| Запрос | Время | Разъяснение |
| «Գնումների մասին» ՀՀ օրենքի՝ 3-րդ հոդվածի 2-րդ մասի համաձայն՝ գնումների գործընթացը հիմնվում է հետևյալ սկզբունքների վրա՝ 1) գնման գործընթացի միասնական կանոններով մրցակցային, թափանցիկ, համաչափ, հրապարակային և ոչ խտրական հիմունքներով կազմակերպում. 2) պայմանագրի կնքման նպատակով մասնակիցների շրջանակի ընդլայնում և նրանց միջև մրցակցության խրախուսում. 3) ցանկացած անձի համար, անկախ նրա օտարերկրյա ֆիզիկական անձ, կազմակերպություն կամ քաղաքացիություն չունեցող անձ լինելու հանգամանքից, գնման գործընթացին մասնակցելու իրավահավասարություն: «Գնումների մասին» ՀՀ օրենքի՝ 13-րդ հոդվածի 2-րդ մասի 1-ին կետի համաձայն՝ գնման առարկայի բնութագրերը պետք է մրցակցության հավասար պայմաններ ապահովեն հնարավոր մասնակիցների համար: Նույն մասի 2-րդ կետի համաձայն՝ գնման առարկայի բնութագրերը չպետք է հանգեցնեն գնումների գործընթացում մրցակցության համար չհիմնավորված խոչընդոտների առաջացմանը: Վերոգրյալով պայմանավորված գտնում ենք, որ գնումների մասին ՀՀ օրենքով, առավել ևս գնումների մասին ՀՀ օրենսդրությամբ չկա սահմանված որևէ նորմ, որի համաձայն ավտոմեքենաների գնման նպատակով պատվիրատուների կողմից կազմակերպված գնման ընթացակարգերին կարող են հայտ ներկայացնել միայն այն ավտոարտադրողները, որոնք պաշտոնական ներկայացուցչություն ունեն Հայաստանի Հանրապետությունում: Հետևաբար հայտնում ենք, որ Ներքին գործերի նախարարության կողմից կազմակերպված ՀՀ ՆԳՆ ԷԱՃԱՊՁԲ-2025/ԱԽ-16 ծածկագրով գնման ընթացակարգի հրավերի տեխնիկական բնութագրում նման պահանջ ներառելը չի բխում «Գնումների մասին» ՀՀ օրենքի սկզբունքներից, ավելին նման պահանջի սահմանումը հակասում է գնումների մասին ՀՀ օրենսդրությանը, այն է՝ խտրական է, մրցակցության հավասար պայմաններ չի ապահովում հնարավոր մասնակիցների համար և հանգեցնում է խոչընդոտների առաջացմանը. Հիմք ընդունելով վերոգրյալը՝ առաջարկում ենք համապատասխան փոփոխություն կատարել հրավերի տեխնիկական բնութագրում և այն համապատասխանեցնել գնումների մասին ՀՀ օրենսդրության պահանջներին, հակառակ դեպքում ստիպված կլինենք պաշտպանվել ՀՀ Օրենքով չարգելված ցանկացած ձևով՝ ընդհուպ մինչև դատարան դիմելը: Կանխավ շնորհակալ ենք: | 2025-07-15 23:55:46 | «Գնումների մասին» օրենքի 3-րդ հոդվածի 1-ին մասի 1-ին կետի համաձայն՝ սույն օրենքի նպատակն է ապահովել գնումների գործընթացում հատուցման դիմաց արժեք, այն է` պատվիրատուին վերապահված լիազորությունների կատարման համար անհրաժեշտ` կարիքին համապատասխան ապրանքների, աշխատանքների և ծառայությունների ձեռքբերում` համարժեք հատուցմամբ. (...) Նույն օրենքի 13-րդ հոդվածի 1-ին մասի համաձայն՝ գնման առարկայի բնութագրերը պետք է ամբողջությամբ և հստակ նկարագրեն ձեռք բերվող ապրանքի, աշխատանքի կամ ծառայության հատկանիշները, դրանց ձեռքբերման և վճարման պայմանները` բացառելով տարակերպ մեկնաբանությունը: Գնման առարկայի բնութագրերը, որոնք ներառում են նաև պայմանագրի գինը, ընդգրկվում են պայմանագրում: ՀՀ կառավարության 2017 թվականի մայիսի 4-ի թիվ 526-Ն որոշման 1-ին կետի 1-ին ենթակետով հաստատված կարգի 22-րդ կետի համաձայն՝ գնման առարկայի բնութագրերը և մասնակիցներին ներկայացվող որակավորման չափանիշները սահմանելիս պետք է հաշվի առնել, որ դրանց պետք է բավարարեն մեկից ավելի հնարավոր մասնակիցներ՝ բացառությամբ սույն կարգի 23-րդ կետի 4-րդ ենթակետով նախատեսված հիմքով և նույն կարգի 21-րդ կետի 1-ին ենթակետի «դ» պարբերությամբ նախատեսված՝ պատվիրատուի ղեկավարի հետ համաձայնեցված դեպքերում կատարվող գնումների: Ապրանքների գնման դեպքում հղումներ օգտագործելիս ներկայացվում են որպես համարժեք առաջարկվող ապրանքների ֆիրմային անվանումը, մոդելը և արտադրողը: Վկայակոչված իրավակարգավորումներից հետևում է, որ պատվիրատուն ինքնուրույն է որոշում և համապատասխանաբար կազմում իր կարիքների համար անհրաժեշտ գնման առարկայի տեխնիկական բնութագիրը՝ պահպանելով գնումների մասին ՀՀ օրենսդրության պարտադիր և թույլատրելի պահանջները: Այսպիսով, ՀՀ ՆԳՆ ԷԱՃԱՊՁԲ-2025/ԱԽ-16 ծածկագրով գնման ընթացակարգի հրավերով սահմանված տեխնիկական բնութագիրը կազմված է ելնելով պատվիրատուի իրական կարիքներից՝ պահպանելով գնումների մասին ՀՀ օրենսդրության պարտադիր և թույլատրելի նորմերը: Согласно пункту 1 части 1 статьи 3 Закона "О закупках", целью настоящего Закона является обеспечение стоимости за вознаграждение в процессе закупок, а именно приобретение товаров, работ и услуг, необходимых для выполнения полномочий, возложенных |
