| Запрос | Время | Разъяснение |
| Հարգելի՛ գնահատող հանձնաժողով, Ուսումնասիրելով «ԷԱՃԱՊՁԲ-2026/16-30-ԵՊԲՀ» ծածկագրով գնման ընթացակարգի 3-րդ չափաբաժնի՝ թոքերի արհեստական օդափոխության սարքի տեխնիկական բնութագրերը, խնդրում ենք տրամադրել պարզաբանում և վերանայել ստորև ներկայացված պահանջները՝ հնարավոր մասնակիցների շրջանակն ընդլայնելու և հավասար մրցակցային պայմաններ ապահովելու նպատակով։ 1. Սարքի քաշը՝ ոչ ավելի, քան 5 կգ Հրավերով սահմանված՝ սարքի առավելագույնը 5 կգ քաշի պահանջը, մյուս տեխնիկական և ֆունկցիոնալ պարամետրերի հետ համակցությամբ, էականորեն սահմանափակում է համապատասխան սարքավորումների շրջանակը՝ գործնականում այն նեղացնելով մինչև մեկ կոնկրետ մոդել, մասնավորապես՝ HAMILTON-C1։ Հատկանշական է, որ արտադրողի պաշտոնական տեխնիկական տվյալներով HAMILTON-C1 սարքի քաշը կազմում է 4.9 կգ՝ առանց շարժական տակդիրի, իսկ շարժական տակդիրով՝ 16.9 կգ։ Այս հանգամանքը լրացուցիչ հարցեր է առաջացնում հրավերով սահմանված 5 կգ շեմի օբյեկտիվ հիմնավորվածության վերաբերյալ։ Միաժամանակ անհասկանալի է, թե ինչ կլինիկական կամ գործառնական անհրաժեշտությամբ է պայմանավորված հենց 5 կգ քաշային սահմանափակումը, եթե սարքը նախատեսվում է օգտագործել շարժական տակդիրի վրա։ Նման պայմաններում խնդրում ենք պարզաբանել՝ ինչ գործնական կամ կլինիկական նշանակություն ունի, թե շարժական տակդիրի վրա տեղադրված սարքի քաշը կազմում է 5 կգ, թե ավելի, եթե այն ապահովում է պահանջվող բոլոր կլինիկական և ֆունկցիոնալ հնարավորությունները։ Ավելին, տվյալ գնման առարկան թոքերի արհեստական օդափոխության սարք է, այլ ոչ թե բացառապես պացիենտների տեղափոխման համար նախատեսված տրանսպորտային օդափոխության սարք, որի դեպքում փոքր քաշը կարող էր դիտարկվել որպես առաջնային գործառնական անհրաժեշտություն։ Հետևաբար, սարքի քաշը որպես սահմանափակող տեխնիկական չափանիշ սահմանելը, առանց դրա հստակ և օբյեկտիվ հիմնավորման, կարող է անհամաչափորեն սահմանափակել մրցակցությունը՝ հնարավոր առավելություն ստեղծելով կոնկրետ արտադրողի կոնկրետ մոդելի համար։ Խնդրում ենք պարզաբանել՝ ինչո՞վ է պայմանավորված առավելագույնը 5 կգ քաշի պահանջը, և ինչո՞ւ պետք է բացառվեն 5 կգ-ից ավելի քաշ ունեցող սարքավորումները, եթե դրանք լիովին ապահովում են պատվիրատուի պահանջած կլինիկական և ֆունկցիոնալ հնարավորությունները։ Հաշվի առնելով վերոգրյալը՝ խնդրում ենք վերանայել նշված տեխնիկական պայմանը և հանել սարքի առավելագույն քաշի սահմանափակումը՝ ապահովելով մրցակցության հավասար պայմաններ և բացառելով առանձին արտադրողի կամ մոդելի նկատմամբ անհիմն առավելության ստեղծումը։ 1ՀՀ «Գնումների մասին» օրենքի 13-րդ հոդվածի 2-րդ մասի 1-ին, 2-րդ և 3-րդ կետերի համաձայն՝ գնման առարկայի բնութագրերը պետք է ապահովեն հնարավոր մասնակիցների համար մրցակցության հավասար պայմաններ, չհանգեցնեն մրցակցության համար չհիմնավորված խոչընդոտների առաջացմանը և լինեն օբյեկտիվորեն հիմնավորված՝ բխելով պատվիրատուի իրական կարիքից։ Բացի այդ, նույն օրենքի 3-րդ հոդվածի 2-րդ մասի 1-ին և 2-րդ կետերով ամրագրված են գնումների գործընթացի մրցակցային, համաչափ և ոչ խտրական կազմակերպման, ինչպես նաև