| Request | Logdate | Clarification |
| Հարգելի գործընկերներ, մեր կողմից ուսումնասիրվել է ՀՀ ՆԳՆ ԷԱՃԱՊՁԲ-ԱՎՏՈ/2025/Լ-2 ծածկագրով ընթացակարգի հրավերը և մեր գնահատմամբ ապրանքների տեխնիկական բնութագրերը կազմելիս հիմք են ընդունվել կոնկրետ արտադրողի մոտ առկա չափանիշներ, ինչը փաստացի հնարավորություն չի տալիս այլ արտադրողների առաջարկել այնպիսի տեխնիկական բնութագրեր, որոնք ամբողջությամբ (մեքենաների և դրանց կից գործիքների մասով) կհամապատասխանեն հրավերի պահանջներին, բացի այդ առկա են որոշ խնդիրներ այլ պայմանների մասով, մասնավորապես. - 1-ին և 2-րդ չափաբաժիններով նախատեսված ավտոմեքենաներն իրարից տարբերվում են թե՛ ֆունկցիոնալ առումով, թե՛ չափսերով, թե՛ հզորությամբ, այնինչ երկուսի համար էլ սահմանված է գործիքների նույն հավաքածուն։ Խնդրում եմ պարզաբանել, արդյո՞ք առկա չէ թյուրիմացություն և արդյո՞ք հնարավոր է վերանայել նման պահանջը և գործիքների կազմը սահմանել ըստ գործառնական պահանջների։ - Ավտոմեքենաների հավաքածուների մեջ մտնող գործիքները նկարագրված են այնպիսի մանրամասնությամբ, որ գործնականորեն անհնար է դրանց ապահովելը։ Հարցը նրանում է, որ յուրաքանչյուր գործարան ավտոմեքենան արտադրելիս՝ դրա հետ ապահովում է գործիքների այնպիսի հավաքածու, որոնց ամբողջութունը հնարավորություն կտա ավտոմեքենային անթերի կատարելու իր առջև դրված խնդիրները և դրանով պայմանավորված տարբեր արտադրողների մոտ այդ գործիքներին ներկայացվող պահանջները կարող են տարբեր լինել։ Խնդրում եմ պարզաբանել, արդյո՞ք հնարավոր է հրավերով սահմանել միայն հավաքածուի մեջ մտնող գործիքների և սարքավորումների տեսակները, որպեսզի յուրաքանչյուր արտադրող հնարավորություն ունենա հավաքածուի մեջ ներառելու տվյալ մեքենային հատուկ գործիքակազմը, քանի որ դրաց համար կոնկրետ չափսեր և քաշ սահմանելը էականորն սահմանափակում է մրցակցությունը և գրեթե անհնար է դարձնում սահմանված պայմաններով մրցույթին մասնակցելը։ - Ընթացակարգի հրավերով գործիքների և սարքավորումների համար սահմանված է մի շարք ստանդարտների միաժամանակյա համապատասխանություն և սերտիֆիկատների առկայություն։ Խնդրում եմ պարզաբանել, արդյո՞ք հնարավոր է հրավերով սահմանել այնպիսի պայման, որ ապրանքներն ունենան և/կամ այդ սերտիֆիկատները, քանի որ գրեթե բոլոր դեպքերում նշված սերտիֆիկատներից որևէ մեկին համապատասխանելն էլ կապահովի առաջադրված խնդիրների իրականացումը։ Անհրաժեշտության դեպքում հայտնում ենք մեր պատրաստակամությունը՝ համապատասխան մասնագետներ ներգրավելու և բարձրացված հարցերը համատեղ քննարկելու նպատակով ։ | 2025-01-26 15:14:35 | Հարգելի գործընկերներ, առաջադրված հարցերի շուրջ հրավիրում ենք քննարկման 29,01,2025 թվականին ժամը 10-10։30 սահմաններում,հասցե,Երևան, Ծովակալ Իսակովի 7, հեռ․010596499 Հարգելի գործընկերներ, առաջադրված հարցերի շուրջ հրավիրում ենք քննարկման 29,01,2025 թվականին ժամը 10-10։30 սահմաններում,հասցե,Երևան, Ծովակալ Իսակովի 7, հեռ․010596499 |
| Lot number | CPV | Title | Bids |
