| Request | Logdate | Clarification |
| Հարգելի գործընկեր, ուսումնասիրելով ՍԲԿ-ԷԱՃԱՊՁԲ 26/36 ծածկագրով հայտարարված մրցույթի հրավերով սահմանված տեխնիկական բնութագիրը (Պլանշետային համակարգիչ՝ 4/128 ԳԲ, Wi-Fi տարբերակ կամ համարժեք)՝ խնդրում ենք տրամադրել պարզաբանում հետևյալ տեխնիկական անհամապատասխանությունների և հակասությունների վերաբերյալ, որոնք խոչընդոտում են մրցունակ և իրականացնելի հայտ ներկայացնելուն․ Չափսերի և էկրանի անհամատեղելիություն. Հրավերով պահանջվում է առնվազն 9.7 – 10 դյույմ էկրան (16:10 հարաբերակցությամբ) և կորպուսի առավելագույն լայնություն՝ ոչ ավել քան 149 մմ: 10" (16:10) էկրանի միայն ակտիվ մակերեսի լայնությունը կազմում է մոտ 134.6 մմ, ինչը նշված կորպուսի չափսի պարագայում թողնում է ընդամենը ~7 մմ շրջանակ (bezel), ինչն անհնարին է դարձնում նշված մարտկոցի և սարքավորումների տեղադրումը: Քաշի և մարտկոցի տարողության անհամատեղելիություն. Պահանջվում է առնվազն 7600 մԱժ մարտկոցով և մետաղական կորպուսով սարք, որի քաշը չպետք է գերազանցի 415 գրամը: Շուկայում առկա ~10" չափսի, մետաղական կորպուսով և 7600+ մԱժ մարտկոցով պլանշետների քաշը սկսվում է նվազագույնը 460–500 գրամից։ Պրոցեսորի տակտային հաճախականություն. Պահանջվում է Qualcomm Snapdragon 6s 4G Gen 2 (կամ Adreno 610) պրոցեսոր՝ առնվազն 2.9 ԳՀց տակտային հաճախականությամբ: Snapdragon 6s 4G Gen 2 / Adreno 610 դասի պրոցեսորների առավելագույն հաճախականությունը չի գերազանցում 2.0 – 2.2 ԳՀց-ը, իսկ 2.9 ԳՀց հաճախականությունն առկա է միայն բարձր (ֆլագմանական) դասի պրոցեսորներում, որոնք չեն համատեղվում Adreno 610 գրաֆիկական միջուկի հետ: Էկրանի լուծաչափ և թարմացման հաճախականություն. 2048 × 1280 լուծաչափի և 120 Հց թարմացման հաճախականության համադրությունը հազվադեպ ոչ ստանդարտ է, որը սերիական արտադրության Wi-Fi պլանշետներում գրեթե չի հանդիպում: Ելնելով վերոգրյալից՝ խնդրում ենք պարզաբանել կամ վերանայել (փոփոխություն կատարել) տեխնիկական բնութագրում՝ Լայնացնել կորպուսի առավելագույն չափսերի (լայնություն) և քաշի (օրինակ՝ մինչև 490-500 գ) սահմանափակումները, Շտկել պրոցեսորի տակտային հաճախականության պահանջը (սահմանելով օրինակ՝ առնվազն 2.0 ԳՀց): Հակառակ դեպքում խնդրում ենք նշել գոնե մեկ կոնկրետ մոդել (արտադրող և մոդելի անվանում), որը 100%-ով համապատասխանոմ է հրավերով սահմանված բոլոր պահանջներին միաժամանակ: | 2026-09-23 17:48:50 | Հարգելի գործընկեր, Ի պատասխան ՍԲԿ-ԷԱՃԱՊՁԲ 26/36 ծածկագրով հայտարարված գնման ընթացակարգի հրավերով սահմանված տեխնիկական բնութագրի վերաբերյալ Ձեր կողմից ներկայացված պարզաբանման հարցման՝ տեղեկացնում ենք հետևյալը։ Ձեր կողմից բարձրացված տեխնիկական անհամապատասխանությունների վերաբերյալ ներկայացված դիտարկումները լրացուցիչ ուսումնասիրության են ենթարկվել։ Ուսումնասիրության արդյունքում պարզվել է, որ ներկայացված մի շարք պնդումներ չեն համապատասխանում արտադրողների պաշտոնական տեխնիկական տվյալներին։ Մասնավորապես, արտադրողի պաշտոնական տվյալների համաձայն՝ շուկայում առկա են պլանշետային համակարգիչներ, որոնք միաժամանակ ապահովում են 9,7 դյույմ անկյունագծով 16:10 էկրան, 2048×1280 