Ի պատասխան հարցմանը հայտնում ենք հետևյալը՝ Տեխնիկական բնութագիր կազմելու պարտադիր և թույլատրելի նորմերը չեն սահմանափակվում «Գնումների մասին» ՀՀ օրենքի 13-րդ հոդվածի 2-րդ մասի 1-ին և 2-րդ կետերով: Դրանք հստակ շարադրված են «Գնումների մասին» ՀՀ օրենքի 13-րդ հոդվածի 1-ին, 2-րդ, 3-րդ, 4-րդ և 5-րդ մասերով, ինչպես նաև ՀՀ կառավարության թիվ 526-Ն որոշմամբ հասատատված գնումների գործընթացի կազմակերպման կարգի 22-րդ կետով և կազմում են դրանց բոլորի ամբողջականությունը, մասնավորապես՝ «Գնումների մասին» ՀՀ Օրենքի 13-րդ հոդվածի համաձայն՝ 1. Գնման առարկայի բնութագրերը պետք է ամբողջությամբ և հստակ նկարագրեն ձեռք բերվող ապրանքի, աշխատանքի կամ ծառայության հատկանիշները, դրանց ձեռքբերման և վճարման պայմանները` բացառելով տարակերպ մեկնաբանությունը: Գնման առարկայի բնութագրերը, որոնք ներառում են նաև պայմանագրի գինը, ընդգրկվում են պայմանագրում: 2. Գնման առարկայի բնութագրերը` 1) պետք է մրցակցության հավասար պայմաններ ապահովեն հնարավոր մասնակիցների համար. 2) չպետք է հանգեցնեն գնումների գործընթացում մրցակցության համար չհիմնավորված խոչընդոտների առաջացմանը. 3) պետք է լինեն օբյեկտիվորեն հիմնավորված և համարժեք լինեն այն կարիքին, որի բավարարման նպատակով կատարվում է տվյալ գնումը. 4) ներառում են գնման առարկայի մասնագրի, տեխնիկական տվյալների, իսկ աշխատանքների դեպքում` նաև աշխատանքների ծավալաթերթի, ժամանակացույցի և այլ ոչ գնային պայմանների ամբողջական և համարժեք նկարագրությունը: 3. Ելնելով գնման առարկայի առանձնահատկությունից՝ դրանց հատկանիշները հնարավորինս ներառում են ձեռք բերվող ապրանքի, աշխատանքի կամ ծառայության որակին, ստանդարտին, անվտանգությանը, պայմանական նշաններին, տերմինաբանությանը, փաթեթավորմանը, բեռնաթափմանը, չափին, նախագծերին, ինչպես նաև գնման առարկայի այլ հատկանիշներին վերաբերող պայմանների հստակ նկարագրությունը` հիմնված միջազգային ստանդարտների և Հայաստանի Հանրապետությունում գործող նորմատիվատեխնիկական փաստաթղթերի, ստանդարտների, իսկ դրանց բացակայության դեպքում` ժամանակավոր տեխնիկական պայմանների վրա: 4. Գնման առարկայի հատկանիշները կարող են սահմանվել նաև որպես կատարողականի կամ գործառութային (ֆունկցիոնալ) նկարագրեր, որոնք պետք է ներկայացվեն բավարար ճշտությամբ` հնարավորություն տալով մասնակիցներին և պատվիրատուին ճշգրիտ ընկալել պայմանագրի առարկան: 5. Գնման առարկայի հատկանիշները չպետք է պահանջ կամ հղում պարունակեն որևէ առևտրային նշանի, ֆիրմային անվանմանը, արտոնագրին, էսքիզին կամ մոդելին, ծագման երկրին կամ կոնկրետ աղբյուրին կամ արտադրողին, բացառությամբ այն դեպքերի, երբ անհնար է գնման առարկայի բնութագրումն առանց դրանց: Հղումներ օգտագործելու դեպքում հատկանիշների բնութագիրը պետք է պարունակի «կամ համարժեք» բառերը: ՀՀ կառավարության թիվ 526-Ն որոշմամբ հասատատված