| Request | Logdate | Clarification |
| ՀԱՐՑՈՒՄ Տեխնիկական բնութագրերի պարզաբանման և վերանայման վերաբերյալ Հարգելի՛ պատվիրատու, Ուսումնասիրելով գնման ընթացակարգի 1-ին և 2-րդ չափաբաժինների տեխնիկական բնութագրերը՝ արձանագրում ենք, որ ներկայացված պահանջների համակցությունը փաստացի համապատասխանում է կոնկրետ արտադրողների առանձին մոդելների կամ մոդելային շարքի տեխնիկական լուծումներին, ինչը կարող է սահմանափակել մրցակցությունը։ Մասնավորապես՝ 1-ին չափաբաժնի մասով նախատեսված՝ Intel Core i5 14-րդ սերունդ, 10 core / 16 threads, Intel UHD Graphics 730, DDR5 4800 MT/s, HDMI 2.1 (TMDS), DisplayPort 1.4a (HBR2), առջևի և հետևի պորտերի կոնկրետ դասավորությունը, SmartPower On ֆունկցիան, պարամետրերի ամբողջական համակցությունը փաստացի առավելապես համապատասխանում է Dell OptiPlex շարքի, մասնավորապես Dell OptiPlex Small Form Factor / Micro Form Factor 7010 կամ մոտակա կոնֆիգուրացիաների տեխնիկական նկարագրություններին։ 2-րդ չափաբաժնի մասով տեխնիկական բնութագրում ուղղակիորեն նշված Intel Core i5-13420H պրոցեսորը, ինչպես նաև՝ Thunderbolt 4 / USB4 40Gbps, Wi-Fi 6, Ethernet 2.5GbE, HDMI 2.1 TMDS, DisplayPort 1.4, 150W սնուցման բլոկ, 23.8" IPS 120Hz մոնիտոր, պահանջների ամբողջական համակցությունը փաստացի առավելապես համապատասխանում է Lenovo IdeaCentre Mini / ThinkCentre Neo շարքի կոնկրետ մոդելների տեխնիկական բնութագրերին։ Բացի այդ, տեխնիկական բնութագրում կիրառված մի շարք պահանջներ՝ պորտերի ճշգրիտ քանակ և դասավորություն, սպիտակ գույնի ստեղնաշար և մկնիկ, «2x8GB պարտադիր» հիշողության կառուցվածք, Thunderbolt 4 / USB4, չեն հանդիսանում համակարգչի հիմնական ֆունկցիոնալ հնարավորությունները բնութագրող էական պահանջներ և կարող են դիտարկվել որպես կոնկրետ ապրանքանիշի կամ մոդելի նախապատվության ձևավորում։ Տեխնիկական բնութագրերում բացակայում է «կամ համարժեք» ձևակերպման հստակ կիրառումը, ինչպես նաև համարժեքության գնահատման չափանիշները, ինչը կարող է հակասել գնումների մասին ՀՀ օրենսդրությամբ սահմանված մրցակցության, համաչափության և ոչ խտրական մասնակցության սկզբունքներին։ Հաշվի առնելով վերոգրյալը՝ խնդրում ենք՝ պարզաբանել նշված պահանջների հիմնավորվածությունը, հստակեցնել համարժեք ապրանքների գնահատման չափանիշները, վերանայել այն պահանջները, որոնք փաստացի ուղղորդում են կոնկրետ արտադրողի կամ մոդելի, և տեխնիկական բնութագրերը համապատասխանեցնել գնումների մասին ՀՀ օրենսդրության պահանջներին՝ ապահովելով հավասար մրցակցային պայմաններ բոլոր հնարավոր մասնակիցների համար։ | 2026-05-19 18:15:35 | Ի պատասխան տեխնիկական բնութագրերի վերաբերյալ ներկայացված հարցման՝ հայտնում ենք հետևյալը. Պատվիրատուի կողմից 1-ին և 2-րդ չափաբաժինների տեխնիկական բնութագրերը կազմվել են բացառապես ծառայողական անհրաժեշտություններից, շահագործման առանձնահատկություններից և համակարգչային տեխնիկայի երկարաժամկետ, կայուն և անխափան օգտագործման պահանջներից ելնելով։ Տեխնիկական բնութագրերում ներառված պահանջները սահմանված են որպես նվազագույն ֆունկցիոնալ և տեխնիկական ցուցանիշներ և ուղղված չեն որևէ կոնկրետ արտադրողի, ապրանքանիշի, մոդելի կամ մոդելային շարքի նախապատվության ձևավորմանը։ Միաժամանակ արձանագրում ենք, որ հարցման