Հարց 1 1. Հարթակի փոխանցումը կատարողի փոփոխության դեպքում Արդյո՞ք պատվիրատուի տնօրինության տակ են գտնվում և նոր կատարողին կտրամադրվեն TravelInsights հարթակի սկզբնաղբյուրային կոդը, տեխնիկական փաստաթղթերը, տվյալների բազայի սխեման և նկարագրությունը, ինչպես նաև սերվերների, սկզբնաղբյուրային կոդի ռեպոզիտորիաների, կառավարման վահանակների և օգտագործվող այլ տեղեկատվական ռեսուրսների հասանելիությունները։ Եթե փոխանցումը նախատեսված է, խնդրում ենք պարզաբանել փոխանցման կարգը, տրամադրվող նյութերի և հասանելիությունների կազմը, ինչպես նաև պայմանագիրն ուժի մեջ մտնելուց հետո դրանց տրամադրման ժամկետները։ Պատասխան 1 Պայմանագիրն ուժի մեջ մտնելուց հետո հնարավոր սեղմ ժամկետում Պատվիրատուն կկազմակերպի համապատասխան մասնագետների կողմից նոր կատարողին անհրաժեշտ նյութերի և հասանելիությունների կազմի փոխանցումը։ Հարց 2 Բջջային կապի օպերատորների տվյալները Տեխնիկական բնութագրով նախատեսված է Հայաստանի Հանրապետություն այցելած օտարերկրյա քաղաքացիների վերաբերյալ ապանձնավորված տվյալների մշակում, որոնք հավաքագրվում են ՀՀ-ում գործող բջջային կապի օպերատորների հետ համագործակցությամբ՝ համապատասխան տվյալները տրամադրելու վերաբերյալ նրանց համաձայնության առկայության պայմանով։ Խնդրում ենք պարզաբանել՝ * ներկայումս գործո՞ւմ են բջջային կապի օպերատորների հետ համապատասխան տվյալների տրամադրման վերաբերյալ համաձայնագրեր, * արդյո՞ք պատվիրատուն կապահովի նոր կատարողի համար այդ տվյալների հասանելիությունը, * թե՞ համաձայնագրերի կնքումը և անհրաժեշտ համաձայնությունների ստացումը ներառված են նոր կատարողի պարտականությունների մեջ։ Պատասխան 2 Բջջային կապի օպերատորների հետ համապատասխան տվյալների տրամադրման վերաբերյալ ներկայումս գործող համաձայնագրեր կամ համաձայնություններ առկա չեն։ Պատվիրատուն կհամագործակցի օպերատորների հետ հնարավոր տվյալների հասանելիության ապահովման ուղղությամբ և հնարավորինս կաջակցի կատարողի և բջջային օպերատորների միջև կապի հաստատմանը և հետագա գործընթացների ապահովմանը՝ վերջիններիս կողմից համաձայնությունները ստանալուց հետո։ Հարց 3 ETL գործընթացների և API-ների մշակում ETL գործընթացների և API-ների մշակման պահանջը ենթադրո՞ւմ է գործող հարթակի արդեն առկա գործընթացների և ինտերֆեյսների սպասարկում, վերականգնում և կատարելագործում, թե՞ նոր լուծումների ստեղծում։ Եթե պահանջվում է նոր ETL գործընթացների կամ API-ների ստեղծում, խնդրում ենք նշել տվյալների ենթադրվող աղբյուրները, անհրաժեշտ ինտեգրումների ծավալը, տվյալների ձևաչափերը և աշխատանքների ակնկալվող արդյունքը։ Պատասխան 3 ETL գործընթացների և API-ների մշակում ETL գործընթացների և API-ների մշակման պահանջը չի ենթադրում նոր լուծումների ստեղծում, այլ գործող հարթակի արդեն առկա գործընթացների և ինտերֆեյսների սպասարկում, վերականգնում և, հնարավորության դեպքում, կատարելագործում։ Հարց 4 Արհեստական բանականության գործիքների կատարելագործում Ի՞նչ կոնկրետ ցուցանիշներով, ընդունման չափանիշներով կամ այլ չափելի արդյունքներով է գնահատվելու հարթակի տարեկան տեխնիկական սպասարկման՝ արհեստական բանականության գործիքների շարունակական կատարելագործմամբ իրականացման պահանջի պատշաճ կատարումը։ Արդյո՞ք տվյալ պահանջի կատարման վերաբերյալ նախատեսված են հաշվետվությունների ներկայացման պարբերականություն, բովանդակություն և ձևաչափ։ Պատասխան 4 Հաշվի առնելով, որ հարթակը ներկայումս ակտիվ չէ, կատարված աշխատանքների գնահատման ելակետ է հանդիսանալու հարթակի՝ գործարկման պահին առկա վիճակը, իսկ գնահատումն իրականացվելու է պայմանագրի կատարման ընթացքում իրականացվող փոփոխությունների ու բարելավումների վերաբերյալ աշխատանքային կարգով ներկայացված հաշվետվությունների հիման վրա՝ տրամադրելով (ըստ ընթացիկ կատարվող աշխատանքների և գրանցվող արդյունքների)․ իրականացված փոփոխությունների և կատարելագործումների նկարագրությունը, հարթակի գործարկման պահից ի վեր կատարված աշխատանքների արդյունքում բարելավումների/փոփոխությունների վիզուալներ (ըստ հնարավորության) կատարված թեստավորումներ և արդյունքներ Ներկայացված հաշվետվությունները թույլ կտան նաև գնահատել արհեստական բանականության գործիքների շարունակական կատարելագործման պահանջի կատարումը, այդ թվում՝ իրականացված ֆունկցիոնալ բարելավումները, դրանց գործնական կիրառելիությունը, հարթակի աշխատանքի արդյունավետությունը։

Вопрос 1 1. В случае смены поставщика платформы, будут ли исходный код, техническая документация, схема базы данных и описание платформы TravelInsights находиться под контролем заказчика, и будет ли новому поставщику предоставлен доступ к серверам, храни