լուծաչափ, մինչև 120 Հց թարմացման հաճախականություն, մինչև 180 Հց հպումների հարցման հաճախականություն, Snapdragon 6s 4G Gen 2 պրոցեսոր՝ մինչև 2,9 ԳՀց հաճախականությամբ, 7600 մԱժ մարտկոց, ինչպես նաև մոտ 406 գ քաշ և 147,97 մմ լայնություն։ Որպես նշված տեխնիկական համակցության առկայությունը հաստատող կոնկրետ օրինակներ կարող ենք նշել հետևյալ մոդելները. POCO Pad C1 — 6GB/128GB, Wi-Fi տարբերակ։ Արտադրողի պաշտոնական տվյալների համաձայն՝ սարքն ունի 9,7 դյույմ, 2048×1280 լուծաչափով, 16:10 հարաբերակցությամբ էկրան, մինչև 120 Հց թարմացման և մինչև 180 Հց հպումների հարցման հաճախականություն, 500 նիտ տիպային և 600 նիտ արտաքին ռեժիմի պայծառություն, Snapdragon 6s 4G Gen 2 պրոցեսոր՝ 8 միջուկով և մինչև 2,9 ԳՀց հաճախականությամբ, Adreno 610 գրաֆիկական ենթահամակարգ, 6 ԳԲ LPDDR4X օպերատիվ և 128 ԳԲ UFS 2.2 ներքին հիշողություն։ Սարքի չափերն են 226,51×147,97×7,4 մմ, քաշը՝ 406 գ, իսկ մարտկոցի տիպային տարողությունը՝ 7600 մԱժ։ Xiaomi REDMI Pad 2 9.7 — 4GB/128GB, Wi-Fi տարբերակ։ Արտադրողի պաշտոնական տվյալների համաձայն՝ տվյալ մոդելի 4 ԳԲ/128 ԳԲ տարբերակը ևս ունի 9,7 դյույմ, 2048×1280 լուծաչափով, 16:10 հարաբերակցությամբ էկրան, մինչև 120 Հց թարմացման և մինչև 180 Հց հպումների հարցման հաճախականություն, 500 նիտ տիպային և 600 նիտ արտաքին ռեժիմի պայծառություն, Snapdragon 6s 4G Gen 2՝ 6 նմ տեխնոլոգիայով, 8 միջուկով և Adreno 610 գրաֆիկական ենթահամակարգով, LPDDR4X օպերատիվ և UFS 2.2 ներքին հիշողություն։ Սարքի չափերն են 226,51×147,97×7,4 մմ, իսկ քաշը՝ 406 գ։ Վերոնշյալ պաշտոնական տվյալները ցույց են տալիս, որ Ձեր հարցման մեջ նշված՝ 9,7–10 դյույմ էկրանի, 2048×1280 լուծաչափի, 120 Հց թարմացման, 7600 մԱժ մարտկոցի, մինչև 415 գ քաշի, մինչև 149 մմ լայնության և Snapdragon 6s 4G Gen 2 պրոցեսորի պահանջների համակցությունը տեխնիկապես իրագործելի է և առկա է արտադրական սերիական սարքերում։ Միաժամանակ, մրցույթի հրավերով սահմանված «կամ համարժեք» սկզբունքի համաձայն՝ մասնակիցների կողմից ներկայացվող ապրանքների համապատասխանությունը գնահատվելու է հրավերով սահմանված տեխնիկական պահանջների և արտադրողի պաշտոնական տեխնիկական փաստաթղթերի հիման վրա։ Հետևաբար, ներկայացված տեխնիկական բնութագրի փոփոխության անհրաժեշտություն՝ միայն այն հիմնավորմամբ, որ նման տեխնիկական պարամետրերով սարք շուկայում առկա չէ, առկա տվյալներով չի հաստատվում։ Միաժամանակ նշենք, որ POCO Pad C1-ի նշված տարբերակը ունի 6 ԳԲ օպերատիվ հիշողություն, իսկ REDMI Pad 2 9.7-ի նշված տարբերակը՝ 4 ԳԲ, ուստի դրանք կարող են դիտարկվել որպես համապատասխան տեխնիկական լուծումների կոնկրետ օրինակներ՝ հաշվի առնելով հրավերի «կամ համարժեք» դրույթը։ Уважаемый коллега, В ответ на Ваш запрос о разъяснении технических характеристик, установленных приглашением к процедуре закупки под кодом ՍԲԿ-ԷԱՃԱՊՁԲ 26/36, сообщаем следующее. Ваши замечания относительно предполагаемых технических несоответствий были до |
| ID | Lot number | Lot title | The initial auction price | Startdate |
| 470502 | 1 | համակարգչային պլանշետ | 1628200 AMD | 2026-10-06 10:30:00 |