մեջ նշված ենթադրությունները կոնկրետ արտադրողների կամ մոդելային շարքերի վերաբերյալ հանդիսանում են հարցում ներկայացնող մասնակցի գնահատականը և չեն բխում տեխնիկական բնութագրերի բովանդակությունից, քանի որ նույն կամ համարժեք տեխնիկական լուծումներով սարքավորումներ առկա են տարբեր արտադրողների արտադրատեսականիներում։ Տեխնիկական բնութագրերում կիրառված պահանջների համակցությունը պայմանավորված է հետևյալ գործոններով՝ ● համակարգիչների շահագործումը նախատեսվում է բազմաֆունկցիոնալ աշխատանքային միջավայրում՝ միաժամանակ մի քանի տեղեկատվական համակարգերի, առցանց հարթակների, հաղորդակցման միջոցների և արտաքին սարքերի կիրառմամբ, ● համակարգիչները նախատեսված են երկարաժամկետ շահագործման համար, ուստի սահմանվել են ժամանակակից սերնդի պրոցեսորների, բավարար ծավալի օպերատիվ և պահեստային հիշողության, ինչպես նաև հետագա ընդլայնման հնարավորության պահանջներ, ● բազմամոնիտորային աշխատանքի, արտաքին սարքերի և տարբեր տեսակի ծայրամասային սարքավորումների կիրառման անհրաժեշտությամբ պայմանավորված սահմանվել են համապատասխան տեսակի և քանակի ինտերֆեյսների պահանջներ, ● ցանցային և հաղորդակցական հնարավորությունների վերաբերյալ պահանջները ձևավորվել են բարձր թողունակության, կայուն կապի և տվյալների արագ փոխանցման անհրաժեշտությունից ելնելով, ● հիշողության կառուցվածքի վերաբերյալ պահանջները պայմանավորված են համակարգի օպտիմալ արտադրողականության և երկալիքային (dual-channel) աշխատանքի ապահովման անհրաժեշտությամբ, ● ստեղնաշարի և մկնիկի գունային և կառուցվածքային պահանջները կրում են միասնական աշխատանքային միջավայրի և օգտագործման հարմարավետության ապահովման բնույթ և չեն կարող դիտարկվել որպես մրցակցության սահմանափակման գործոն, քանի որ շուկայում առկա են տարբեր արտադրողների համարժեք առաջարկներ։ Միաժամանակ հայտնում ենք, որ տեխնիկական բնութագրերում նշված տեխնոլոգիական և տեխնիկական անվանումները կիրառվել են բացառապես սարքավորումների պահանջվող ֆունկցիոնալ և տեխնիկական մակարդակը նկարագրելու նպատակով և չեն սահմանում որևէ կոնկրետ պատրաստի արտադրանքի, մոդելի կամ մատակարարի պարտադիր ընտրություն։ Գնահատման ընթացքում ընդունելի կհամարվեն բոլոր այն առաջարկները, որոնք կապահովեն պահանջվող տեխնիկական և ֆունկցիոնալ նվազագույն ցուցանիշները կամ դրանց տեխնիկական և արտադրողական հատկանիշներով համարժեք կամ գերազանցող հնարավորությունները։ Համարժեքության գնահատման հիմք են հանդիսանալու առաջարկվող սարքավորումների արտադրողի պաշտոնական տեխնիկական բնութագրերը, տեխնիկական փաստաթղթերը և մասնակցի կողմից ներկայացված համապատասխանության տվյալները։ Հետևաբար, տեխնիկական բնութագրերը ձևավորվել են ծառայողական կարիքներից և ֆունկցիոնալ անհրաժեշտությունից ելնելով՝ պահպանելով գնումների մասին ՀՀ օրենսդրությամբ սահմանված հավասար մրցակցային պայմանների, համաչափության և ոչ խտրականության սկզբունքները։ В ответ на запрос технических характеристик сообщаем вам следующее: Технические характеристики 1-й и 2-й партий были составлены Заказчиком исключительно на основе потребностей в обслуживании, эксплуатационных характеристик и требований к длительному, стаб |
| Code | Publish time |
| ՀՀԱՆՇՕԾ-ԷԱՃԱՊՁԲ-2026/34 | 2026-05-15 18:50:30 |
