ՀԱՅՏԱՐԱՐՈՒԹՅՈՒՆ ՊԵԿ-ԷԱՃԾՁԲ-19/2 ԾԱԾԿԱԳՐՈՎ ԸՆԹԱՑԱԿԱՐԳԻ ՀՐԱՎԵՐԻ ՊԱՐԶԱԲԱՆՄԱՆ ՄԱՍԻՆ Հայտարարության սույն տեքստը հաստատված է գնահատող հանձնաժողովի 2018 թվականի դեկտեմբերի 10-ի թիվ 2 որոշմամբ և հրապարակվում է “Գնումների մասին” ՀՀ օրենքի 29-րդ հոդվածի համաձայն ՀՀ ՊԵԿ-ում ՆԵՐԴՐՎԱԾ ԷԼԵԿՏՐՈՆԱՅԻՆ ՀԱՄԱԿԱՐԳԵՐԻ և ՀԱՄԱԼՐՈՂ ՄԻՋՈՑՆԵՐԻ («ՀԱՐԿԱՏՈՒ 3» ՀԱՄԱԿԱՐԳԻ և ՆՐԱ ԵՆԹԱՀԱՄԱԿԱՐԳԵՐԻ) ՍՊԱՍԱՐԿՄԱՆ ԾԱՌԱՅՈՒԹՅՈՒՆՆԵՐԻ ԳՆՄԱՆ ՆՊԱՏԱԿՈՎ ՀԱՅՏԱՐԱՐՎԱԾ ԷԼԵԿՏՐՈՆԱՅԻՆ ԱՃՈՒՐԴԻ ԸՆԹԱՑԱԿԱՐԳԻ ԾԱԾԿԱԳԻՐԸ՝ ՊԵԿ-ԷԱՃԾՁԲ-19/2 Պատվիրատուն` ՀՀ պետական եկամուտների կոմիտեն, որը գտնվում է ք.Երևան, Մ.Խորենացու-3,7 հասցեում, ստորև ներկայացնում է ՊԵԿ-ԷԱՃԾՁԲ-19/2 ծածկագրով հայտարարված էլեկտրոնային աճուրդի ընթացակարգի հրավերի վերաբերյալ ստացված հարցադրումները և դրանց վերաբերյալ պարզաբանումները։ Հարցադրում-1։ Տրամադրել «ՆԱԽԱՏԵՍՎՈՂ ՓՈՓՈԽՈՒԹՅՈՒՆՆԵՐԻ ՑԱՆԿ» բաժնում ներառված կետերի մասով նախատեսված աշխատանքների ծավալները, ժամանակացույցը, ինչպես նաև դրանց կատարման հրատապության որոշման կարգը: Հարցադրման ստացման ամսաթիվ։ 06.12.2018թ.։ Պարզաբանում։«ՆԱԽԱՏԵՍՎՈՂ ՓՈՓՈԽՈՒԹՅՈՒՆՆԵՐԻ ՑԱՆԿ»-ում ընդգրված են միայն այնպիսի փոփոխություններ, որոնք չեն ենթադրում գործող համակարգի էական փոփոխություններ։ Հնարավոր ծրագրային փոփոխությունները պայմանավորված են լինելու 1․ Օրենսդրական փոփոխություններով 2․ Համակարգերի անխափան աշխատանքի պահանջներով 3․ Համակարգի աշխատանքի օպտիմալացման պահանջներով։ Հայտնում ենք նաև, որ նախատեսվում է կատարողի հետ կնքել «Սպասարկման գործընթացի մասին համաձայնագիր» (Service level agreement), որով կկարգավորվեն բարձրացված հարցերը։ Միաժամանակ հայտնում ենք, որ նշված փոփոխությունների կատարման համար, նախնական հաշվարկներով կպանջվի ամսական միջինացված շուրջ 5000 մարդ/ժամ։ Հարցադրում-2։ Նշել այն ՀԴՄ սարքերի մոդելները՝ որոնց վրա նախատեսվում են ծրագրային ապահովման փոփոխություններ: Հարցադրման ստացման ամսաթիվ։ 06.12.2018թ.։ Պարզաբանում։ MF 2351 Հարցադրում-3։ Տրամադրել համառոտ նկարագրություն «ԾԱՌԱՅՈՒԹՅՈՒՆ 2» բաժնում նշված «Մոնիտորինգի կենտրոն» համակարգի մասին: Հարցադրման ստացման ամսաթիվ։ 06.12.2018թ.։ Պարզաբանում։ Տեխնիակական մաս 1․ Մոնիտորինգի կենտրոնի սերվերների օպերացիոն համակարգի սպասարկում և անվտանգության թարմացումների իրականացում 2․ Մոնիտորինգի կենտրոնի սերվերներում գործող համակարգերի անխափան աշխատանքի ապահովում։ Վերլուծական մաս ՀՀ ՊԵԿ Նախագահի հրամաններով հաստատված հարկ վճարողների ռիսկայնության գնահատման չափանիշներով ռիսկային հարկ վճարողների ձևավորման համակարգերի սպասարկում և փոփոխությունների իրականացում։ Հարցադրում-4։ .