| Հարգելի պատվիրատու,
Խնդրում ենք վերանայել և համապատասխան փոփոխություններ կատարել տեխնիկական առաջադրանքում՝ հիմք ընդունելով ՀՀ «Գնումների մասին» օրենքի 13-րդ հոդվածի 2-րդ մասը, համաձայն որի՝
1) «պետք է մրցակցության հավասար պայմաններ ապահովեն հնարավոր մասնակիցների համար»,
2) «չպետք է հանգեցնեն գնումների գործընթացում մրցակցության համար չհիմնավորված խոչընդոտների առաջացմանը»։
Տեխնիկական առաջադրանքի ուսումնասիրության արդյունքում պարզ է դառնում, որ դրանում ներառված մի շարք տեխնիկական պահանջներ նկարագրում են ոչ թե պահանջվող ֆունկցիոնալ հնարավորությունները կամ սարքավորման կատարողական ցուցանիշները, այլ կոնկրետ տեխնիկական և կառուցվածքային լուծումներ, որոնք բնորոշ են Horiba FluoroMax շարքի սարքավորումներին։ Միաժամանակ այլ արտադրողների կողմից նույն գիտական և չափագիտական հնարավորությունները կարող են իրականացվել այլ տեխնիկական և կառուցվածքային լուծումների միջոցով։
Նման պահանջների համակցությունը փաստացի սահմանափակում է հավասար մրցակցությունը և ստեղծում է չհիմնավորված խոչընդոտներ այլ արտադրողների մասնակցության համար, ինչը հակասում է ՀՀ «Գնումների մասին» օրենքի 13-րդ հոդվածի 2-րդ մասի պահանջներին։
Մասնավորապես՝
10 Վտ հզորությամբ իմպուլսային քսենոնային լամպի պարտադիր պահանջը համընկնում է Horiba FluoroMax շարքի տեխնիկական լուծման հետ։ Տեխնիկական առաջադրանքը սահմանում է հենց տվյալ տեխնիկական իրականացումը, մինչդեռ այլ արտադրողների կողմից նույն չափագիտական հնարավորությունը կարող է իրականացվել այլ տեխնիկական լուծումներով։
Czerny-Turner տիպի մոնոքրոմատորի մինչև 180 մմ ֆոկուսային հեռավորության պարտադիր պահանջը բնորոշ է Horiba FluoroMax շարքի օպտիկական կառուցվածքին։ Այլ արտադրողների կողմից կիրառվում են տարբեր օպտիկական նախագծեր և այլ ֆոկուսային հեռավորություններ՝ պահպանելով նույն սարքի նշանակությունն ու հնարավորությունները։
Լույսի աղբյուրների փոխարկումը պտտվող հայելու (Rotating Mirror) միջոցով իրականացնելու պահանջը հանդիսանում է Horiba FluoroMax սարքավորման օպտիկական կառուցվածքի առանձնահատկություններից մեկը։ Այլ արտադրողների մոտ նույն գործառույթն իրականացվում է այլ տեխնիկական մեխանիզմներով։
Պիկովայրկյանային դետեկտորի տեղադրումը երկրորդ դետեկտորի համար նախատեսված դիրքում (Second detector position) կրկնում է Horiba FluoroMax շարքի ներքին կառուցվածքը։ Այլ արտադրողների մոտ դետեկտորների դասավորությունն ու ինտեգրման սկզբունքը տարբերվում են։
5×5 սմ և 25 մմ չափերի ֆիլտրերի պարտադիր կիրառման պահանջը համընկնում է Horiba FluoroMax շարքի աքսեսուարային համակարգի հետ։ Այլ արտադրողների մոտ կիրառվում են այլ չափերի և կառուցվածքի ֆիլտրային համակարգեր։
Long-pass ֆիլտրերի կոնկրետ ալիքային երկարությունների ամբողջական շարքի պարտադիր պահանջը (295, 345, 370, 399, 450, 500, 515, 550, 590 և 665 նմ) համապատասխանում է Horiba FluoroMax շարքի ստանդարտ ֆիլտրերի հավաքակազմին։ Այլ արտադրողների մոտ ֆիլտրերի կազմը և ալիքային երկարությունների ընտրությունը տարբեր են։
20° և 30° անկյուններով պինդ նմուշների համար ներդիրների պարտադիր պահանջը համընկնում է Horiba FluoroMax սարքավորման ստանդարտ աքսեսուարների կազմի հետ։ Այլ արտադրողների կողմից կիրառվում են այլ կառուցվածքային լուծումներ և տարբեր աքսեսուարային համակարգեր։
Integrating Sphere-ի կառուցվածքի մանրամասն նկարագրությունը, ներառյալ տրամագիծը, բացվածքների, խցանների, լազերային մուտքի և այլ մեխանիկական պարամետրերի սահմանումը, բնորոշ է Horiba FluoroMax շարքի ինտեգրացնող գնդի կառուցվածքին։ Այլ արտադրողների կողմից կիրառվում են այլ կոնստրուկտիվ լուծումներ։
