 50 թեստ-կասետ պարունակող տուփը (տվյալ դեպքում մեկ լրակազմը կպարունակի 1,67 Ձեր կողմից առաջարկվող տուփ /1,67x30=50 թեստ/): Համարժեք կդիտվեն բոլոր այն առաջարկները որոնք կապահովեն պահանջված թեստերի ընդհանուր քանակը: 2. Որպես 1 լրակազմ է համարվում 50 թեստ-կասետ պարունակող տուփը: Համարժեք կդիտվեն բոլոր այն առաջարկները որոնք կապահովեն պահանջված թեստերի ընդհանուր քանակը: 3.Այո` առաջարկվող արագ թեստի զգայունությունը՝ 99.0%, սպեցիֆիկությունը՝ նվազագույնը 99,5%, կդիտվի համարժեք: Առաջարկը ներկայացնելուց անհրաժեշտ է հաշվի առնել նաև տեխնիկական բնութագրում նշված մնացած պահանջները: |
| Հարգելի մրցույթային հանձնաժողով, սույն մրցույթր 5-րդ չափաբաժով պահանջվում է վակումային պլաստիկ Փորձանոթներ ԷՆԱ համար Na citricum պարունակող, նախատեսված KIMASED շտատիվիի համար։ Խնդրում եմ պատասխանել արդյոք հնարավոր է պլաստիկի փոխարեն առաջարկել ապակուց փորձանոթներ, որը ի տարբերություն պլաստիկի առավել համատեղելի է Na citricum-ի հետ և երկար ժամանակով ավելի կայունէ պահում Na citricum-ումը։ | 2018-12-11 23:08:50 | Ապակուց պատրաստված փորձանոթների կոտրվելու պարագայում առաջանում է բուժանձնակազմի արյան միջոցով տարածվող հիվանդություններով վարակվելու վտանգ: Տարաբնույթ պայմաններում աշխատող ռազմաբժշկական հաստատությունների անձնակազմի վարակման ռիսկայնությունը նվազեցնելու նպատակով կիրառվում են պլաստիկե փորձանոթներ: Ոստի Ձեր առաջարկը ընդունելի չէ: |
| Հարգելի մրցույթային հանձնաժողով, սույն մրցութի տեխնիկական առաջարկի 1-ին կետով պահանջվում է, որ առաջարկվող ապրանքները ունենան Եվրամիության երկրներից որևէ մեկում և/կամ ԱՄՆ-ում և/ կամ Ճապոնիայում ապրանքների գրանցման հավաստագիր (բացառություն են կազմում ՀՀ-ում արտադրված ապրանքները) , իսկ 2-րդ կետով պահանջվում է ներկայացնել որակի վերահսկման միջազգային հավաստագիր (ISO, GMP, CE Mark կամ այլ)։ Խնդրում եմ պարզաբանել , որն է եվրոպական երկրներում գրանցման հավաստագրի և CE Mark-ի տարբերությունը ։ | 2018-12-11 23:25:12 | Ի պատասխան Ձեր հարցմանը հայտնում ենք, որ Եվրոմիության երկրներից որևէ մեկում գրանցման հավաստագրի առկայությունը հավաստում է տվյալ ապրանքատեսակի կիրառման թույլտվությունը Եվրոմիության երկրներում: CE Mark հավաստագրի առկայությունը հավաստում է տվյալ ապրանքատեսակի համապատասխանությունը ԵՄ դիրեկտիվաների պահանջներին և ստանդարտներին, սակայն դա չի նշանակում, որ գրանցված է և թույլատրելի է կիրառումը ԵՄ երկրներում: ԵՄ երկրներում գրանցման համար պարտադիր պահանջ է CE Mark հավաստագրի առկայությունը: |
| Հարգելի գործընկեր, Խնդրում ենք պարզաբանել` Չափաբաժին 1-ի անվանումը: Ըստ հրավերի՝ 1-ին չափաբաժինը անվանված է Start 4 FIBRI-PREST a 480 tests (Stago) 12x2 ml, այսինքն՝ անվանման մեջ բացակայում է որևէ հայերեն բառ և նշված է, ինչ-որ ապրանքի ապրանքային նշանը: Ստացվում է, որ ապագա պայմանագրում տվյալ չափաբաժնի համար ապրանքի անվանման փոխարեն պետք է նշվի ինչ-որ ապրանքային նշան, ինչը միանշանակ հանգեցնելու է բարդությունների տվյալ ապրանքի մատակարարման ժամանակ: Խնդրում եմ ճշտել,թե ինչ թեստ-հավաքածուի մասին է խոսքը և հստակեցնել դրա հայերեն անվանումը: | 2018-12-12 21:02:03 | "Start 4 FIBRI-PREST a 480 tests (Stago)" անվանումը նշանակում է "Stago" ընկերության կողմից արտադրված փակ համակարգով աշխատող "Start-4" անալիզատորի համար նախատեսված "a 480 tests" թեստի լրակազմը` որն ապահովում է "ավտոմատ" (a) 480 հետազոտության իրականացումը: |
| Հարգելի գործընկեր, Խնդրում ենք պարզաբանել: Համաձայն տեխնիկական բնութագրի 6, 7 –րդ չափաբաժինների համար պահանջվում է <<Ապրանքները պետք է ունենան. 1.Եվրամիության երկրներից որևէ մեկում և/կամ ԱՄՆ-ում և/ կամ Ճապոնիայում ապրանքների գրանցման հավաստագիր (բացառություն են կազմում ՀՀ-ում արտադրված ապրանքները)>>: Մեր մատակարարի կողմից տրամադրված փաստաթուղթը հավաստում է գրանցումը այլ երկրում` Թաիլանդում: Խնդրում ենք պարզաբանել փաստաթուղթը կդիտվի համարծեք թե ոչ: Քանի որ նշված փաստաթուղթը հնարավոր չէ բեռնել համակարգում այն ուղարկված է m.hokheyan@mil.am մրցույթի հանձնաժողովի քարտուղարին: | 2018-12-13 17:35:49 | Առաջարկվող ապրանքատեսակները (բացառությամբ ՀՀ-ում արտադրված ապրանքների) պետք է գրանցված լինեն Եվրամիության երկրներից որևէ մեկում և/կամ ԱՄՆ-ում և/ կամ Ճապոնիայում և ունենան գրանցման փաստը վկայող հավաստագիր: Թաիլանդում գրանցված լինելու վերաբերյալ հավաստագիրը համարժեք դիտվել չի կարող: |