Հարգելի հնարավոր մասնակից ի պատասխան Ձեր հարցմանը հայտնում ենք հետևյալը՝ «Գնումների մասին» ՀՀ Օրենքի 3-րդ հոդվածի 1-ին մասի 1-ին կետի համաձայն՝ 1. Սույն օրենքի նպատակն է ապահովել գնումների գործընթացում հատուցման դիմաց արժեք, այն է` 1) պատվիրատուին վերապահված լիազորությունների կատարման համար անհրաժեշտ` կարիքին համապատասխան ապրանքների, աշխատանքների և ծառայությունների ձեռքբերում` համարժեք հատուցմամբ. Նույն Օրենքի 3-րդ հոդվածի 2-րդ մասի 3-րդ կետի համաձայն՝ Գնումների գործընթացը հիմնվում է հետևյալ սկզբունքների վրա. 3) ցանկացած անձի համար, անկախ նրա օտարերկրյա ֆիզիկական անձ, կազմակերպություն կամ քաղաքացիություն չունեցող անձ լինելու հանգամանքից, գնման գործընթացին մասնակցելու իրավահավասարություն: Նույն Օրենքի 7-րդ հոդվածի 1-ին մասի համաձայն՝ 1. Ցանկացած անձ, անկախ նրա օտարերկրյա ֆիզիկական անձ, կազմակերպություն կամ քաղաքացիություն չունեցող անձ լինելու հանգամանքից, ունի գնման գործընթացին մասնակցելու հավասար իրավունք: Նույն Օրենքի 13-րդ հոդվածի 1-ին և 3-րդ կետերի համաձայն՝ 1.Գնման առարկայի բնութագրերը պետք է ամբողջությամբ և հստակ նկարագրեն ձեռք բերվող ապրանքի, աշխատանքի կամ ծառայության հատկանիշները, դրանց ձեռքբերման և վճարման պայմանները` բացառելով տարակերպ մեկնաբանությունը: Գնման առարկայի բնութագրերը, որոնք ներառում են նաև պայմանագրի գինը, ընդգրկվում են պայմանագրում: 3. Ելնելով գնման առարկայի առանձնահատկությունից՝ դրանց հատկանիշները հնարավորինս ներառում են ձեռք բերվող ապրանքի, աշխատանքի կամ ծառայության որակին, ստանդարտին, անվտանգությանը, պայմանական նշաններին, տերմինաբանությանը, փաթեթավորմանը, բեռնաթափմանը, չափին, նախագծերին, ինչպես նաև գնման առարկայի այլ հատկանիշներին վերաբերող պայմանների հստակ նկարագրությունը` հիմնված միջազգային ստանդարտների և Հայաստանի Հանրապետությունում գործող նորմատիվատեխնիկական փաստաթղթերի, ստանդարտների, իսկ դրանց բացակայության դեպքում` ժամանակավոր տեխնիկական պայմանների վրա: ՀՀ կառավարության թիվ 526-Ն որոշմամաբ հաստատված գնումների գործընթացի կազմակերպման կարգի 21-րդ կետի համաձայն՝ 21. Եթե գնման գործընթացների կազմակերպման ժամանակացույցով այլ ժամկետ նախատեսված չէ, ապա գնման պահանջի ծագման օրվան հաջորդող քսան աշխատանքային օրվա ընթացքում պատասխանատու ստորաբաժանումը` 1) կազմում և հաստատում է գնման հայտը, որը ներառում է` ա. գնման առարկայի բնութագրերը: Ապրանքների գնման դեպքում նշվում է նաև մասնակցի կողմից առաջարկվող ապրանքային նշանի, ֆիրմային անվանման, մոդելի և արտադրողի վերաբերյալ տեղեկատվության ներկայացման անհրաժեշտությունը, իսկ պայմանագրի կատարման փուլում ապրանքն արտադրողից կամ վերջինիս ներկայացուցչից երաշխիքային նամակի կամ համապատասխանության սերտիֆիկատի ներկայացման անհրաժեշտությունը, եթե դրանք կիրառելի են տվյալ ապրանքի համար: Ընդ որում, պայմանագրի կատարման փուլում այն կնքած մասնակցից ծագման երկրի սերտիֆիկատ չի պահանջվում. Հաշվի առնելով վերոգրյալը, գտնում ենք, որ 1. Գնման առարկա՝ քիմիական նյութեր և լաբորատոր ռեակտիվներ: 2. Պատվիրատուին վերապահված լիազորությունների կատարման համար անհրաժեշտ` կարիքին համապատասխան որակյալ և օգտագործման համար անվտանգ ապրանքների գնման նպատակով գնորդը ինքնուրույն է որոշում և համապատասխանաբար կազմում իր կարիքների համար անհրաժեշտ գնման առարկայի տեխնիկական բնութագիրը՝ պահպանելով գնումների օրենսդրության պահանջները: 3. Ապրանքների գնման դեպքում, պայմանագրի կատարման փուլում ապրանքն արտադրողից կամ վերջինիս ներկայացուցչից երաշխիքային նամակի ներկայացման պահանջը սահմանված է գնումների օրենսդրությամբ: 4. Տվյալ պահանջը երաշխավորում է ապրանքի Օրենքի 13-րդ հոդվածի 3-րդ կետով սահմանված որակը և անվտանգությունը՝ անկախ այն հանգամանքից թե ում արտադրանքն է հանդիսանում տվյալ ապրանքը, քանի որ արտադրողը տվյալ պարագայում երաշխավորում է ապրանքի որակը՝ ապրանքի համապատասխան պահպանման, տեղափոխման և այլ պարտադիր գործողությունների կատարման պարագայում: 5. Որևէ ապրանքի կամ ապրանքների արտադրողի կամ արտադրողների կողմից ՀՀ տարածքում մեկ կամ մի քանի ներկայացուցիչ ունենալը գնումների օրենսդրությամբ չի սահմանափակում այդ արտադրողի կամ արտադրողների կամ վերջիններիս ներկայացուցիչների մասնակցությունը գնման ընթացակարգերին: 6. Յուրաքանչյուր տեղական և (կամ) արտերկրյա արտադրողի կողմից ՀՀ տարածքում մեկ ներկայացուցչի առկայությունը գնումների օրենսդրությամբ չի սահմանափակում այլ մասնակիցների մասնակցությունը գնման ընթացակարագերին: 7. Որևէ ապրանքի կամ ապրանքների արտադրողի կամ արտադրողների կողմից ՀՀ տարածքում մեկ ներկայացուցիչ ունենալը փաստը գնումների օրենսդրությամբ չի սահմանափակում այդ ապրանքից կամ ապրանքներից օգտվելու իրավունքը: 8. Հրավերով սահմանված է նաև, որ ապրանքների գնման դեպքում ընթացակարգի գնահատող հանձնաժողովը գնահատում է նաև ներկայացված ապրանքի ամբողջական նկարագրերի համապատասխանությունը հրավերի պահանջներին:

Уважаемый потенциальный участник! В ответ на Ваш запрос сообщаем следующее: Согласно статье 3, части 1, пункту 1 Закона РА "О закупках": 1. Целью настоящего закона является предоставление стоимости для рассмотрения в процессе закупок, а именн