մասնակիցների շրջանակի ընդլայնման և մրցակցության խրախուսման սկզբունքները։ 2. Բարձր հոսքով թթվածնային թերապիայի առավելագույն հոսքը՝ 100 լ/րոպե Բարձր հոսքով թթվածնային թերապիայի առավելագույն հոսքի՝ 100 լ/րոպե ցուցանիշի պարտադիր սահմանումը կարող է անհարկի սահմանափակել մրցակցությունը, քանի որ 80 լ/րոպե առավելագույն հոսք ապահովող թոքերի արհեստական օդափոխության սարքերը նույնպես կիրառվում են բարձր հոսքով թթվածնային թերապիայի իրականացման համար։ Խնդրում ենք պարզաբանել, թե ինչ կոնկրետ կլինիկական անհրաժեշտությամբ է պայմանավորված 100 լ/րոպե առավելագույն հոսքի պահանջը, և վերանայել այն՝ սահմանելով առավելագույն հոսքի առնվազն 80 լ/րոպե ցուցանիշ։ ՀՀ «Գնումների մասին» օրենքի 13-րդ հոդվածի 2-րդ մասի 2-րդ և 3-րդ կետերի համաձայն՝ տեխնիկական բնութագրերը չպետք է ստեղծեն մրցակցության համար չհիմնավորված խոչընդոտներ և պետք է բխեն պատվիրատուի օբյեկտիվ կարիքներից։ Նույն օրենքի 3-րդ հոդվածի 2-րդ մասի 2-րդ կետի համաձայն՝ գնումների գործընթացը պետք է նպաստի մասնակիցների շրջանակի ընդլայնմանը և նրանց միջև մրցակցության խրախուսմանը։ Հաշվի առնելով վերոգրյալը՝ խնդրում ենք տրամադրել հստակ և հիմնավորված պարզաբանումներ նշված պահանջների վերաբերյալ և կատարել համապատասխան փոփոխություններ գնման հրավերի տեխնիկական բնութագրերում։ Առաջարկվող փոփոխությունները կնպաստեն ՀՀ «Գնումների մասին» օրենքով սահմանված մրցակցության ապահովման և ոչ խտրականության սկզբունքների պահպանմանը՝ միաժամանակ հնարավորություն տալով պատվիրատուին ընտրություն կատարել տարբեր արտադրողների համապատասխան սարքավորումների միջև։ Կանխավ շնորհակալություն հարցման քննարկման և համագործակցության համար։ | 2026-10-22 12:40:13 | ՈՒսումնասիրելով «ԷԱՃԱՊՁԲ-2026/16-30-ԵՊԲՀ» ծածկագրով գնման ընթացակարգի 3-րդ չափաբաժնի մասով կատարված պարզաբանման պահանջը, կարելի է արձանագրել, որ հարցումը կատարված է կոնկրետ հնարավոր մասնակցի կարիքի բավարարման, այլ ոչ թե պատվիրատուի կարիքի բավարարման, հնարավոր մասնակիցների շրջանակն ընդլայնելու և հավասար մրցակցային պայմաններ ապահովելու նպատակով: Մասնավորապես ուշագրավ է այն, որ թոքերի արհեստական օդափոխության սարքի ենթադրյալ վաճառքով զբաղվող հնարավոր մասնակիցը տարբերություն չի դնում թոքերի արհեստական օդափոխության սարքի բարձր հոսքով թթվածնային թերապիայի առավելագույն 100 լ/րոպե և 80լ/րոպե հոսքերի ցուցանիշների միջև, բացի այդ պնդում է, որ սարքի առավելագույնը 5 կգ քաշի պահանջը չունի որևէ գործառնական անհրաժեշտություն` միաժամանակ չնշելով իր կողմից առաջարկով սարքի քաշը: Բացի այդ, պարզաբանման հարցմամբ նշվում է, որ պատվիրատուն թոքերի արհեստական օդափոխության սարքի տեխնիկական բնութագիրը կազմել է այնպես, որ դրան բավարարում է միայն մեկ արտադրողի մոդել` «Hamilton C1», սակայն պարզաբանման նույն հարցմամբ չի ներկայացվում որևէ հիմնավորում` թվով միայն մեկ արտադրողին տեխնիկական բնութագրի համապատասխանության մասին, ինչպես նաև թվով միայն մեկ արտադրողի տեխնիկական բնութագրի բավարարման օրենսդրական որևէ սահմանափակման մասին: Այս կապակցությամբ հայտնում ենք հետևյալը` Իրավական մաս: «Գնումների