| Request | Logdate | Clarification |
| Հարգելի գործընկեր, հրավերոն նախատեսված է, որ բոլոր սարքավորումների համար պետք է տրամադրվի արտադրողի ավտորիզացիոն նամակ MAF, ինչը նախատեսված չէ գնումների մասին ՀՀ օրենսդրությամբ, և իր էությանբ հանդիսանում է հակամրցակցային կարգավորում, քանի որ տվյալ մրցույթին թույլ է տալիս մասնակցել միայն արտադրողի ներկայացուցիչ կազմակերպություններին կամ վերջինիս հետհակամրցակցային համաձայնության եկած կազմակերպություններին: Ելնելով վերոգրայլից, խնդրում եմ հանել նշված պահանջը: | 2023-04-12 13:48:02 | Հարգելի' գործընկեր, Արտադրողի ավտորիզացիոն նամակ` MAF տրամադրելու պահանջը խիստ կարևոր է նման կարևոր և մեծարժեք սարքավորումների ձեռք բերման դեպքում, քանի որ այն ոչ միայն հավաստում է ապրանքի ծագումն ու իսկությունը, այլ նաև հավաստում է արտադրողի կողմից սպասարկման պարտավորությունների ստանձնումը՝ միաժամանակ երաշխավորելով մատակարարման շղթայի թափանցիկությունը։ Մասնավորապես՝ առանց արտադրողի նամակի հնարավոր չէ հաստատել, որ սարքավորումներն արտադրված են տվյալ արտադրողի կողմից, բնօրինակ են (օրիգինալ), կեղծված չեն, գողացված չեն, նոր են և չօգտագործված։ Ավելին՝ այս կերպ հաստատվում է նաև, որ սարքավորումներն արտոնված են վաճառքի համար, ինչպես նաև որ դրանց մատակարարման գործընթացն ամբողջովին օրինական է և դրանց ձեռբերումն ու օգտագործումը հետագայում չեն հանգեցնի անկանխատեսելի խնդիրների։ Միաժամանակ, խնդրո առարկա գնման ընթացակարգի հրավերում սահմանված է նաև սարքավորումների համար արտադրողի երաշխիքի և հինգ տարվա արտադրողի տեխնիկական սպասարկման ապահովման պահանջ։ Առանց արտադրողի ավտորիզացիոն նամակի, որը հաստատում է, որ արտադրողը տեղյակ է տվյալ սարքավորման արտադրության մասին և արտոնել է դրա վաճառքը, հնարավոր չէ հավաստիանալ, որ հաղթող մատակարարի կողմից ապահովվել է արտադրողի երաշխիքի և 5 տարվա տեխնիկական սպասարկման պահաջը։ Սա ոչ միայն կհանգեցնի մրցույթի պահանջների խախտման, այլ նաև նշանակում է, որ գործնականում արտադրողը կարող է հրաժարվել սարքավորումների սպասարկումից, ինչը կհանգեցնի լուրջ խնդիրների։ Այսպիսով՝ արտադրողի ավտորիզացիոն նամակի պահանջը բխում է ձեռք բերվող սարքավորումների իսկությունը, որակը և հետագա սպասարկումն ապահովելու անհրաժեշտությունից։ Գնման ընթացակարգի հրավերից տվյալ պահանջը հանելը հղի է լրջագույն ռիսկերով՝ պետական բյուջեի միջոցների վատնումից մինչև գործնականում ՀՀ էլեկտրոնային առողջապահության միասնական տեղեկատվական համակարգի աշխատանքի խաթարումը։ Հաշվի առնելով վերոշարադրյալը՝ առանց արտադրողի ավտորիզացիոն նամակ ներկայացնելու պահանջի տվյալ գնումը չի կարող իրականացվել։ Уважаемый партнер, Требование о выдаче авторизационного письма производителя (MAF) очень важно при покупке такого важного и ценного оборудования, поскольку оно не только удостоверяет происхождение и подлинность продукта, но также подтверждает обязательств |
