| Запрос | Время | Разъяснение |
| Հարգելի՛ գործընկերներ, Թեև ԲԿԳԿ-ԷԱՃԾՁԲ-25/45 ծածկագրով գնման ընթացակարգի հրավերի՝ ՀԱՎԵԼՎԱԾ 1-ում (Տեխնիկական բնութագիր) կատարված վերջին փոփոխությամբ սահմանվել է, որ Ծառայություն մատուցողը, պետք է ունենա նվազագույնը 5 տարվա փորձ՝ նմանատիպ բնույթի և ծավալի միջոցառումների կազմակերպման ոլորտում՝ որպես գլխավոր կատարող (նվազագույնը 6-7 նմանատիպ բովանդակությամբ և ծավալով պայմանագիր, որոնց հանրագումարը պետք է լինի նվազագույնը 350մլն ՀՀԴ), սակայն դրա հետ մեկտեղ անփոփոխ են մնացել հետևյալ երկու կետերը, այն է՝ ծառայություն մատուցողը, պետք է ունենա hամայնքների հետ աշխատանքի (իրազեկում, քարոզարշավ, ինտերակտիվ արշավ) փորձ որպես գլխավոր կատարող (10 նմանատիպ պայմանագիր վերջին 3 տարվա ընթացքում), Միջոցառման լուսաբանման, մարքետինգի իրականացման, խոսնակների կառավարման, զեկույցների պատրաստման, գովազդի պատրաստման փորձ որպես գլխավոր կատարող (10 նմանատիպ պայմանագիր վերջին 3 տարվա ընթացքում): Նախ, մեր համոզմամբ, սկզբունքային է, որ նմանատիպ բարձր մակարդակի միջոցառումների պատշաճ կազմակերպումը վստահվի հանրային մեծամասշտաբ միջոցառումների կազմակերպման ոլորտում մասնագիտացված պրոֆեսիոնալ կազմակերպություններին, որոնք իրականում (ոչ թե ձևականորեն) ունեն խոշոր միջոցառումների ամբողջ ծավալի կառավարում իրականացնելու տարիների փորձառություն, այդ թվում՝ բարձր բյուջետային պատասխանատվության և կազմակերպչական պատշաճ ներուժի առումով։ Մեր դիտարկմամբ, յուրաքանչյուր խոշոր և մեծամասշտաբ հանրային միջոցառումների նախագծումը և կազմակերպումը (event managment)՝ իրենց առանձնահատկություններից ելնելով, արդեն իսկ ենթադրում է հիմնական ծառայություն մատուցողի/գլխավոր կատարողի կողմից միջոցառման առաջմղման լուրջ արշավի անցկացում (իրազեկում, լուսաբանում, մարքեթինգի իրականացում, գովազդ և այլն)՝ որպես ամբողջ միջոցառման կազմակերպման նպատակով կնքված մեկ պայմանագրով մատուցվելիք բոլոր ծառայությունների մեկ ամբողջական փաթեթի անբաժանելի մաս։ Մինչդեռ, չնայած հրավերում կատարված վերջին էական բովանդակային փոփոխությանը՝ հրավերի տեխնիկական բնութագրից չեն հանվել մեր համոզմամբ լրացուցիչ/ածանցյալ՝ համայնքային, լուսաբանման և մարքեթինգային փորձի մասով առանձին պայմանագրեր ներկայացնելու պահանջները։ Մի կողմից վերը նշվածն, անարդարացիորեն, կարող է սահմանափակել և խոչընդոտել խոշոր, մեծամասշտաբ և 1 մլրդ+ բյուջեով հանրային միջոցառումներ կազմակերպած ընկերությունների մասնակցությունը սույն հրավերին, քանի որ վերջիններս թեև փորձառու են, իրականացրել են խոշոր հանրային միջոցառումներ, ունեն հրավերում կատարված վերջին էական բովանդակային փոփոխությանը համապատասխան 6-7 նմանատիպ բովանդակությամբ և ծավալով համապարփակ պայմանագրեր, որոնց շրջանակներում մատուցել են ամբողջ միջոցառման բրենդավորման, առաջմղման, գույքատեխնիկական հագեցվածության ապահովման, լոգիստիկ և այլ ծառայություններ, սակայն չունեն և իրենց կազմակերպած խոշոր միջոցառումների մասշտաբից ելնելով՝ անհրաժեշտություն չեն ունեցել բացի գլխավոր պայմանագրից