Հարց 1 1. Հայտնի է, որ նույնիսկ գերճշգրիտ սարքը թղթի սպիտակության CIE համակարգով պարամետրը կարողանում է կարդալ սանդղակների (շկալա) ձևով – միջակայքերով (B դասը ≈145-155, A դասը ≈ 158-165, A+ դասը ≈ 165-171 և այլն): Հրավերում ներառված պայմանագրի նախագծի Հավելված N 1-ով սահմանված Տեխնիկական բնութագրի համաձայն՝ «սպիտա¬կությունը` համաձայն ISO 11475 ստանդարտի, առնվազն 169 CIE է», այնինչ նույն տեխնիկական բնութագրով պահանջվում է A դասի թուղթ, որը ենթադրում է սպիտակության միջակայք 158-165, իսկ A+ դասը` մինչև 165-171: Ուստի արդյոք հնարավոր չէ սահմանել սպիտակության միջակայք գոնե 169 պլյուս մինուս 1: Ինչո՞վ է պայմանավորված աչքի և նույնիսկ ստուգող սարքի համար աննշմարելի այս խիստ պայմանը: Պարզաբանում 1-ին հարցի վերաբերյալ Ձեր կողմից վկայակոչված թղթի դասակարգման և այդ դասակարգմանը համապատաս¬խանող CIE սպիտակության աստիճանների խիստ փոխկապակցած դասակարգման համընդհանուր ստանդարտներ գոյություն չունեն, իսկ A, B, C, A+, A++ և օրինակ C+ տեսակի դասակարգումները տարբեր արտադրողների կողմից տարբեր CIE սպիտակության սահմանաշեմ են նախատեսում, ուստի և Ձեր կողմից վկայակոչված այն փաստը, որ տեխնիկական բնութագրում պահանջվել է առնվազն CIE 169 սպիտակությամբ A դասի թուղթ, չի ստեղծում որևէ հակասություն պահանջվող թղթի տեսակը որոշելիս, քանի որ տեխնիկական բնութագրի պահանջից միանշանակ հետևում է, որ A դասի բոլոր տեսակի թղթերը` ներառյալ A+, A++ կամ A+++ համարվում են համարժեք, եթե միաժամանակ ապահովվում է CIE առնվազն 169 սպիտակության ցուցանիշը: Ինչ վերաբերում է սպիտակության CIE 169-ից պակաս միջակայքի հնարավոր սահմանմանը, տեղեկացնում ենք, որ նշված պայմանը, ինչպես նաև նվազագույնը 3.9 տոկոս խոնավության, առավելագույնը 120մլ/րոպե անհարթության ցուցանիշները փոփոխման ենթակա չեն, քանի որ նշված են նվազագույն թույլատրելի շեղումների հաշվառմամբ ցուցանիշներ, որոնք պայմանավորված են ՀՀ ՊՆ համակարգում և մասնավորապես ՊՆ գերատեսչական տպարանում շահագործվող տեխնիկայի` տպիչների, պատճենահանման սարքերի, ռիզոգրաֆների և օգտագործվող թղթի որակի նկատմամբ խիստ զգայուն տպագրական այլ մեքենաների շահագործման գործարանային պայմաններով, որոնք նախատեսում են օգտագործվող թղթի որակի վերաբերյալ ցուցանիշներ, որոնց դեպքում երաշխավորվում է շահագործվող տեխնիկայի անխափան աշխատանքը: Հաշվի առնելով ՀՀ ՊՆ համակարգում կիրառվող բազմատեսակ տպագրական տեխնիկան, ինչպես նաև յուրաքանչյուր առանձին տպագրական սարքի համար առանձին տեսակի թուղթ գնելու աննպատակահարմարությունն ու անհնա¬րինությունը և միաժամանակ այդ տեխնիկայի անխափան աշխատանքի ապահովման անհրաժեշտությունը մեր կողմից նախապատվու¬թյունը տրվել է միջինից բարձր որակի թղթի ձեռքբերմանը: Նույնը վերաբերում է նաև տեխնիկական բնութագրով նախատեսված մյուս նվազագույն սահմանաչափերին, որոնք հնարավորինս նվազեցվել են` հաշվի առնելով ոչ միայն տեխնիկայի անխափան աշխատանքի անհրաժեշտությունը այլ նաև հնարավոր մասնակիցների շրջանակի ընդլայնման անհրաժեշտությունը: Հարց 2 2. Տեխնիկական բնութագրում նշված է «Անհարթությունը` 120մլ/րոպեից ոչ ավել»: Յուրաքանչյուր պարամետր ունի թույլատրելի շեղման դաշտ, նույնիսկ էլեկտրոնային կշեռքը: Հարց` ինչպես կարող եք հիմնավորել վերը նշված սահմանափակումը, եթե ցանկացած այլ թուղթ 150 մինուս պլյուս 50 մլ/րոպե անհարթությամբ օգտագործելիս ոչ մի էական անհար¬մարություն չի առաջացնում, այլ ընդհակառակը ներկայումս օգտագործվող տպագրման և պատճենահանման սարքերի ճնշող մեծամասնության դեպքում հեշտացնում է այդ ապարատների աշխատանքը (բարձր անհարթության դեպքում թղթի մշակումը/թղթի հետ աշխատանքը սարքի կողմից ավելի դյուրին է): Պարզաբանում 2-րդ հարցի վերաբերյալ Տեխնիկական բնութագրով սահմանված «Անհարթությունը` 120մլ/րոպեից ոչ ավել» պայմանն ինքնին նախատեսում է թույլատրելի շեղում, քանի որ նախատեսում է 0-ից մինչև 120մլ/րոպե շեղում: Ինչ վերաբերում է 120մլ/րոպե ցուցանիշի սահմանափակման անհրաժեշ¬տության վերաբերյալ հիմնավորմանը, տեղեկացնում ենք, որ այն անհրաժեշտ է պայմանա¬վորված ՀՀ ՊՆ համակարգում շահագործվող, նշված ցուցանիշի նկատմամբ զգայուն տպագրական տեխնիկայի առկայությամբ` արագագործ լազերային գունավոր տպագրական մեքենաների, երկկողմանի տպագրության, թերթահավաք և ռիզոգրաֆ (թանաքային) մեքե¬նա¬ների անխափան աշխատանքի ապահովման նկատառումներով, հանգամանք, որը պայ¬մա¬նա¬վորված է նաև նշված ցուցանիշներով թղթի կիրառմամբ: Հարց 3 3. Տեխնիկական բնութագրում նշված է «խոնավությունը առնվազն 3.9%»: Հայտնի փաստ է, որ թղթի խոնավությունը անընդհատ կարող է տատանվել` կապված պահելու պայմաններից, եղանակից (տարվա խոնավ կամ չոր ժամանակահատված) և այլն, ուստի արդյոք հնարավոր չէ խոնավության համար սահմանել առնվազն 1% միջակայք սահմանային շեղում: Միաժամանակ կարծում ենք, որ վերը նշված հարց-առաջարկները ընդունելու դեպքում էապես կավելանան տվյալ մրցույթի մասնակիցները, էապես կնվազի ներկայացվող գնային առաջարկների շեմը /գնորդի ֆինանսական միջոցների տնտեսում, առավել ևս երբ խոսքը վերաբերվում է պետական բյուջետային ֆինասական միջոցներին, առավել ևս երբ խոսքը վերաբերվում է Պաշտպանության Նախարարության սուղ ֆինանսական միջոցներին/ կպահպանվի գնումների մասին ՀՀ օրենքով ամրագրված ազատ, հավասար մրցակցության առկայության պահանջը: Խնդրում ենք ընդունել ի գիտություն, որ Ձեր կողմից ներկայացված