Քվարցե կյուվետների արտադրության Fully Fused Technology և HTR Technology տեխնոլոգիաների պարտադիր պահանջը վերաբերում է Horiba-ի կողմից կիրառվող արտադրական լուծումներին։ Այլ արտադրողները կիրառում են այլ արտադրական տեխնոլոգիաներ և անվանումներ։
Հաշվի առնելով վերոգրյալը՝ գտնում ենք, որ տեխնիկական առաջադրանքը չի ապահովում հավասար մրցակցային պայմաններ բոլոր հնարավոր մասնակիցների համար և պարունակում է մրցակցությունը սահմանափակող պահանջներ, ինչը հակասում է ՀՀ «Գնումների մասին» օրենքի 13-րդ հոդվածի 2-րդ մասի 1-ին և 2-րդ կետերին։
Վերոգրյալի հիման վրա խնդրում ենք վերանայել տեխնիկական առաջադրանքը, բացառել այն պահանջները, որոնք նկարագրում են կոնկրետ արտադրողի տեխնիկական և կառուցվածքային լուծումները, և դրանք փոխարինել ֆունկցիոնալ ու կատարողական բնութագրերով՝ ապահովելով հավասար մրցակցային պայմաններ բոլոր այն մասնակիցների համար, որոնք առաջարկում են տեխնիկապես համարժեք սարքավորումներ։ | 2026-07-23 16:51:48 | Հարգելի գործընկեր,
հայտնում եմ Ձեզ, որ սարքը գնվում է որոշակի գիտական խնդիրների լուծման նպատակով և ակնկալվող սարքի տեխնիկական բնութագրերը (պահանջները) գրված են հետագա գիտական հետազոտությունների առանձնահատկություններից ելնելով: Մասնավորապես,
1) Իմպուլսային քսենոնային լամպի ոչ պակաս, քան 10 Վտ հզորությամբ լամպի առկայությունը պարտադիր պահանջ է, քանի որ նախատեսված ֆոսֆորեսցենցիայի կյանքի տևողության (Phosphorescence Lifetime) որոշման ուսումնասիրություններում կիրառվող լումինոֆոր նյութերի կոնցենտրացիաները կապված լուծելիության հետ լինելու են փոքր: Նոսր կոնցենտրացիայով լուծույթների, ինչպես նաև թույլ ֆոսֆորեսցենտային հատկություններով օժտված լումինոֆորների “Phosphorescence Lifetime” ուսումնասիրություններում պարտադիր պետք է օգտագործվի ոչ պակաս, քան 10 Վտ հզորությամբ իմպուլսային քսենոնային լամպ՝ չափումների բարձր ճշգրտություն և արդյունավետություն ապահովելու համար: Այլ սարքեր, որոնք համալրված են ավելի թույլ հզորությամբ իմպուլսային քսենոնային լամպով, չեն կարող լուծել գիտական այն խնդիրները, որոնց համար գնվում է սարքը:
2) Հարթ ցանցերով Չերնի-Թրների մոնոքրոմատորի ոչ ավելի, քան 180 մմ ֆոկուսային հեռավորությունից կախված են սարքի ընդհանուր չափերը՝ ինչքան մեծ է ֆոկուսային հեռավորությունը, այնքան մեծ են սարքի ընդհանուր չափերը (լայնություն x խորություն x բարձրություն): Իհարկե կարելի է պնդել, որ ավելի մեծ ֆոկուսային հեռավորությունը նվազեցնում է ցրված լույսի մակարդակը և բարելավում սարքի օպտիկական բնութագրերը, ինչի արդյունքում ապահովվում են ավելի բարձր զգայունություն և չափումների ճշգրտություն։ Սակայն նույն արդյունքին կարելի հասնել նաև ավելի փոքր ֆոկուսային հեռավորությունների դեպքում՝ կիրառելով թանկարժեք օպտիկական ապակիներ և ֆիլտրեր: Բարձր կարգի սարքերում հենց այդպես էլ արվում է. արդյունքում սարքը ունենում է ավելի կոմպակտ չափեր: Բացի նշվածից, սպեկտրոֆլուորոմետրիայում թույլ ինտենսիվությամբ առաքվող ճառագայթների դեպքում մոնոքրոմատորի կարճ ֆոկուսային հեռավորությունը առավելություն է, այլ ոչ թե թերություն. նոսր կոնցենտրացիայով լուծույթների, ինչպես նաև թույլ ֆլուորեսցենտային հատկություններով օժտված լումինոֆորների ուսումնասիրություններում, երբ ավելի կարևոր է “շատ ֆոտոններ որսալը”, անհրաժեշտ է օգտագործել կարճ ֆոկուսային հեռավորությամբ մոնոքրոմատոր։
