| Request | Logdate | Clarification |
| Հաշվի առնելով այն հանգամանքը, որ ԵՔ-ԷԱՃԱՊՁԲ-19/83 ծածկագրով մրցույթում ներկայացված կոմունալ տեխնիկայի տեխնիկական մասնագրերը համապատասխանում են կոնկրետ Մցենսկի կոմունալ մեքենաշինության գործարանի և Արզամասի կոմունալ մեքենաշինության գործարանի արտադրանքին ՝ ցանկանում ենք տեղեկացնել, որ նշված մասնագրերով կոմունալ մեքենաները հավաքվում են երկու մեքենաների ապրանքանիշի շասսիների (ամրաշրջանակ) վրա՝ ՄԱԶ և ԿԱՄԱԶ: ԵՔ-ԷԱՃԱՊՁԲ-19/83 ծածկագրով մրցույթում շասսիների համար պահանջվող տեխնիկական մասնագրերը համապատասխանում են կոնկրետ ԿԱՄԱԶ ապրանքանիշին և հաշվի առնելով այն փաստը, որ մեր ընկերությունը Հայաստանում ներկայացնում է ՄԱԶ ապրանքանիշը ու հանդիսանում է ՄԱԶ ընկերության պաշտոնական ներկայացուցիչը ՀՀ-ում, ուստի և մենք ևս կցանականայինք ունենալ հնարավորություն մասնակցելու այս մրցույթին: Ելնելով վերոգրյալից խնդրում ենք Ձեզ տրամադրել պարզաբանումներ հետևյալ հարցերի վերաբերյալ. 1. Հաշվի առնելով, որ նշված տեխնիկայի նպատակային ձեռքբերման հիմնական ցուցանիշները պետք է լինեն կոմունալ սարքավորման ցուցանիշները, ուստի խնդրում ենք շասսիների մասով կատարել տեխնիկական մասնագրերի չնչին փոփոխություն, որպեսզի ՄԱԶ ապրանքանիշը ներկայացված լինի մրցույթին, որը ունի նշված կոմունալ սարքավորումներին ամբողջովին համապատասխանող մոդելներ, որոնք սակայն շասսիների տեխնիկական մասով ունեն չնչին շեղումներ՝ հասկանալի պատճառներով, քանի որ չի կարող երկու տարբեր շասսի արտադրող ընկերությունների արտադրանքը ունենալ նույնությամբ կրկնվող տեխնիկական մասնագրերով մոդելներ, սակայն կարող է ունենալ համարժեք մոդելներ: 2. Մասնագրերում փոփոխություններ չանելու դեպքում՝ արդյոք ստորև ներկայացված մոդելները, մրցույթին ներկայացնելու դեպքում, կդիտարկվեն համարժեք նշված մրցույթի պահանջներին, թե ոչ: Տեղյակ լինելով այն հանգամանքից, որ նշված տեխնիկական մասնագրերով կարող են լինել նաև ոչ ԱՊՀ երկրների արտադրության այլ մոդելներ՝ մասնավորապես Վոլվո, Իվեկո և Սկանիա, շեշտում ենք հատկապես ՄԱԶ և ԿԱՄԱԶ ապրանքանիշերի մրցակցության հանգամանքը, քանի որ նշված մասնագրերին համապատասխանող վերոնշյալ այլ բոլոր ապրանքանիշերի կոմունալ մեքենաները գտնվում են գնային շատ ավելի բարձր սեգմենտում և նշված մրցույթում ՄԱԶ ապրանքանիշի կոմունալ մեքենաները դուրս թողնելով մասնակցության հնարավորությունից՝ ԿԱՄԱԶ ապրանքանիշի կոմունալ մեքենաները նշված մրցույթում կլինեն մրցակցոթյունից դուրս, որը անթույլատրելի է պետական գնումների դեպքում: Չ/Բ 1. Առաջարկվող