տեխնիկական բնութագրի չափանիշների նման սահմանափակումները ուղղակի կարելի է համարել որպես հղում կոնկրետ ապրանքային նշանի, քանի որ նման ցուցանիշներ կարող է ապահովել միայն թղթի արտադրությամբ զբաղվող միայն մեկ ընկերություն, որը կարող է ունենալ մեկ պաշտոնական ներկայացուցիչ ՀՀ-ում (կամ ցանկացած այլ երկրում) : Հարկ ենք համարում նշել, որ ՀՀ տարածքում իրականացվող գնման գործընթացների /հանրային գնում/ շրջանակներում նման սահմանափակումներով տեխնիկական բնութագրի պահանջ չի ներկայացվում, ուստի խնդրում ենք հիմնավորել ինչով է պայմանավորված ՀՀ ՊՆ կարիքների համար նման թղթի գնումը, եթե ակնհայտ է, որ նման ցուցանիշների սահմանապակումներով թուղթը որակապես և գործնականում ոչ մի առավելություն չունի (այլ ցուցանիշներով նաև զիջում է) մեր կողմից առաջարկվող միջակայքերով տեխնիկական բնութագիր ունեցող թղթին: Պարզաբանում 3-րդ հարցի վերաբերյալ Թղթի խոնավության վերաբերյալ հայտնում ենք, որ նշված ցուցանիշը ինքնին նախատեսում է ողջամիտ շեղում` 0-ից մինչև 3.9%` հաշվի առնելով թղթի հնարավոր, բնական խոնավության տատանումները` կախված պահպանման և եղանակային պայմաններից, ուստի և Ձեր կողմից առաջարկված 1% հավելյալ շեղում նախատեսելու համար որևէ օբյեկտիվ պատճառ չկա: Պետք է հաշվի առնել նաև այն հանգամանքը, որ նշված ցուցանիշից ավել շեղումները բացասաբար կազդեն ՀՀ ՊՆ համակարգում շահագործվող տեխնիկայի անխափան աշխատանքի վրա: Ինչ վերաբերում է Ձեր կողմից առաջարկվող ապրանքի այլ ցուցանիշներով գերազանցելուն` հրավերի հավելված տեխնիկական բնութագրով պահանջվող ապրանքից, հայտնում ենք, որ անկախ Ձեր կողմից հաշվի առնվող այլ ցուցանիշներից, ՀՀ ՊՆ կարիքների համար անհրաժեշտ թուղթը ձեռք բերելու համար պահանջվող ցուցանիշները սահմանելիս հիմք են ընդունվել ՀՀ ՊՆ համակարգում առկա տպագրական սարքավորումների ինչպես նաև տպագրական տեխնիկայի անխափան աշխատանքի համար անհրաժեշտ նվազագույն տեխնիկական պահանջները, որպես առաջնային խնդիր հաշվի է առնվել նաև ՀՀ պետական բյուջեի միջոցների արդյունավետ ծախսման անհրաժեշտությունը, առկա կարիքի և դրա բավարարման համաչափության պահպանման համարժեքությունը, հնարավոր մասնակից¬նե¬րի շրջանակի ընդլայնման, շուկայական մրցակցության ապահովման` հնարավորինս ցածր գնով, ծագած կարիքի բավարարման անհրաժեշտությունը: Միաժամանակ տեղեկացնում ենք, որ նշված տեխնիկական բնութագրերով նախատես¬ված ապրանքը որևէ կերպ չի կարելի համարել հղում կոնկրետ տեսակի կամ կոնկրետ արտադրանքի, քանի որ նշված ցուցանիշները համապատասխանում են ոչ թե մեկ կամ երկու կամ նույնիսկ հինգ, այլ բազմաթիվ արտադրողների կողմից արտադրվող որակական առումով նմանատիպ, սակայն տարբեր մակնիշների արտադրանքներին: