Պարզաբանում N 1: Հարգելի հնարավոր մասնակից ԷԱՃԱՊՁԲ-2025/16-8-ԵՊԲՀ ծածկագրով գնման ընթացակարգի հրավերի 6-րդ չափաբաժնով պահանջվում է համալսարանական հիվանդանոցներում շահագործվող Sony UP-D711MD տեսատպիչի համար նախատեսված թուղթ: Եթե խոսքը վերաբերվում է Ձեր պարզաբանմամբ նշված Sony UP-D711MD մակնիշի տեսատպիչի համար նախատեսված և Sony կորպորացիայի կողմից արտադրված թղթին, ապա գտնում ենք, որ քանի որ թուղթը նախատեսված է հենց Sony UP-D711MD մակնիշի տեսատպիչի համար, ապա դրա համար ընդունելի կլինեն այդ կորպորացիայի կողմից գնման առարկայի համար թողարկված Համապատասխանության հռչակագրերը (Declaration of Conformity): Պարզաբանում N 2: Հարգելի հնարավոր մասնակից «Գնումների մասին» ՀՀ Օրենքի 3-րդ հոդվածի 1-ին մասի 1-ին կետի համաձայն՝ 1. Սույն օրենքի նպատակն է ապահովել գնումների գործընթացում հատուցման դիմաց արժեք, այն է` 1) պատվիրատուին վերապահված լիազորությունների կատարման համար անհրաժեշտ` կարիքին համապատասխան ապրանքների, աշխատանքների և ծառայությունների ձեռքբերում` համարժեք հատուցմամբ. Նույն Օրենքի 3-րդ հոդվածի 2-րդ մասի 3-րդ կետի համաձայն՝ Գնումների գործընթացը հիմնվում է հետևյալ սկզբունքների վրա. 3) ցանկացած անձի համար, անկախ նրա օտարերկրյա ֆիզիկական անձ, կազմակերպություն կամ քաղաքացիություն չունեցող անձ լինելու հանգամանքից, գնման գործընթացին մասնակցելու իրավահավասարություն: Նույն Օրենքի 7-րդ հոդվածի 1-ին մասի համաձայն՝ 1. Ցանկացած անձ, անկախ նրա օտարերկրյա ֆիզիկական անձ, կազմակերպություն կամ քաղաքացիություն չունեցող անձ լինելու հանգամանքից, ունի գնման գործընթացին մասնակցելու հավասար իրավունք: Նույն Օրենքի 13-րդ հոդվածի 1-1, 3-րդ, 4-րդ և 5-րդ մասերի համաձայն՝ Գնման առարկայի բնութագրերը 1. պետք է ամբողջությամբ և հստակ նկարագրեն ձեռք բերվող ապրանքի, աշխատանքի կամ ծառայության հատկանիշները, դրանց ձեռքբերման և վճարման պայմանները` բացառելով տարակերպ մեկնաբանությունը: Գնման առարկայի բնութագրերը, որոնք ներառում են նաև պայմանագրի գինը, ընդգրկվում են պայմանագրում: 4) ներառում են գնման առարկայի մասնագրի, տեխնիկական տվյալների, իսկ աշխատանքների դեպքում` նաև աշխատանքների ծավալաթերթի, ժամանակացույցի և այլ ոչ գնային պայմանների ամբողջական և համարժեք նկարագրությունը: 3. Ելնելով գնման առարկայի առանձնահատկությունից՝ դրանց հատկանիշները հնարավորինս ներառում են ձեռք բերվող ապրանքի, աշխատանքի կամ ծառայության որակին, ստանդարտին, անվտանգությանը, պայմանական նշաններին, տերմինաբանությանը, փաթեթավորմանը, բեռնաթափմանը, չափին, նախագծերին, ինչպես նաև գնման առարկայի այլ հատկանիշներին վերաբերող պայմանների հստակ նկարագրությունը` հիմնված միջազգային ստանդարտների և Հայաստանի Հանրապետությունում գործող նորմատիվատեխնիկական փաստաթղթերի, ստանդարտների, իսկ դրանց բացակայության դեպքում` ժամանակավոր տեխնիկական պայմանների վրա: 5. Գնման առարկայի հատկանիշները չպետք է պահանջ կամ հղում պարունակեն որևէ առևտրային նշանի, ֆիրմային անվանմանը, արտոնագրին, էսքիզին կամ մոդելին, ծագման երկրին կամ կոնկրետ աղբյուրին կամ արտադրողին, բացառությամբ այն դեպքերի, երբ անհնար է գնման առարկայի բնութագրումն առանց դրանց: Հղումներ օգտագործելու դեպքում հատկանիշների բնութագիրը պետք է պարունակի «կամ համարժեք» բառերը: ՀՀ կառավարության թիվ 526-Ն որոշմամաբ հասատատված գնումների գործընթացի կազմակերպման կարգի 22-րդ կետի համաձայն՝ 22. գնման առարկայի բնութագրերը սահմանելիս պետք է հաշվի առնել, որ դրանց պետք է բավարարեն մեկից ավելի հնարավոր մասնակիցներ: Հաշվի առնելով վերոգրյալը, գտնում ենք, որ 1. Պատվիրատուն ինքնուրույն է որոշում և համապատասխանաբար կազմում իր կարիքների համար անհրաժեշտ գնման առարկայի տեխնիկական բնութագիրը՝ պահպանելով գնումների օրենսդրության պահանջները: 2. Ընթացակարգի 2-րդ չափաբաժնով սահմանված՝ «Թաղանթներ նախատեսված AGFA DRAYSTAR 5XXX մոդելների DT5B բժշկական պատկերահանման սարքերի համար» ապրանքատեսակի տեխնիկական բնութագիրը կազմված է ելնելով պատվիրատուի իրական կարիքներից, պահպանելով գնումների օրենսդրության վերոնշյալ պահանջները: 3. Գործող գնումների օրենսդրությամբ չեն սահմանվում ապրանքի տեխնիկական բնութգրին մեկ արտադրողի համապատասխանության որևէ սահմանափակումներ: 4. Որևէ ապրանքի կամ ապրանքների արտադրողի կամ արտադրողների կողմից ՀՀ տարածքում մեկ կամ մի քանի ներկայացուցիչ ունենալը գնումների օրենսդրությամբ չի սահմանափակում այդ արտադրողի կամ արտադրողների կամ վերջիններիս ներկայացուցիչների մասնակցությունը գնման ընթացակարգերին: 5. Միաժամանակ հայտնում ենք, որ ապրանքների գնման դեպքում ընթացակարգի գնահատող հանձնաժողովը գնահատում է նաև ներկայացված ապրանքի ամբողջական նկարագրերի համապատասխանությունը հրավերի պահանջներին: Հրավերով սահմանված է նաև, որ հրավերին չհամապատասխանող հայտերը ենթակա են մերժման: 6. Խնդրում ենք առաջնորդվել հրավերով սահմանված պահանջներով:

Разъяснение N 1: Уважаемый потенциальный участник! 6-й лот в приглашении к участию в тендере под кодом ԷԱՃԱՊՁԲ-2025/16-8-ԵՊԲՀ требует бумагу для видеопринтера Sony UP-D711MD, используемого в университетских больницах. Если мы говорим о бумаге для видеоп