| Հարցում | Ժամանակ | Պարզաբանում |
| «Երևանի քաղաքապետարան»-Ի ԿԱՐԻՔՆԵՐԻ ՀԱՄԱՐ` «մշակութային միջոցառումների կազմակերպման ծառայություններ» ՁԵՌՔԲԵՐՄԱՆ ՆՊԱՏԱԿՈՎ ՀԱՅՏԱՐԱՐՎԱԾ ԵՔ-ԷԱՃԾՁԲ-19/48 ծածկագրով էլեկտրոնային աճուրդ 1-ին չափաբաժնի մասով Համաձայն տեխնիկական բնութագրի՝ «Կանանց միջազգային օրվան» նվիրված՝ Երևան քաղաքի Բաղրամյան պողոտայում տեղակայված Սիրահարների այգում, պետք է տեղադրվի բեմահարթակ առնվազն 64 ք/մ մակերեսով։ Ալյումինե կոնստրուկցիա, ծածկով, չափսերը 10մ. լայնությամբ x 8մ. խորությամբ x 6մ. բարձրությամբ, ինչպես նաև բեմահարթակ տելեսկոպ ոտքերով, ընդհանուր չափսը՝ 8մ. լայնությամբ x 8մ. խորությամբ x 0.7մ. բարձրությամբ: Խորհրդակցելով մի շարք մասնագետների հետ հայտնում ենք, որ Սիրահարների այգում արդեն իսկ առկա է բետոնե բեմ, որի վրա հնարավոր է տեղադրել ալյումինե կոնստրուկցիա, ծածկով, չափսերը մաքսիմալ 7մ. լայնությամբ x 7մ. խորությամբ x 6մ. բարձրությամբ: Միևնույն ժամանակ Ձեր ուշադրությունն եմ հրավիրում այն հանգամանքի վրա, որ Սիրահարների այգու լանդշաֆտային լուծումները, խոտածածկ լինելը, դեկորատիվ ծառերն ու թփերը թույլ չեն տալիս տեղադրել տեխնիկական բնութագրում նշված չափերի բեմահարթակ և ալյումինե ծածկ, ինչը տեղադրելու համար այգում առնվազն պետք է լինի ոչ խոտածածկ, առանց թեքությունների հարթ մոտ 180 ք/մ ազատ տարածք: Բացի այդ, տեխնիկական բնութագրում նշված է, որ անհրաժեշտ է ապահովել բեմական հարթակի տրամագծի երեք կողմերի պաստառների պատրաստում, տպագրում և պաստառապատում, այն դեպքում, որ եթե այգում հնարավոր է օգտագործել միայն բետոնե բեմը, որը լուսնաձև է, վերջինս անհնար է պաստառապատել բնութագրում նշված տարբերակով: Նշված տեխնիկական բնութագրի հետ կապված առաջացել են հետևյալ խնդիրները, որի կապակցությամբ խնդրում ենք պարզաբանել հետևյալ հարցերը. 1. Հնարավոր է արդյոք փոփոխել տեխնիկական բնութագրի պահանջները՝ բեմի և ալյումինե կոնստրուկցիա, ծածկի չափերի մասովէ հաշվի առնելով վերոնշված վերլուխությունը: 2. Հնարավոր է արդյոք միջոցառման կազմակերպման համար օգտագործել առկա բետոնե բեմը և տեղակայել ալյումինե կոնստրուկցիա, ծածկով մաքսիմալ 7մ. լայնությամբ x 7մ. խորությամբ x 6մ. բարձրությամբ: 3. Խնդրում ենք հայտնել, թե տեխնիկական բնութագիրը կազմելիս նախապես Սիրահարների այգու որ հատվածն է ընտրվել Ձեր կողմից որպես բեմահարթակի տեղակայման վայր: 4. Խնդրում ենք հայտնել նաև, որ եթե միջոցառման կազմակերպման համար ընտրվի բետոնե բեմը, ապա ինչպես պետք է իրականացվի պաստառապատումը: 3-րդ չափաբաժնի մասով Համաձայն տեխնիկական բնութագրի՝ «Վերջին զանգ» մշակութային միջոցառման կազմակերպման նպատակով Ազատության հրապարակում համապատասխան հնչեղությունն ապահովելու համար ձայնային առնվազն 40 կվտ հզորությամբ ներառելով բեմի համար նախատեսված բարձրախոսներ ապահովելով երգիչների և երաժիշտների բոլոր տեխնիկական պահանջները նախապես հաստատված կարգով, նվազագույնը 50 միավոր՝ լուսային սարքավորումներ որոնցում ներառված կլինեն դինամիկ գունային, հատուկ ընգծված լուսային էֆեկտներ ԼԷԴ էկրաններ ըստ նախապես համաձայնեցված պլանով և կառուցվացքով և այլ անհրաժեշտ սարքավորումներ։ <<Գնումների մասին>> ՀՀ օրենքի 13-րդ հոդվածի համաձայն՝ 1. Գնման առարկայի բնութագրերը պետք է ամբողջությամբ և հստակ նկարագրեն ձեռք բերվող ապրանքի, աշխատանքի կամ ծառայության հատկանիշները, դրանց ձեռքբերման և վճարման պայմանները` բացառելով տարակերպ մեկնաբանությունը: Գնման առարկայի բնութագրերը, որոնք ներառում են նաև պայմանագրի գինը, ընդգրկվում են պայմանագրում: 2. Գնման առարկայի բնութագրերը` 1) պետք է մրցակցության հավասար պայմաններ ապահովեն հնարավոր մասնակիցների համար. 