մասին» ՀՀ օրենքի (այսուհետ նաև` Օրենք) 3-րդ հոդվածի 1-ին մասի համաձայն, Օրենքի նպատակն է ապահովել գնումների գործընթացում հատուցման դիմաց արժեք, այն է` պատվիրատուին վերապահված լիազորությունների կատարման համար անհրաժեշտ` կարիքին համապատասխան ապրանքների, աշխատանքների և ծառայությունների ձեռքբերում` համարժեք հատուցմամբ: Վերոնշյալ օրենսդարական կարգավորումը որպես Օրենքի հիմնական նպատակ հստակ սահմանում է` գնման գործընթացի արդյունքում պատվիրատուին վերապահված լիազորությունների կատարման համար պատվիրատուի կարիքի բավարարումը: Տվյալ պարագայում, հիմնադրամը իր կարիքների բավարարման նպատակով ինքնուրույն է որոշում ձեռքբերվող ապրանքի որակը և տեխնիկական պահանջները` իհարկե պահպանելով գնումների օրենսդրության պարտադիր և թույլատրելի նորմերը: Օրենքի 13 հոդվածով, ինչպես նաև ՀՀ կառավարության թիվ 526-Ն որոշմամբ հաստատված գնումների գործընթացի կազմակերպման կարգի (այսուհետ նաև` Կարգ) 22-րդ կետով սահմանվում են պատվիարոտւի կարիքի բավարարման նպատակով ձեռքբերվող գնման առարկաների տեխնիկական բնութագրերի կազմման պարտադիր և թույլատրելի նորմերը: Ուստի, պարզաբանման հարցմամբ ներկայացված Օրենքի 13-րդ հոդվածի առանձին վերցված 2-րդ մասի 2-րդ և 3-րդ կետերը չեն կարող հակասել Օրենքի հիմնական նպատակին, այնէ` պատվիրատուն ունենալով համապատասխան ֆինանսական միջոցներ պարտավոր չէ նվազեցնել մասնագիտորեն սահմանված չափորոշիչների շեմերը` կասկածի տակ դնելով սեփական կարիքի բավարարումը: Այսպես, նշենք, որ «ԷԱՃԱՊՁԲ-2026/16-30-ԵՊԲՀ» ծածկագրով գնման ընթացակարգի 3-րդ չափաբաժնով սահմանված տեխնիկական բնութագիրը ամբողջությամբ և հստակ նկարագրում է ձեռք բերվող ապրանքի հատկանիշները, դրանց ձեռքբերման և վճարման պայմանները` բացառելով տարակերպ մեկնաբանությունը: Բացի այդ բնութագրում բացակայում է որևէ հղում որևէ կոնկրետ արտադրողին կամ մոդելին, ինչով հիմնավորվում է բնութագրի համապատասխանությունը նաև Օրենքի 13-րդ հոդվածին: Ինչպես նաև՝ Կարգի 22-րդ կետի համաձայն` «Գնման առարկայի բնութագրերը և մասնակիցներին ներկայացվող որակավորման չափանիշները սահմանելիս պետք է հաշվի առնել, որ դրանց պետք է բավարարեն մեկից ավելի հնարավոր մասնակիցներ»: Տվյալ պարագայում բնութագրի մեկ մոդելի համապատասխանության ենթադրյալ պնդումն անտեղի է, քանի որ Օրենքի և Կարգի համատեքստում կարևոր է տարբերակել «առնվազն երկու արտադրող» և «առնվազն երկու մասնակից» հասկացությունները։ Կարգում բացակայում է պահանջ այն մասին, որ տեխնիկական բնութագրին պետք է բավարարեն առնվազն երկու արտադրող։ Պահանջը վերաբերում է մասնակիցներին։ Նույն արտադրողի սարքավորումը կարող են առաջարկել մի քանի անկախ մասնակիցներ (ներկայացուցիչներ, դիստրիբյուտորներ, գործընկերներ), ինչը բավարար է մրցակցության ապահովման տեսանկյունից։ Բնութագրին համապատասխանող սարքավորում առաջարկելու հնարավորություն ունեն մեկից ավելի պոտենցիալ մասնակիցներ։ Կլինիկական և գործառնական մաս: 1. Սարքի առավելագույն քաշի պահանջի վերաբերյալ (ոչ ավելի, քան 5 կգ) Սահմանված 5 կգ առավելագույն քաշի պահանջը պայմանավորված է սարքի կիրառման կոնկրետ պայմաններով։ Սարքը նախատեսված է օգտագործել