Հարգելի հնարավոր մասնակից, ի պատասխան Ձեր հարցմանը հայտնում ենք հետևյալը՝ «Գնումների մասին» ՀՀ Օրենքի 3-րդ հոդվածի 1-ին մասի 1-ին կետի համաձայն՝ 1. Սույն օրենքի նպատակն է ապահովել գնումների գործընթացում հատուցման դիմաց արժեք, այն է` 1) պատվիրատուին վերապահված լիազորությունների կատարման համար անհրաժեշտ` կարիքին համապատասխան ապրանքների, աշխատանքների և ծառայությունների ձեռքբերում` համարժեք հատուցմամբ. Նույն Օրենքի 3-րդ հոդվածի 2-րդ մասի 3-րդ կետի համաձայն՝ Գնումների գործընթացը հիմնվում է հետևյալ սկզբունքների վրա. 3) ցանկացած անձի համար, անկախ նրա օտարերկրյա ֆիզիկական անձ, կազմակերպություն կամ քաղաքացիություն չունեցող անձ լինելու հանգամանքից, գնման գործընթացին մասնակցելու իրավահավասարություն: Նույն Օրենքի 7-րդ հոդվածի 1-ին մասի համաձայն՝ 1. Ցանկացած անձ, անկախ նրա օտարերկրյա ֆիզիկական անձ, կազմակերպություն կամ քաղաքացիություն չունեցող անձ լինելու հանգամանքից, ունի գնման գործընթացին մասնակցելու հավասար իրավունք: Նույն Օրենքի 13-րդ հոդվածի 1-1, 3-րդ, 4-րդ և 5-րդ մասերի համաձայն՝ Գնման առարկայի բնութագրերը 1. պետք է ամբողջությամբ և հստակ նկարագրեն ձեռք բերվող ապրանքի, աշխատանքի կամ ծառայության հատկանիշները, դրանց ձեռքբերման և վճարման պայմանները` բացառելով տարակերպ մեկնաբանությունը: Գնման առարկայի բնութագրերը, որոնք ներառում են նաև պայմանագրի գինը, ընդգրկվում են պայմանագրում: 4) ներառում են գնման առարկայի մասնագրի, տեխնիկական տվյալների, իսկ աշխատանքների դեպքում` նաև աշխատանքների ծավալաթերթի, ժամանակացույցի և այլ ոչ գնային պայմանների ամբողջական և համարժեք նկարագրությունը: 3. Ելնելով գնման առարկայի առանձնահատկությունից՝ դրանց հատկանիշները հնարավորինս ներառում են ձեռք բերվող ապրանքի, աշխատանքի կամ ծառայության որակին, ստանդարտին, անվտանգությանը, պայմանական նշաններին, տերմինաբանությանը, փաթեթավորմանը, բեռնաթափմանը, չափին, նախագծերին, ինչպես նաև գնման առարկայի այլ հատկանիշներին վերաբերող պայմանների հստակ նկարագրությունը` հիմնված միջազգային ստանդարտների և Հայաստանի Հանրապետությունում գործող նորմատիվատեխնիկական փաստաթղթերի, ստանդարտների, իսկ դրանց բացակայության դեպքում` ժամանակավոր տեխնիկական պայմանների վրա: 5. Գնման առարկայի հատկանիշները չպետք է պահանջ կամ հղում պարունակեն որևէ առևտրային նշանի, ֆիրմային անվանմանը, արտոնագրին, էսքիզին կամ մոդելին, ծագման երկրին կամ կոնկրետ աղբյուրին կամ արտադրողին, բացառությամբ այն դեպքերի, երբ անհնար է գնման առարկայի բնութագրումն առանց դրանց: Հղումներ օգտագործելու դեպքում հատկանիշների բնութագիրը պետք է պարունակի «կամ համարժեք» բառերը: ՀՀ կառավարության թիվ 526-Ն որոշմամաբ հասատատված գնումների գործընթացի կազմակերպման կարգի 22-րդ կետի համաձայն՝ 22. գնման առարկայի բնութագրերը սահմանելիս պետք է հաշվի առնել, որ դրանց պետք է բավարարեն մեկից ավելի հնարավոր մասնակիցներ՝ բացառությամբ սույն կարգի 23-րդ կետի 4-րդ ենթակետով նախատեսված հիմքով և նույն կարգի 21-րդ կետի 1-ին ենթակետի «դ» պարբերությամբ նախատեսված՝ պատվիրատուի ղեկավարի հետ համաձայնեցված դեպքերում կատարվող գնումների: Հաշվի առնելով վերոգրյալը, գտնում ենք, որ 1. Պատվիրատուն ինքնուրույն է որոշում և համապատասխանաբար կազմում իր կարիքների համար անհրաժեշտ գնման առարկայի տեխնիկական բնութագիրը՝ պահպանելով գնումների օրենսդրության պահանջները: 2. Ընթացակարգի 68-րդ չափաբաժնով սահմանված՝ ապրանքատեսակի տեխնիկական բնութագիրը կազմված է ելնելով պատվիրատուի իրական կարիքներից, պահպանելով գնումների օրենսդրության վերոնշյալ պահանջները և չեն պարունակում որևէ հղում: 3. Ձեր կողմից հարցմամբ բացի գրավոր հայտարարությունից չի ներկայացվել գնման ընթացակարգի հրավերի 68-րդ չափաբաժնով սահմանված տեխնիկական բնութագրով ապրանքի միայն մեկ մատակարարին համապատասխանության որևէ հիմնավորում: 4. Միաժամանակ հայտնում ենք, որ հրավերի տեխնիկական բնութագիր հավելվածում բոլոր ապրանքատեսակների մասով սահմնաված է հետևյալ պայմանը՝ *Եթե որևէ չափաբաժնով սահմանված տեխնիկական բնութագրերում առկա են հղումներ որևէ առևտրային նշանին, ֆիրմային անվանմանը, արտոնագրին, էսքիզին, կամ մոդելին, ծագման երկրին կամ կոնկրետ աղբյուրին կամ արտադրողին կիրառական է «կամ համարժեք» արտահայտությունը: Վերոնշյալով պայմանավորված հայտնում ենք, որ եթե հարցումը կատարված է մասնակցության նպատակով և հնարավոր մասնակիցը գտնում է, որ իր մասնակցությունը սահմանափակվում է ընթացակարգի հրավերի ցանկացած, այդ թվում նաև 68-րդ չափաբաժնով սահմանված տեխնիկական բնութագրի այն հատկանիշներով, որոնք իր համոզմամբ և հետագայում հստակ հիմնավորմամբ պարունակում են հղում կամ հղումներ ֆիրմային անվանմանը, արտոնագրին, էսքիզին, կամ մոդելին, ծագման երկրին կամ կոնկրետ աղբյուրին կամ արտադրողին, ապա այդ հատկանիշների մասով կիրառական է «կամ համարժեք» արտահայտությունը, պայմանով, որ որպես համարժեք առաջարկվող հատկանիշները պետք է համարժեք լինեն պատվիրատուի այն կարիքին, որի բավարարման նպատակով իրականացվում է տվյալ գնման գործընթացը: 5. Հրավերով սահմանված է նաև, որ ապրանքների գնման դեպքում ընթացակարգի գնահատող հանձնաժողովը գնահատում է նաև ներկայացված ապրանքի ամբողջական նկարագրերի համապատասխանությունը հրավերի պահանջներին: Բացի այդ, 2023 թվականին համալսարանը հայտարարել է «ԷԱՃԱՊՁԲ-2023/16-13-ԵՊԲՀ» ծածկագրով մանրադիտակի գնման ընթացակարգ: Նշված մանրադիատակի տեխնիկական բնութագիրը լիարժեք համապատախսանում է «ԷԱՃԱՊՁԲ-2025/16-1-ԵՊԲՀ» ծածկագրով ընթացակարգի 68-րդ չափաբաժնով սահմանված մանրադիտակի տեխնիկական բնութագրին: Այդ մրցույթի շրաջանակներում հայտ են ներկայացրել թվով երկու մասնակից, որոնք առաջարկել էին երկու տարբեր արտադրողների մանրադիտակներ, որոնց տեխնիկական բնութագրերը ամբողջությամբ համապատասխանում էին հրավերով սահմանված բնութագրի պարամետրերին: Խնդրում ենք առաջնորդվել հրավերով սահամանված պարտադիր և թույլատրելի պայմաններով :

Уважаемый потенциальный участник, в ответ на ваш запрос сообщаем следующее: Согласно статье 3, части 1, пункту 1 Закона РА "О закупках": 1. Целью настоящего закона является предоставление стоимости для рассмотрения в процессе закупок, а именно