3) Սարքը պետք է պարտադիր ունենա երկու դետեկտոր՝ ֆոտոբազմապատկչային (PMD, ալիքի երկարության տիրույթը` ոչ նեղ, քան 185-980 նմ, սառեցումը օդով) և պիկովայրկյանային ֆոտոնային (PPD, ալիքի երկարության տիրույթը` ոչ նեղ, քան 230-920 նմ, սառեցումը ներկառուցված Պելտյեի հանգույցով): Պիկովայրկյանային դետեկտորը անպայման պետք է տեղադրվի սարքի մեջ՝ հատուկ երկրորդ դետեկտորի համար նախատեսված տեղում: Դետեկտորները տեղադրվում են սարքի մեջ, կարգավորվում և անցնում ստուգաչափում արտադրողի գործարանում: Բարձր զգայունության և ճշգրտության չափումների իրականացման համար դա անհրաժեշտ պայման է: Սարքի հետագա շահագործման ընթացքում դետեկտորները չեն հանվելու սարքի ներսից, հետագայում որևէ մեխանիկական գործողություններ դրանց հետ չպետք է կատարվի:
4) “Integrating sphere” հանգույցի տրամագիծը նշված է ոչ պակաս, քան 121 մմ: Կարող է լինել ավելի մեծ տրամագծի, սակայն, նախատեսված գիտական հետազոտությունների առանձնահատկություններից ելնելով` նրա ներքին պատերը պարտադիր պետք է պատրաստված լինեն շատ իներտ նյութից՝ PTFE-ից կամ Spectralon-ից, ունենա հեղուկ և պինդ (փոշիների) նմուշների համար նախատեսված առանձին խցիկներ և փոշիների համար նախատեսված առանձին տեֆլոնե աման՝ քվարցե ծածկապակիով: Դա շատ կարևոր է, քանի որ փոշիների ֆոտոլումինեսցենցիայի բացարձակ քվանտային ելքի (PLQY) չափման ժամանակ փոշու հատիկները կարող են նստել հանգույցի ներքին պատերին և հետագայում բերել չափման սխալ արդյունքների: Այդ նույն պատճառով անհրաժեշտ է, որ “Integrating sphere” հանգույցը ունենա հեղուկ և պինդ (փոշիների) նմուշների համար նախատեսված առանձին խցիկներ: Գունդը պետք է ունենա նաև հնարավորություն ուղղակիորեն տեղադրել լազերներ՝ ապկոնվերսիոն (upconversion) PLQY կամ լազերային գրգռմամբ PLQY չափումների համար:
5) Սարքի ծրագրով օզոնազուրկ քսենոնային աղեղային և իմպուլսային քսենոնային լամպերի միջև ընտրության հնարավորությունը տեխնիկական պարտադիր պայման է, որը բացառում է օպերատորի կողմից որևէ մեխանիկական գործողության իրականացում: Թե դա կիրականացվի ավտոմատացված եղանակով՝ կառավարվող պտտվող հայելու միջոցով, թե այլ եղանակով, էական նշանակություն չունի: Պարզապես դա պետք է իրականացվի միայն ծրագրի միջոցով՝ ավտոմատացված եղանակով:
6) “Longpass” ֆիլտրերի ընտրությունը պայմանավորված է ձեռք բերվող լազերների ալիքի երկարություններից, ինչպես նաև նախատեսված գիտական հետազոտությունների բնույթից: Ինչ վերաբերում է դրանց չափերին, դրանք էական նշանակություն չունեն, միայն թե համընկնեն տվյալ սարքի բռնիչի/բռնիչների չափերի հետ:
7) Պինդ նմուշների (թաղանթների) Պելտյեի ջերմաստիճանային կարգավորմամբ ուսումնասիրություների համար նախատեսված 20° և 30° անկյուններով բռնիչների /ներդիրների առկայությունը պարտադիր է և պայմանավորված է նախատեսված գիտական հետազոտությունների առանձնահատկություններով:
8) Քվարցե ֆլուորեսցենտային կյուվետների “Fully Fused Technology” և “HTR” պատրաստման տեխնոլոգիաները ոչ մի կապ չունեն ֆլուորեսցենտային սարքեր արտադրողների հետ: Ներկայումս գոյություն ունի քվարցե կյուվետների արտադրման երեք ձև՝ “Bonded (Glued)” (սոսնձված), “Powder Fused” (փոշու ձուլում՝ այս դեպքում քվարցե փոշին չի հալվում մինչև վերջնական հեղուկ վիճակ, այլ միաձուլվում է) և “Fully Fused Technology” (կյուվետի պատրաստումը հալեցման եղանակով՝ առանց որևէ սոսնձի օգտագործմամբ): “HTR”-ը հապավում է (High Temperature Resistant) և ցույց է տալիս կյուվետի ջերմաստիճանային կայունությունը: Տվյալ դեպքում ջերմակայությունը պետք է լինի ոչ պակաս, քան 1200oC: Չանկացած կյուվետ արտադրող իր բարձր որակի ֆլուորեսցենտային կյուվետները պատրաստում է այդ տեխնոլոգիաների կիրառմամբ: Уважаемый коллега,
сообщаю вам, что прибор приобретается для решения определенных научных задач, а технические характеристики (требования) предполагаемого прибора составлены с учетом специфики дальнейших научных исследований. В частности,
1) Наличие импул |
Product full description