2) չպետք է հանգեցնեն գնումների գործընթացում մրցակցության համար չհիմնավորված խոչընդոտների առաջացմանը. 3) պետք է լինեն օբյեկտիվորեն հիմնավորված և համարժեք լինեն այն կարիքին, որի բավարարման նպատակով կատարվում է տվյալ գնումը. 4) ներառում են գնման առարկայի մասնագրի, տեխնիկական տվյալների, իսկ աշխատանքների դեպքում` նաև աշխատանքների ծավալաթերթի, ժամանակացույցի և այլ ոչ գնային պայմանների ամբողջական և համարժեք նկարագրությունը: 3. Ելնելով գնման առարկայի առանձնահատկությունից՝ դրանց հատկանիշները հնարավորինս ներառում են ձեռք բերվող ապրանքի, աշխատանքի կամ ծառայության որակին, ստանդարտին, անվտանգությանը, պայմանական նշաններին, տերմինաբանությանը, փաթեթավորմանը, բեռնաթափմանը, չափին, նախագծերին, ինչպես նաև գնման առարկայի այլ հատկանիշներին վերաբերող պայմանների հստակ նկարագրությունը` հիմնված միջազգային ստանդարտների և Հայաստանի Հանրապետությունում գործող նորմատիվատեխնիկական փաստաթղթերի, ստանդարտների, իսկ դրանց բացակայության դեպքում` ժամանակավոր տեխնիկական պայմանների վրա: Վերոգրյալի հիման վրա և հիմք ընդունելով <<Գնումների մասին>> ՀՀ օրենքի 13-րդ հոդվածի պահանջները՝ խնդրում ենք նախապես. 1. Մանրամասն ներկայացնել ԼԷԴ էկրանների տեղադրման պլանը, կառուցվածքը և չափերը: 2. Ներկայացնել տեխնիկական բնութագրում նշված անհրաժեշտ այլ սարքվորումների մանրամասն ցանկը: | 2019-02-11 17:25:26 | Ի պատասխան Ձեր կողմից բարձրացված հարցի՝ Երևանի քաղաքապետարանի կարիքների համար մշակութային միջոցառումների կազմակերպման ծառայությունների ձեռքբերման նպատակով հայտարարած ԵՔ-ԷԱՃԾՁԲ-19/48 ծածկագրի 1-ին չափաժնի տեխնիկական բնութագրով սահմանված բեմահարթակի չափորոշիչների և Սիրահարների այգում առկա բետոնե հարթակի հնարավոր օգտագործման վերաբերյալ տեղեկացնում եմ, որ տեխնիկական բնութագրով սահմանված բեմահարթակի տեխնիկական պահանջների փոփոխությունը և փոխարենը Սիրահարների այգում առկա բետոնե հարթակի օգտագործումը գտնում ենք ոչ նպատակահարմար: Տեխնիկական բնութագրով սահմանված չափորոշիչները նկարագրվել և սահմանվել են հաշվի առնելով Սիրահարների այգում նախկինում կայացած նմանատիպ միջոցառումները, ինչպես նաև կատարած ուսումնասիրությունները: 3-րդ չափաբաժնի մասով բարձրացված հարցի վերաբերյալ տեղեկացնում եմ, որ միջոցառման իրականացման համար անհրաժեշտ բոլոր տեխնիկական միջոցների հստակ չափորոշիչների պահանջը ուղղակի կապված է մասնակիցների ցանկը և գեղարվեստական ծրագիրը ներկայացնելուց և պատվիրատուի հետ տեխնիկական բնութագրով սահմանված ժամկետում համաձայնեցնելուց հետո: Միաժամանակ՝ տեխնիկական միջոցները, ինչպես նաև վերջիններիս կառուցվածքը ըստ տեխնիկական բնութագրով սահմանված ձևակերպման անհրաժեշտ է՝ ներկայացնել և պատվիրատուի հետ /պայմանագիրն ուժի մեջ մտնելուց հետո 10/տաս/ աշխատանքային օրերի ընթացքում/ գրավոր համաձայնեցնել բեմահարթակի նախապես պլանավորված 2D պլան, որում ներառված կլինեն բոլոր տեխնիկական միջոցները, որը օգտագործվելու է տվյալ հարթակում: |