նաև շարժական ռեժիմում (առանց սայլակի)՝ պացիենտների տեղափոխման, վերակենդանացման և անհետաձգելի բժշկական օգնության պայմաններում, որտեղ սարքի շարժունակությունը, արագ տեղակայումը և տեղափոխման հարմարավետությունը (նաև տարբեր հարկեր տեղափոխելու պարագայում) ունեն կլինիկական նշանակություն։ Սարքի՝ առանց սայլակի առավելագույնը 5 կգ քաշի պահանջը պայմանավորված է շարունակական շնչառական աջակցություն պահանջող պացիենտների ներհիվանդանոցային տեղափոխումների ընթացքում սարքի օգտագործման անհրաժեշտությամբ։ Սարքի փոքր քաշը նպաստում է դրա արագ և անվտանգ տեղափոխմանը, տեղակայմանը և շահագործմանը՝ առանց առանձին սայլակի անհրաժեշտության։ Սա հատկապես կարևոր է վերակենդանացման, վիրահատական և ախտորոշիչ ստորաբաժանումների միջև պացիենտների տեղափոխման ժամանակ։ Տվյալ պարագայում պատվիրատուն չի կարևորում սայլակի քաշը, փոխարենը կարևորում է սարքի զուտ քաշը, ուստի շարժական տակդիրի առկայությունը չի վերացնում սարքի սեփական քաշի նշանակությունը։ 2. Բարձր հոսքով թթվածնային թերապիայի առավելագույն հոսքի պահանջի վերաբերյալ (100 լ/րոպե) 100 լ/րոպե առավելագույն հոսքի պահանջը պայմանավորված է բարձր հոսքով թթվածնային թերապիայի (HFNC) արդյունավետ կիրառման կլինիկական չափանիշներով և տարբեր աստիճանի շնչառական անբավարարությամբ պացիենտների բուժման ընթացքում թերապիայի անհատական կարգավորման առավել լայն հնարավորություններ ապահովելու անհրաժեշտությամբ։ Միջազգային ուղեցույցներում և կլինիկական պրակտիկայում 80 լ/րոպեից բարձր հոսքը հաճախ անհրաժեշտ է լինում ծանր շնչառական անբավարարության, հիպոքսեմիայի և հատուկ պացիենտների խմբերի դեպքում՝ ապահովելով բավարար FiO₂ և հոսքի կայունություն։ Առանձին կլինիկական իրավիճակներում պացիենտի ներշնչման պիկային հոսքի պահանջարկը կարող է գերազանցել 80 լ/րոպեն, ինչը հաճախ հանդիպել է պրակտիկայում, ուստի մինչև 100 լ/րոպե հոսքի ապահովումը ստեղծում է լրացուցիչ ֆունկցիոնալ պահուստ՝ թերապիան պացիենտի շնչառական պահանջներին համապատասխանեցնելու համար։ 80 լ/րոպե սահմանափակումը կնվազեցնի սարքի ֆունկցիոնալ հնարավորությունները և չի բավարարի պատվիրատուի կլինիկական կարիքները։ Պահանջը հիմնված է օբյեկտիվ բժշկական անհրաժեշտության վրա, այլ ոչ թե կոնկրետ արտադրողի նկատմամբ նախապատվության: Այսպիսով` Տեխնիկական բնութագիրը կազմվել է՝ ելնելով պատվիրատուի իրական կլինիկական և գործառնական կարիքներից, և համապատասխանում է գնումների օրենսդրության պարտադիր և թույլատրելի պահանջներին։ Բնութագրերը օբյեկտիվորեն հիմնավորված են և չեն ստեղծում մրցակցության համար չհիմնավորված խոչընդոտներ, բխում են պատվիրատուի իրական կարիքներից և չեն հանգեցնում մրցակցության անհիմն սահմանափակման։ Հետևաբար, հրավերի տեխնիկական բնութագրերում փոփոխություններ կատարելու հիմքեր չկան։ Պատրաստ ենք տրամադրել լրացուցիչ պարզաբանումներ անհրաժեշտության դեպքում։ Изучив запрос о разъяснении по лоту № 3 закупочной процедуры с кодом «ԷԱՃԱՊՁԲ-2026/16-30-ԵՊԲՀ», можно констатировать, что данный запрос направлен на удовлетворение потребностей конкретного потенциального участника, предположительно занимающего |
