| Request | Logdate | Clarification |
| Հարգելի պատվիրատու, խնդրում ենք պատասխանել: <<Մասնագիտական փորձառություն>> որակավորման չափանիշի մասով, եթե մասնակցում ենք մի քանի չափաբաժնի, գնահատումը կատարվում է մի քանի չափաբաժնի համար ամբողջական (չափաբաժինների գնային առաջարկների հանրագումարով), թե յուրաքանչյուր չափաբաժնի համար առանձին առանձին: | 2018-10-30 14:28:18 | Ի պատասխան Ձեր պարզաբանման հարցման հայտնում ենք, որ «Մասնագիտական փորձառություն» որակավորման չափանիշի մասով, եթե մասնակցում եք մի քանի չափաբաժնի, ապա գնահատումը կատարվում է յուրաքանչյուր չափաբաժնի համար առանձին առանձին: |
| Խնդրում եմ պարզաբանել ,արդյոք բանկային երաշխիք անհրաժեշտ է ներկայացնել ,եթե այո ,որ դեպքում: Կանխավ շնորհակալություն | 2018-10-31 15:46:22 | Ի պատասխան Ձեր պարզաբանման հարցման հայտնում ենք, որ տվյալ փուլում բանկային երաշխիքի ներկայացման անհրաժեշտություն չկա: Բանկային երաշխիքի ներկայացումն անհրաժեշտ կլինի, եթե կնքվելիք Համաձայնագրում չափաբաժիններից գոնե մեկի գումարը կգերազանցի 70 մլն. ՀՀ դրամը: |
| «ՀՀ ՊՆ ՆՏԱԴ-ԷԱՃԱՊՁԲ-7/8» ծածկագրով ընթացակարգի գնահատող հանձնաժողովին Հանձնաժողովի հարգելի անդամներ Հիմք ընդունելով «Գնումների մասին» ՀՀ օրենքի 29-րդ հոդվածի 1-ին մասի պահանջները՝ խնդրում եմ պարզաբանել, արդյոք 1-3-րդ չափաբաժինների մասով որպես նմանատիպ սահմանված «միս, մսամթերք և տարբեր տեսակի մսային պահածոներ» արտահայտությունը ենթադրում է, որ որպես նմանատիպ պետք է գնահատվեն նաև «ընտանի թռչունների մսի», «հավի մսից պատրաստված արտադրանքի», «բադերի», «ձկան», «ձկան մսի», «խոզի մսի» կամ դրանց պահածոների մատակարարման պայմանագրերը, քանի որ գնումների միասնական անվանացանկի (ԳՄԱ) «Միս» անվանման մեջ մտնում են վերը նշված, ինչպես նաև բազմաթիվ այլ մսի տեսակներ։ Բացի այդ, արդյոք խտրական մոտեցում և մասնակցության սահմանափակում չէ այն հանգամանքը, երբ «Հատիկավոր լոբու պահածոյի» (ԳՄԱ կոդ՝ 15331182) մատակարարման դեպքում «Սննդամերքի» (ԳՄԱ կոդ՝ 15000000) մատակարարման պայմանագիրը սահմանվում է որպես նմանատիպ, իսկ «Մսի պահածոյի» (ԳՄԱ կոդ՝ 15131631) դեպքում՝ ոչ, քանի որ պահածոյացման հիմնական տեխնոլոգիական հնարավորությունների առկայության դեպքում՝ պահածոյի հումքի ընտրությունը դժվարություն չի ստեղծում արտադրությունը կազմակերպելու համար։ Բացի այդ, կարծում ենք, որ 1-3-րդ չափաբաժինների մասով «Մասնագիտական փորձառություն» չափանիշը սահմանելիս չեն պահպանվել «Գնումների մասին» ՀՀ օրենքի 3-րդ հոդվածի 2-րդ մասով սահմանված սկզբունքների պահանջները, ինչը մրցակցության հավասար պայմաններ չի ապահովում հնարավոր մասնակիցների համար, հանգեցնում է գնումների գործընթացում մրցակցության համար չհիմնավորված խոչընդոտների առաջացմանը, մասնակիցների թվի սահմանափակմանը և գների թանկացմանը։ | 2018-11-05 19:30:27 | Հարցմանն ի պատասխան, հայտնում ենք, որ գնումների ոլորտը կանոնակարգող ՀՀ օրենսդրության համաձայն, նմանատիպ պայմանագրերի՝ հրավերով սահմանված պայմաններին համապատասխանությունը գնահատող հանձնաժողովների կողմից իրականացվում է ընթացակարգի շրջանակներում առաջին տեղ զբաղեցրած մասնակիցների ներկայացրած որակավորման փաստաթղթերի գնահատման փուլում, այսինքն՝ ըստ էության Ձեր կողմից հայցվում է, որպեսզի գնահատող հանձնաժողովն իրականացնի ընթացակարգի սույն փուլով չնախատեսված գնահատում: Առաջարկում ենք ընթացակարգի սույն փուլում նմանատիպ լինելու վերաբերյալ որոշումը կայացնել ինքնուրույն: Ընթացակարգի 1-ից 3-րդ չափաբաժինների մասով «Մասնագիտական փորձառություն» որակավորման չափանիշի սահմանման համար հիմք է հանդիսացել ՀՀ ԶՈՒ անձնակազմի ապահովման գործընթացում տվյալ գնման առարկայի առանձնահատկությունը՝ հնարավորինս բացառելով կնքվելիք պայմանագրի շրջանակներում մատակարար կազմակերպության կողմից ստանձնած պարտավորությունների չկատարման և ապահովման գործընթացի խափանման ռիսկը: Բացի այդ 1-ից 3-րդ չափաբաժիններով գնման ենթակա ապրանքատեսակն արտադրության տեսանկյունից էապես տարբերվում է 4-րդ չափաբաժնում ներառված ապրանքից և համեմատությունն ու միևնույն «Մասնագիտական փորձառություն» որակավորման չափանիշի սահմանումը համարվել է ոչ նպատակահարմար: Կարևորում ենք ընթացակարգի շրջանակներում մրցակցության բարձրացումը և հարկ ենք համարում նշել, որ գնահատող հանձնաժողովի կայացրած որոշումների հետ համաձայն չլինելու դեպքում հնարավորություն ունեք օգտվել գնումների ոլորտը կանոնակարգող ՀՀ օրենսդրությամբ նախատեսված Ձեր իրավունքից: |
