| Հարգելի գործընկեր,
ՀՀ ՊԵԿ-ԷԱՃԱՊՁԲ-2026/11 ծածկագրով գնման ընթացակարգի հրավերով սահմանված գնման առարկայի տեխնիկական բնութագրի ուսումնասիրության ընթացքում արձանագրել ենք որոշ ձևակերպումներ, ինչպես նաև որոշ տեխնիկական տեղեկատվության բացակայություն, որոնք, մեր գնահատմամբ, լրացուցիչ հստակեցման կամ պարզաբանման անհրաժեշտություն ունեն։
Տեխնիկական բնութագրի մի շարք պահանջներ շարադրված են ընդհանուր կամ ոչ ամբողջական ձևակերպումներով, ինչի հետևանքով հնարավոր չէ միանշանակ որոշել մատակարարվող սարքավորումների, նյութերի, մոնտաժային աշխատանքների և անհրաժեշտ լրացուցիչ միջոցառումների ամբողջական ծավալը։ Մասնավորապես բացակայում են համակարգի նախագծային փաստաթղթերը, տեխնիկական մասնագրերը, էլեկտրական, կառուցվածքային և կապուղիների սխեմատիկ պատկերները, սարքավորումների տեղաբաշխման գծագրերը, ինչպես նաև առկա և տեղադրման ենթակա նոր համակարգերի կազմը, փոխկապակցվածությունն ու ինտեգրման լուծումներն արտացոլող նախագծային նյութերը, որոնք անհրաժեշտ են պահանջվող սարքավորումների մատակարարման, մոնտաժի և ինտեգրման աշխատանքների ծավալը գնահատելու համար։ Չիլլերի տեխնիկական պահանջների մասով բացակայում են տվյալների կենտրոնի սառեցման համակարգի նախագծային և հաշվարկային տվյալները, այդ թվում՝ պահանջվող սառեցման հզորության հաշվարկները, ջերմային բեռի հաշվարկները, հիդրավլիկ սխեմաները։ Նշված տեղեկատվության բացակայության պայմաններում հնարավոր չէ գնահատել, թե արդյոք տեխնիկական բնութագրով պահանջվող չիլլերը լիարժեք բավարարում է տվյալների կենտրոնի սառեցման պահանջները, ապահովում է համակարգի նախագծային արտադրողականությունը և անխափան շահագործումը։ Տեխնիկական բնութագրում կիրառված «առանց ենթակառուցվածքի փոփոխության», «առանց լրացուցիչ ադապտացիայի», «plug-and-play ինտեգրում», «գոյություն ունեցող համակարգի հետ համատեղելի» և նմանատիպ ձևակերպումների առկայության պայմաններում հնարավոր չէ գնահատել մատակարարման, մոնտաժի, ինտեգրման, փորձարկման և շահագործման հանձնման աշխատանքների իրական ծավալը, ինչպես նաև որոշել պահանջվող նյութատեխնիկական միջոցներն ու դրանց արժեքը։ Արդյունքում գնային առաջարկները կարող են հաշվարկվել տարբեր ենթադրությունների հիման վրա, ինչը չի ապահովում ներկայացվող գնային առաջարկների լիարժեք համադրելիությունը։
Խնդրում ենք տալ պարզաբանում վերը նշվածի վերաբերյալ։ | 2026-07-25 15:35:15 | Սառեցման հզորության և ջերմային բեռի տվյալների մասով. Հրավերի տեխնիկական բնութագրում հստակ սահմանված են համակարգի հաշվարկային հիմնական պարամետրերը, որոնց հիման վրա մասնակիցը պետք է ընտրի առաջարկվող սարքավորումը: Մասնավորապես, տեխնիկական բնութագրով սահմանված է, որ. «ՊԵԿ սերվերային սարքավորումների կողմից արտադրվող ընդհանուր ջերմային բեռը կազմում է մոտ 90 կՎտ: Առաջարկվող չիլլերը պետք է ապահովի նշված ջերմային բեռին համապատասխան անհրաժեշտ հովացումը՝ սենյակում պահպանելով սերվերների շահագործման համար պահանջվող պայմանները»:
Անխափան աշխատանքի ապահովման և փուլային մոնտաժի մեթոդաբանության մասով. Տեխնիկական բնութագրով սահմանված «առանց ենթակառուցվածքի փոփոխության» և սերվերների անխափան աշխատանքի պահանջի շրջանակներում, հաշվի առնելով, որ յուրաքանչյուր հասցեում (ք. Երևան, Ահարոնյան 12/3 և ք. Դիլիջան, Պարզ Լճի 5) նախատեսված է տեղադրել 2-ական չիլլեր, աշխատանքների կազմակերպումը հնարավոր է իրականացնել փուլային տարբերակով (օրինակ՝ սկզբում տեղադրել և գործարկել առաջին չիլլերը՝ սերվերային կենտրոնի անհրաժեշտ հովացումն ապահովելու համար, որից հետո միայն իրականացնել երկրորդ չիլլերի մոնտաժն ու ինտեգրումը)։ Այդուհանդերձ, եթե ընթացակարգի հաղթող ճանաչված մասնակցի մասնագիտական խմբի կողմից կառաջարկվի աշխատանքների կազմակերպման կամ ինտեգրման այլընտրանքային տեխնիկական տարբերակ, որը կապահովի սերվերների անխափան աշխատանքը և որին Պատվիրատուն կհամաձայնի, ապա աշխատանքները կարող են իրականացվել նաև այդ տարբերակով:
Նախագծային սխեմաների չտրամադրման հիմնավորումը (Անվտանգություն). Հաշվի առնելով ՀՀ ՊԵԿ տվյալների կենտրոնների բարձր կարևորությունն ու տեղեկատվական անվտանգության ռիսկերը, ինչպես նաև այն հանգամանքը, որ ք. Դիլիջան (Պարզ Լճի 5) հասցեում տեղակայված օբյեկտը հանդիսանում է հատուկ պահպանվող տարածք և ներկայումս գտնվում է ՀՀ Պաշտպանության նախարարության (Մոնթե Մելքոնյանի անվան ռազմամարզական վարժարան) տիրապետման և վերահսկողության տակ, նշված ենթակառուցվածքների ներքին էլեկտրական, կառուցվածքային և կապուղիների մանրամասն սխեմաների ու գծագրերի հրապարակային տրամադրումը հրավերով նպատակահարմար չէ և պարունակում է անվտանգային բարձր ռիսկեր:
Տեղում զննության հնարավորության և անվտանգության կանոնների վերաբերյալ. Գործընթացի թափանցիկությունն ապահովելու նպատակով, Պատվիրատուն պատրաստ է աշխատանքային օրերին թույլատրել մասնակիցների մուտքը նշված օբյեկտներ՝ տեղում տեսողական զննում և չափագրումներ իրականացնելու համար: Հաշվի առնելով օբյեկտների ռազմավարական նշանակությունը՝ տեղանք մուտք գործելու նախապայման է հանդիսանում մասնակցի կողմից տեղեկատվության գաղտնիության պահպանման և չբացահայտման պաշտոնական փաստթղթի ստորագրումը։ Սառեցման հզորության և ջերմային բեռի տվյալների մասով. Հրավերի տեխնիկական բնութագրում հստակ սահմանված են համակարգի հաշվարկային հիմնական պարամետրերը, որոնց հիման վրա մասնակիցը պետք է ընտրի առաջարկվող սարքավորումը: Մասնավորապես, տեխնիկական բնութագրով սահմանվա |
Product full description