Տեխնիկական մասնագրեր Արտադրման տարեթիվը -2019 Անվային բանաձևը-4x2 Շարժիչի հզորությունը, ձ. Ուժ-230 Թափքի տարողունակությունը, մ3-16 Բարձման տեսակը-Հետևի Ամբողջական քաշը, կգ-20100 Աղբի խտացման գործակիցը, անգամ-Մինչև 7 Բեռնվող աղբի քաշը, կգ -8060 Ամրաշրջանակի մոնտաժային չափերը, մմ-4640 Աշխատանքային մասերի փոխանցումը -հիդրավլիկ Վառելիքի տեսակը--դիզելային Երաշխիքը ամիս/կմ վազք-24/75000 Մանիպուլյատորի երաշխիքը ամիս /ժամ -18/1000 Մանիպուլյատորի բեռնատարողությունը, կգ -700 Մեքենայի չափսերը Երկարություն x լայնություն x բարձրություն-8500/2550/3800 Չ/Բ 2. Առաջարկվող Տեխնիկական մասնագրեր Արտադրման տարեթիվը -2019 Անվային բանաձևը-6x4 Շարժիչի հզորությունը, ձ. Ուժ-270 Թափքի տարողունակությունը, մ3-22 Բարձման տեսակը-Հետևի Ամբողջական քաշը, կգ-26500 Աղբի խտացման գործակիցը, անգամ-Մինչև 8 Բեռնվող աղբի քաշը, կգ-11000 Ամրաշրջանակի մոնտաժային չափերը, մմ-5550 Աշխատանքային մասերի փոխանցումը-հիդրավլիկ Վառելիքի տեսակը-դիզելային Երաշխիքը ամիս/կմ վազք-24/75000 Մանիպուլյատորի երաշխիքը ամիս /ժամ-18/1000 Մանիպուլյատորի բեռնատարողությունը, կգ-700 Մեքենայի չափսերը Երկարություն x լայնություն x բարձրություն-9700/2550/3800 | 2019-02-08 18:42:57 | «ԵՔ-ԷԱՃԱՊՁԲ-19/83» ծածկագրով գնման ընթացակարգի գնման առարկաների տեխնիկական մասնագրերը կոնկրետ հղումներ չեն պարունակում որևէ առևտրային նշանի, ֆիրմային անվանմանը, արտոնագրին, մոդելին, ծագման երկրին կամ կոնկրետ աղբյուրին կամ արտադրողին և հնարավորություն է տալիս յուրաքանչյուր շահագրգիռ կազմակերպությանը մասնակցելու հայտարարված մրցույթին: 1-ին և 2-րդ չափաբաժինների վերաբերյալ առաջարկությունների մասով ընդունելի չեն մասնագրերում պահանջվող շարժիչների վերաբերյալ համապատասխանաբար 260-300 ձուժ և 280-300 ձ/ուժ հզորություններով շարժիչները ավելի ցածր՝ 1-ին չափաբաժնում 230ձուժ և 2-րդ չափաբաժնում 270 ձ/ուժ հզորությամբ փոխարինելու առաջարկները՝ ելնելով Երևանի ռելիեֆային և բնակլիմայական առանձնահատկություններից, որն առաջացնում է պահանջ ունենալ բարձր հզորության շարժիչով մեքենաներ, որոնք շահագործման երկարակեցության, ինչպես նաև վառելիքա-քսուկային նյութերի օգտագործման տեսանկյունից առավել արդյունավետ են նախատեսված աշխատանքներն իրականացնելու համար: Ընդունելի կլիներ, որ մասնակիցները իրենց առաջարկները ներկայացնեին այն տեխնիկական բնութագրերին համապատասխան, որոնք նշված են մասնագրերում՝ թեկուզև Ձեր 1-ին և 2-րդ չափաբաժինների վերաբերյալ մյուս առաջարկությունների վերաբերյալ սկզբունքորեն առարկություն չունենք: |