գնումների գործընթացի կազմակերպման կարգի 22-րդ կետի համաձայն՝ 22. Գնման առարկայի բնութագրերը սահմանելիս պետք է հաշվի առնել, որ դրանց պետք է բավարարեն մեկից ավելի հնարավոր մասնակիցներ: Վերոնշյալ սահմանված պարտադիր և թույլատրելի նորմերի ամբողջականությունը և պահպանումը հենց ապահովում են հարցմամբ նշված Օրենքի 13-րդ հոդվածի 2-րդ մասը: Բացի այդ, «Գնումների մասին» ՀՀ Օրենքի 3-րդ հոդվածի 1-ին մասի 1-ին կետի համաձայն՝ 1. Սույն օրենքի նպատակն է ապահովել գնումների գործընթացում հատուցման դիմաց արժեք, այն է` 1) պատվիրատուին վերապահված լիազորությունների կատարման համար անհրաժեշտ` կարիքին համապատասխան ապրանքների, աշխատանքների և ծառայությունների ձեռքբերում` համարժեք հատուցմամբ. Նույն Օրենքի 3-րդ հոդվածի 2-րդ մասի 3-րդ կետի համաձայն՝ Գնումների գործընթացը հիմնվում է հետևյալ սկզբունքների վրա. 3) ցանկացած անձի համար, անկախ նրա օտարերկրյա ֆիզիկական անձ, կազմակերպություն կամ քաղաքացիություն չունեցող անձ լինելու հանգամանքից, գնման գործընթացին մասնակցելու իրավահավասարություն: Նույն Օրենքի 7-րդ հոդվածի 1-ին մասի համաձայն՝ 1. Ցանկացած անձ, անկախ նրա օտարերկրյա ֆիզիկական անձ, կազմակերպություն կամ քաղաքացիություն չունեցող անձ լինելու հանգամանքից, ունի գնման գործընթացին մասնակցելու հավասար իրավունք: Հաշվի առնելով վերոգրյալը, հայտնում ենք, որ. 1. «ԷԱՃԱՊՁԲ-2025/16-9-ԵՊԲՀ» ծածկագրով գնման ընթացակարգի հրավերի 2-րդ չափաբաժնով սահմանված տեխնիկական բնութագիրը կազմված է պահպանելով գնումների մասին ՀՀ օրենսդրության պարտադիր և թույլատրելի նորմերը: 2. Պատվիրատուն ինքնուրույն է որոշում և համապատասխանաբար կազմում իր կարիքների համար անհրաժեշտ գնման առարկայի տեխնիկական բնութագիրը՝ պահպանելով գնումների մասին ՀՀ օրենսդրության պարտադիր և թույլատրելի պահանջները: 3. Ընթացակարգի 2-րդ չափաբաժնով սահմանված ապրանքատեսակի տեխնիկական բնութագիրը կազմված է ելնելով պատվիրատուի իրական կարիքներից, պահպանելով գնումների մասին ՀՀ օրենսդրության վերոնշյալ պահանջները և չեն պարունակում որևէ հղում: 4. Թեև Ձեր կողմից հարցմամբ չի ներկայացվել թե գնումների օրենսդրության ո՞ր կետն է պարտադրում սահմանել միջակայքեր և տիրույթներ, այնուամենայնիվ հայտնում ենք, որ բնութագրի չափորոշիչների համար կամ սահմանված են միջակայքեր, կամ նշված է «ավել քան», «պակաս քան» արտահայտությունները, օրինակ․ Ավելի քան 600 բար կամ 8702 psi – ավելի քան 5 մլ/րոպե Ավելի քան 200 բար կամ 2901 psi- ավելի քան 10 մլ/րոպե Ուստի խնդրում ենք ուշադիր ուսումնասիրել հրավերը 5. Դետեկտորի համար առաջարկված հոսքային բջիջները նշանակում են այն, որ սարքը պետք է ունենա բոլոր տարբերակներով աշխատելու հնարավորություն՝ կախված կատարվելիք հետազոտություններից։ 6. Ձեր կողմից հարցմամբ չի ներկայացվել, թե գնման ընթացակարգի հրավերի 2-րդ չափաբաժնով