«ԻՐԱՎԱԿԱՆ ՊԱՅՄԱՆՆԵՐ» բաժնում նշված «… ծրագրային ապահովմանն առնչվող ամբողջ նյութերը…» արդյո՞ք նախատեսվում է ստեղծել արդեն իսկ առկա, սակայն այսպիսի նյութեր չունեցող ծրագրի մասերի համար: Հարցադրման ստացման ամսաթիվ։ 06.12.2018թ.։ Պարզաբանում։ Ծրագրային ապահովմանն առնչվող ամբողջ նյութերի պատրաստումը և տրամադրումը առկա համակարգերի համար չի նախատեսվում, սակայն ցանկացած լրամշակումից հետո 30 օրվա ընթացքում Կատարողը պատվիրատուին պետք է տրամադրի փոփոխված ծրագրային կոդը, ինչպես նաև համապատասխան փաստաթղթերը, որոնք նույնպես պետք է լինեն ամբողջական, պատշաճ կերպով կազմված և համապատասխանեն լրամշակված ծրագրային ապահովման գործող տարբերակին: Հարցադրում-5։ Հաստատել, որ ՀՀ ՊԵԿ տվյալների կենտրոնի ոչ ՏՏ ենթակառուցվածքների (UPS, chiller, fire alarm system․․․) սպասարկման աշխատանքները չեն մտնում սույն մրցույթով պահանջվող սպասարկման ծառայությունների ցանկի մեջ: Հարցադրման ստացման ամսաթիվ։ 06.12.2018թ.։ Պարզաբանում։ ՀՀ ՊԵԿ տվյալների կենտրոնի UPS, Chiller և Fire alarm system ենթակառուցվածքների սպասարկումը չի մտնում ծառայությունների ցանկի մեջ: Հարցադրում-6։ Արդյոք «ԾԱՌԱՅՈՒԹՅՈՒՆ 2» բաժնում նշված ՝ցանցային սպասարկումը, սերվերների սպասարկումը, անվտանգության ապահովումը և սարքավորումների սպասարկումը ենթադրում է միայն այն հանգույցների մասով, որոնք հանդիսանում են «Հարկատու 3», «Հաշվետվությունների Ներկայացման Էլեկտրոնային Համակարգ» (ՀՆԷՀ), «Զանգերի կենտրոն», «Մոնիտորինգի կենտրոն» համակարգի մաս: Հարցադրման ստացման ամսաթիվ։ 06.12.2018թ.։ Պարզաբանում։ «ԾԱՌԱՅՈՒԹՅՈՒՆ 2» բաժնում նշված՝ ցանցային սպասարկումը, սերվերների սպասարկումը, անվտանգության ապահովումը և սարքավորումների սպասարկումը ենթադրում է տեխնիկական բնութագրով թվարկված բոլոր համակարգերի (ենթահամակարգերի) սպասարկումը, այդ թվում նաև՝ ԷԼԵԿՏՐՈՆԱՅԻՆ ԵՂԱՆԱԿՈՎ ՀԱՐԿԱՅԻՆ ՀԱՇԻՎՆԵՐԻ ԴՈՒՐՍԳՐՄԱՆ ՀԱՄԱԿԱՐԳ-ը։ Հարցադրում-7։ Պարզաբանել «ԾԱՌԱՅՈՒԹՅՈՒՆ 2» բաժնում նշված ՝ «Սարքաշարերի սպասարկում» արտահայտությունը ինչ սարքաշարեր է ներառում, և ինչպիսի սպասարկման աշխատանքներ են նախատեսվում: Հարցադրման ստացման ամսաթիվ։ 06.12.2018թ.։ Պարզաբանում։ «Սարքաշար» հասկացությունը ներառում է համակարգի աշխատանքը ապահովող ֆիզիկական ապարատային միջավայրը (hardware environment): Սույն հայտարարության հետ կապված լրացուցիչ տեղեկություններ ստանալու համար կարող եք դիմել գնումների համակարգող՝ Գուրգեն Ղազարյանին։ Հեռախոս՝ 060 544 704։ Էլ. փոստ՝ gugks@mail.ru։ Պատվիրատու` ` ՀՀ պետական եկամուտների կոմիտե

Սարքաշարերի և նրանց բաղկացուցիչ մասերի մեխանիկական/ֆիզիկական վնասվածքների շտկումը չի մտնում սպասարկման աշխատանքների շրջանակի մեջ։ Միաժամանակ հայտնում ենք, որ սպասարկող կազմակերպությունը նման մեխանիկական/ֆիզիկական վնասվածքներ հայտնաբերելուց պետք է անմիջապես դրանց մասին հայտնի Պատվիրատուին։