| Հարցում | Ժամանակ | Պարզաբանում |
| Հարգելի գործընկեր, 1. Մատակարարման ժամկետը սահմանված է 40 օր՝ ֆինանսական միջոց նախատեսող լրացուցիչ համաձայնագրի կնքման պահից, այն պարագայում, երբ սարքավորման արտադրման ժամկետը առնվազն 3 ամիս է, իսկ տեղափոխումումը կարող է իրականացվել առավելագույնը ցամաքային ճանապարհով։ Խնդրում եմ պարզաբանել, մատակարարման ժամկետի տևողությունը։ 2. Որտեղ են տեղադրվելու սարքավորումը և անխափան սնուցման աղբյուրը, քանի մետր է լինելու հեռավորությունը։ 3. Քանի որ սարքավորումը համարվելու է <<հանձնված>> տեղադրելուց և շահագործման հանձնելուց հետո, խնդրում եմ հստակեցնել, արդյոք շինարարական աշխատանքներ պահանջվելու են մինչև սարքի տեղադրումը, թե ոչ։ | 2026-10-21 19:27:51 | 1.Տեղեկացնում եմ, որ համաձայն ՀՀ կառավարության 526-Ն որոշմամբ հաստատված գնումների գործընթացի կազմակերպման կարգի 21-րդ կետի 1-ին ենթակետի ը) պարբերության ապրանքի մատակարարման ժամկետը չպետք է պակաս լինի 20 օրացուցային օրից: Ուստի մատակարարման ժամկետի մասով պահանջը չի հակասում գնումների մասին ՀՀ օրենսդրությանը: 2.Սարքավորումը և վերջինիս համար նախատեսված անխափան սնուցման աղբյուրը նախատեսված է տեղադրել բժշկական կենտրոնի 0 հարկում, և վերջիններիս միջև հեռավորությունը կազմում է շուրջ 30մ: 3.Շինարարական աշխատանքները նախատեսվում է վերջացնել մինչև սարքավորման տեղադրումը 1. Сообщаю, что в соответствии с абзацем «ը» подпункта 1 пункта 21 Порядка организации процесса закупок, утверждённого постановлением Правительства РА № 526-Н, срок поставки товара не может составлять менее 20 (двадцати) календарных дней. След |
| Մագնիսառեզոնանսային տոմոգրաֆիայի համակարգի մատակարարման ժամկետի վերաբերյալ Հարգելի՛ պատվիրատու, Ուսումնասիրելով մագնիսառեզոնանսային տոմոգրաֆիայի (ՄՌՏ) համակարգի ձեռքբերման մրցույթի պայմանները՝ ցանկանում ենք պարզաբանում ստանալ մատակարարման համար սահմանված 40 օրացուցային օրվա վերաբերյալ։ Հարկ ենք համարում նշել, որ նմանատիպ բարձր տեխնոլոգիական և բարդ բժշկական սարքավորումների մատակարարման համար 40-օրյա ժամկետի սահմանումը էականորեն սահմանափակում է հնարավոր մասնակիցների շրջանակը և ստեղծում մրցակցության անհամաչափ պայմաններ։ ՄՌՏ համակարգը ստանդարտ պահեստային ապրանք չէ։ Դրա մատակարարումը, որպես կանոն, ենթադրում է արտադրողի հետ համապատասխան կոնֆիգուրացիայի համաձայնեցում, արտադրության կամ պատվերի համալրման գործընթաց, միջազգային փոխադրում, մաքսային ձևակերպումներ և անհրաժեշտ տեխնիկական նախապատրաստական աշխատանքներ։ Ավելին, ներկայացված տեխնիկական բնութագրով պահանջվում է ոչ միայն ՄՌՏ համակարգի մատակարարում, այլև լրացուցիչ համալրում՝ ներառյալ ռադիոհաճախականային պաշտպանիչ խցիկ, անխափան սնուցման աղբյուր, հովացման համակարգ, տեղադրում և շահագործման հանձնում՝ արտադրողի կողմից հավաստագրված մասնագետների մասնակցությամբ։ Նման պայմաններում 40-օրյա մատակարարման ժամկետը գործնականում իրատեսական կարող է լինել հիմնականում այն կազմակերպությունների համար, որոնց սարքավորումն արդեն գտնվում է Հայաստանի Հանրապետությունում կամ նախապես պատվիրված է և գտնվում է տեղափոխման փուլում։ Սա փաստացի անհավասար պայմաններ է ստեղծում այն հնարավոր մասնակիցների համար, որոնք կարող են առաջարկել տեխնիկական պահանջներին լիովին համապատասխանող սարքավորումներ՝ միջազգային առաջատար արտադրողներից, սակայն պետք է դրանք պատվիրեն մրցույթի արդյունքներով պայմանագիր կնքելուց հետո։ Հարկ ենք համարում ընդգծել, որ «Գնումների մասին» ՀՀ օրենքի 3-րդ և 13-րդ հոդվածներով նախատեսվում են մրցակցության խրախուսման, հնարավոր մասնակիցների համար հավասար պայմանների ապահովման և մրցակցության համար չհիմնավորված խոչընդոտների բացառման սկզբունքները։ Հետևաբար խնդրում ենք պարզաբանել՝ Ի՞նչ օբյեկտիվ տեխնիկական կամ կազմակերպչական հիմնավորմամբ է ՄՌՏ համակարգի մատակարարման համար սահմանվել ընդամենը 40 օրացուցային օր։ Արդյո՞ք սահմանված ժամկետի իրատեսականությունը գնահատելիս հաշվի են առնվել տարբեր միջազգային արտադրողների սարքավորումների արտադրության, համալրման և Հայաստան տեղափոխման անհրաժեշտ ժամկետները։ Արդյո՞ք պատվիրատուն դիտարկել է այն հանգամանքը, որ նման կարճ ժամկետի պայմաններում մրցույթին մասնակցելու իրական հնարավորություն կարող են ունենալ հիմնականում նախապես պատվիրված կամ արդեն իսկ Հայաստանի Հանրապետությունում առկա սարքավորումներ առաջարկող կազմակերպությունները։ Հնարավո՞ր է վերանայել մատակարարման ժամկետը՝ սահմանելով առնվազն 150–180 օրացուցային օր՝ պայմանագրի կնքման օրվանից, ինչը հնարավորություն կտա ավելի լայն շրջանակի մատակարարների մասնակցելու մրցույթին։ Համոզված ենք, որ մատակարարման ժամկետի ողջամիտ երկարաձգումը կնպաստի իրական մրցակցության ապահովմանը, մասնակիցների շրջանակի ընդլայնմանը և, հետևաբար, պատվիրատուի համար առավել շահավետ գնային ու տեխնիկական առաջարկների ստացմանը։ Խնդրում ենք վերանայել նշված պահանջը և կատարել համապատասխան փոփոխություն մրցույթի հրավերում՝ ապահովելով հավասար մրցակցային պայմաններ բոլոր հնարավոր մասնակիցների համար։ Կանխավ շնորհակալություն պարզաբանման և համագործակցության համար։ | 2026-10-26 20:27:21 | Տեղեկացնում եմ, որ ՀՀ կառավարության թիվ 526-Ն որոշմամբ հաստատված՝ գնումների գործընթացի կազմակերպման կարգի 21-րդ կետի 1-ին ենթակետի «ը» պարբերության համաձայն՝ ապրանքի մատակարարման ժամկետը չի կարող պակաս լինել 20 (քսան) օրացուցային օրից։ Հետևաբար, մատակարարման ժամկետի վերաբերյալ սահմանված պահանջը չի հակասում ՀՀ գնումների մասին օրենսդրությանը։ Сообщаю, что в соответствии с абзацем «ը» подпункта 1 пункта 21 Порядка организации процесса закупок, утверждённого постановлением Правительства Республики Армения № 526-Н, срок поставки товара не может составлять менее 20 (двадцати) календарн |