| Запрос | Время | Разъяснение |
| Հարցում ՀՀ ՊՆ ՆՏԱԴ-ԷԱՃԱՊՁԲ-7/43 ծածկագով մրցույթի վերաբերյալ 1.Տեղեկացնում ենք Ձեզ, որ ՀՀ ՊՆ ՆՏԱԴ-ԷԱՃԱՊՁԲ-7/43 ծածկագով մրցույթի 1,2 չափաբաժիններում նշված կոշիկ ճտքավոր ГОСТ-447-91-ը վերաբերվում է քրոմային երկշերտ կաշվից անհատական պատվերով արտադրվող զինվորական կոշիկներին: 2. Ճտքերի, լեզվակի, երեսամասի և հետնամասի կաշիների հաստությունները տեխնիկական բնութագրում նշված է 1.2-2.00մմ ընդհանուր հաստությամբ, մինչդեռ զինվորական ճտքավոր կոշիկի արտադրության մեջ նախատեսված է` երեսամաս,հետնամաս- 1.8-2.2մմ հաստությամբ կաշիներ, լեզվակ, ճտքեր- 1.2-1.5մմ հաստությամբ կաշիներ: 3. Տեխնիկական բնութագրում նշված է, որ, ներսի հանովի-դնովի ներդիրը`EVA նյութից, օրթոպեդիկ տեսակի` համալրված հակաբակտերիալ մշակմամբ աստառով, այնինչ օրթոպեդիկ ներդիրը ունի բժշկական նշանակություն, կիրառվում է բժշկության ոլորտում և արտադրվում է յուրաքանչյուր մարդու համար անհատապես` վերցված ոտքի հետքի հիման վրա և այն նախատեսված չէ մասայական արտադրության համար: 4. Բարձր ճնշմամբ սոսնձման եղանակով տակացուի ամրացման դեպքում, նշված է` երեսամասի և ներսի ճտքի աստառները արտադրվում են բնական հումքից, անհրաժեշտ է շեշտել բնական հումքի թույլատրելի տեսակները և հատկանիշները, իսկ ձուլման եղանակով տակացուի ամրացման դեպքում Statex տիպի կամ համարժեք աստառային նյութից: Խնդրում ենք մեկնաբանել ինչ հատկանիշներ և ցուցանիշներ ունի Statex կոչվող նյութը: 5. Միջատակը բաղկացած է իրար սոսնձվող կարակցված բնական հումքից (պադոշ) և կոշիկի համար նախատեսված ստվարաթղթից, բացակայում են նշված նյութերի հաստությունները: 6. Բարձր ճնշմամբ սոսնձման եղանակով տակացուի ամրացման դեպքում խնդրում ենք պարզաբանել երկրորդ ներբանի անհրաժեշտությունը, քանի որ նշված ամրացման եղանակը չի ենթադրում երկրորդ բարակ ներբանի առկայությունը : 7. Ձուլման եղանակով տակացուի ամրացման դեպքում նշված չեն պիտակավորման և կրման ժամանակահատվածի պահանջները: 8. 6-րդ չափաբաժնում նշված է, որ կոշիկը պետք է ունենա կողերից ձգվող ժապավեն (շտիբլետ), ինչն անհրնարին է, քանի որ կոշիկի կառուցվածքում բացակայում են լեզվակը և կտրվածքներ, որոնց ամրացման համար է անհրաժեշտ ձգվող ժապավենը(շտիբլետը): Վերը նշված խնդիրների վերաբերյալ խնդրում ենք տալ պարզաբանումներ և կատարել անհրաժեշտ փոփոխություններ 1,2,6 չափաբաժինների տեխնիկական բնութագրերում: | 2019-01-21 15:35:25 | 1-ին հարցադրման վերաբերյալ. 1-ին և 2-րդ չափաբաժիններում ԳՈՍՏ-ը վերաբերվում է նաև տվյալ չափաբաժիններում ներառված գնման առարկաներին, 2-րդ հարցադրման վերևաբերյալ. կաշվին ներկայացվող 1.2-ից 2 մմ հաստությամբ լինելու պահանջը ներառվել է ընդհանուր՝ հաշվի առնելով գնման առարկայի բաղկացուցիչ տարբեր մասերի համար պահանջվող կաշվի հաստությունները, իսկ յուրաքանչյուրի համար պահանջվող չափերը կարգավորվում են նորմատիվ փաստաթղթերով: 3-րդ հարցադրման վերաբերյալ. EVA օրթոպեդիկ բնութագրիչը ենթադրում է, որ գնման առարկայի ներդիրը պետք է ապահովի բարձր էլաստիկություն, առաձգականություն և ճկունություն, 4-րդ հարցադրման վերաբերյալ. Հայտնում եմ, որ բնական հումքն իրենից ներկայացնում է բնական կաշվից կամ վերջինիս հիմքով ստացված և կոշիկի արտադրությունում օգտագործվող բաղադրիչներ, statex նյութն իրենից ներկայացնում է խոնավադիմացկուն գործվածքից կտոր կամ արհեստական ցանցանման կտոր: 5-րդ հարցադրման վերաբերյալ. նշված նյութերի հաստությունները կանոնակարգված են գնման առարկային վերաբերվող նորմատիվ փաստաթղթերով, 6-րդ հարցի վերաբերյալ. երկրորդ ներբանի առկայության պահանջը պարտադիր է, 7-րդ հարցի վերաբերյալ. պիտակավորման և կրման ժամկետների վերաբերյալ պահանջը ընդհանուր են և վերաբերվում են նշված երկու եղանակով պատրաստման ենթակա գնման առարականերին, 8-րդ հարցի վերաբերյալ. 6-րդ չափաբաժնում ներառված գնման առարկան ընդունելի է առանց կողերից ձգվող ժապավենի առկայության: ՀՀ ՊՆ ՆՏԱԴ-ԷԱՃԱՊՁԲ-7/43 ծածկագրով էլեկտրոնային աճուրդի գնահատող հանձնաժողովից |