սահմանված տեխնիկական բնութագրի մասնավորապես որ չափորոշիչը, կամ չափորոշիչներն են սահմանափակում մրցակցությունը, և բացի գրավոր հայտարարությունից չեն ներկայացվել սահմանված տեխնիկական բնութագրով ապրանքի միայն մեկ արտադրողին համապատասխանության որևէ հիմնավորում: Բացի այդ, գործող գնումների մասին ՀՀ օրենսդրությամբ չեն սահմանվում ապրանքի տեխնիկական բնութագրին մեկ արտադրողի համապատասխանության որևէ սահմանափակումներ: Հարցմամբ կցված արտատպված բնութագիրը որոշակիորեն հիմնավորում է վերջինիս և հրավերով սահմանված բնութագրերի համապատասխանությունը, սակայն չի հիմնավորում դրա միակ լինելը, սակայն եթե հարցման համապատասխան մասը վերաբերելի է կարգի 22-րդ կետի պահպանմանը, ապա նշենք, որ նշված կետի համաձայն բնութագրերը սահմանելիս պետք է հաշվի առնել, որ դրանց պետք է բավարարեն մեկից ավելի հնարավոր մասնակիցներ, այլ ոչ թե արտադրողներ: 7. Որևէ ապրանքի կամ ապրանքների արտադրողի կամ արտադրողների կողմից ՀՀ տարածքում մեկ կամ մի քանի ներկայացուցիչ ունենալը գնումների մասին ՀՀ օրենսդրությամբ չի սահմանափակում այդ արտադրողի կամ արտադրողների կամ վերջիններիս ներկայացուցիչների մասնակցությունը գնման ընթացակարգերին: 8. Միաժամանակ հայտնում ենք, որ հրավերի տեխնիկական բնութագիր հավելվածում բոլոր ապրանքատեսակների մասով սահմանված է հետևյալ պայմանը՝ *Եթե առկա են հղումներ որևէ առևտրային նշանի, ֆիրմային անվանմանը, արտոնագրին, էսքիզին կամ մոդելին, ծագման երկրին կամ կոնկրետ աղբյուրին կամ արտադրողին կիրառական է «կամ համարժեք» արտահայտությունը: Վերոնշյալով պայմանավորված հայտնում ենք, որ եթե հարցումը կատարված է մասնակցության նպատակով և հնարավոր մասնակիցը գտնում է, որ կոնկրետ իր մասնակցությունը սահմանափակվում է ընթացակարգի հրավերի ցանկացած, այդ թվում նաև 2-րդ չափաբաժնով սահմանված տեխնիկական բնութագրի այն հատկանիշներով, որոնք իր համոզմամբ և հետագայում հստակ հիմնավորմամբ պարունակում են հղում կամ հղումներ առևտրային նշանին, ֆիրմային անվանմանը, արտոնագրին, էսքիզին կամ մոդելին, ծագման երկրին կամ կոնկրետ աղբյուրին կամ արտադրողին, ապա այդ հատկանիշների մասով կիրառական է «կամ համարժեք» արտահայտությունը, պայմանով, որ որպես համարժեք առաջարկվող հատկանիշները պետք է համարժեք լինեն պատվիրատուի այն կարիքին, որի բավարարման նպատակով իրականացվում է տվյալ գնման գործընթացը: Հրավերով սահմանված է նաև, որ ապրանքների գնման դեպքում ընթացակարգի գնահատող հանձնաժողովը գնահատում է նաև ներկայացված ապրանքի ամբողջական նկարագրերի համապատասխանությունը հրավերի պահանջներին:

В ответ на запрос сообщаем следующее: Обязательные и допустимые нормы составления технической характеристики не ограничиваются пунктами 1 и 2 статьи 13 части 2 Закона РА "О закупках" которые четко определены частями 1, 2, 3, 4 и 5 статьи 13 Зак