Պատվիրատուների հետ կնքելու այլ՝ զուտ hամայնքների հետ աշխատանքի լրացուցիչ/ածանցյալ 10 պայմանագրեր։ Մյուս կողմից, եթե հրավերի տեխնիկական բնութագրով սահմանված համայնքային, լուսաբանման և մարքեթինգային փորձի մասով առանձին պահանջները չհանվեն և չափվեն հրավերով նախատեսված զուտ քանակական, և ոչ թե որակական կամ ծավալային (ֆինանսական) չափանիշներով, ապա սպասելի է, որ հրավերին պայմանականորեն կմասնակցեն կազմակերպություններ (միգուցե նաև կոնսորցիումով), որոնք բացի վերը նշված 6-7 պայմանագրերից՝ ներկայացնելով առավել փոքր բյուջեով (3-10 մլն ՀՀ դրամ) 10 պայմանագրեր՝ թեև ձևականորեն (փաստաթղթերով) կբավարարեն հրավերում նշված մյուս երկու կետերի քանակական պահանջին, բայց իրականում չեն ունենա բարձր որակավորում և համապատասխան փորձառություն նմանատիպ խոշոր միջոցառումների կազմակերպման ոլորտում։ Արդյունքում՝ սպասվող միջոցառման պատշաճ կազմակերպումը կարող է վտանգվել, քանի որ այն կարող է (են) ստանձնել անփորձ և ոչ պրոֆեսիոնալ կազմակերպություն (ներ)։ Նման պայմաններում, միգուցե, առավել արդյունավետ և տրամաբանական կլինի արդեն իսկ հրավերում կատարված փոփոխությունը հաշվի առնելով՝ առհասարակ հանել հրավերի տեխնիկական բնութագրի՝ համայնքային, լուսաբանման և մարքեթինգային փորձի մասով առանձին պայմանագրեր ներկայացնելու (զուտ քանակական) պահանջները՝ դրա փոխարեն ևս մեկ անգամ փոքր-ինչ խստացնել հրավերի տեխնիկական բնութագրի՝ արդեն իսկ փոփոխված կետը և հնարավոր ռիսկերը զսպելու նպատակով՝ սահմանել, որ նվազագույնը 6-7 նմանատիպ բովանդակությամբ և ծավալով պայմանագրերի հանրագումարը պետք է լինի նվազագույնը 500 մլն ՀՀԴ կամ ավելի։ Հաշվի առնելով վերոգրյալը՝ նախ խնդրում ենք պարզաբանել մեր կողմից բարձրացված հարցադրումները, իսկ մեր մտահոգությունների ուսումնասիրության արդյունքում գնահատող հանձնաժողովի կողմից հրավերում համապատասխան փոփոխությունների չկատարման պարագայում՝ խնդրում ենք հայտնել, թե ինչպիսի՞նն են լինելու հրավերով սահմանված 6-7 նմանատիպ բովանդակությամբ և ծավալով պայմանագրերից բացի պահանջվող մյուս պայմանագրերի չներկայացման հետևանքները, օրինակ, եթե վերը նկարագրված երկու կետերով սահմանված տասնյակ պայմանագրերի փոխարեն՝ կազմակերպության կողմից ներկայացված 6-7 պայմանագրերից մի քանիսը լինեն իսկապես խոշոր՝ 1 մլրդ+ բյուջեով համապարփակ (բոլոր ուղղությունները ծածկող) ծառայություններով։ Միաժամանակ, խնդրում ենք պարզաբանել, թե ծառայություն մատուցողը ո՞ր փուլում պետք է ներկայացնի հրավերով պահանջվող պայմանագրերը և ինչպիսի՞ մեթոդաբանությամբ է որոշվելու ներկայացված պայմանագրերի որակը։ | 2025-08-05 12:59:47 | Հարգելի մասնակից, «Գնումների մասին» ՀՀ օրենքի 29-րդ հոդվածի 3-րդ կետի համաձայն, պարզաբանում չի տրամադրվում, քանի որ հարցումը դուրս է հրավերի բովանդակության շրջանակներից: Уважаемый участник, В соответствии с пунктом 3 статьи 29 Закона РА «О закупках» разъяснения не предоставляются, поскольку запрос выходит за рамки содержания приглашения. |
| Код | Время публикации |
| ԲԿԳԿ-ԷԱՃԾՁԲ-25/45 | 2025-07-22 16:04:03 |
