| Հարցում | Ժամանակ | Պարզաբանում |
| Հարգելի՛ պատվիրատու Ձեր կողմից կազմակերպված գնման ընթացակարգի շրջանակում հրապարակված հրավերի ուսումնասիրության արդյունքում արձանագրվել են ՀՀ գնումների օրենսդրության պահանջների կոպիտ խախտումներ։Մասնավորապես, հրավերով սահմանված տեխնիկական բնութագրում որպես գնման առարկա անմիջապես նշվել են կոնկրետ ապրանքային նշաններ և արտադրողներ՝ «Գիպսային հիմքով ներքին հարդարման, 30կգ, Շեն, Կնաուֆ (Knauf), Ֆուգեն», առանց համապատասխան «կամ համարժեք» բառերի կամ հղումների ավելացման։ Իրավական հիմքերը և խախտման նկարագրությունը։ ՀՀ «Գնումների մասին» օրենքի 13-րդ հոդվածի 5-րդ մասի համաձայն՝Գնման առարկայի հատկանիշները չպետք է պահանջ կամ հղում պարունակեն որևէ առևտրային նշանի, ֆիրմային անվանմանը, արտոնագրին, էսքիզին կամ մոդելին, ծագման երկրին կամ կոնկրետ աղբյուրին կամ արտադրողին, բացառությամբ այն դեպքերի, երբ անհնար է գնման առարկայի բնութագրումն առանց դրանց: Հղումներ օգտագործելու դեպքում հատկանիշների բնութագիրը պետք է պարունակի «կամ համարժեք» բառերը: Բացի այդ, ՀՀ «Գնումների մասին» օրենքի 3-րդ հոդվածը սահմանում է գնումների հիմնական սկզբունքները, որոնցից են մրցակցության ապահովումը և խտրականության բացառումը։ Հուսով ենք հարցը կլուծվի առանց Գնումների բողոքարկման խորհրդին և իրավասու մարմիններին դիմելու անհրաժեշտության։ | 2026-09-14 13:16:08 | Հայտնում ենք, որ Պատվիրատուի կողմից կազմակերպված գնման ընթացակարգի հրավերի տեխնիկական բնութագիրը կազմված է ՀՀ գնումների օրենսդրության պահանջներին համապատասխան, և դրանում առկա ձևակերպումները որևէ կերպ չեն սահմանափակում հնարավոր մասնակիցների ազատ մրցակցությունը։ ՀՀ Կառավարության 2017թ. մայիսի 4-ի N 526-Ն որոշմամբ հաստատված կարգի 22-րդ կետի համաձայն՝ «Գնման առարկայի բնութագրերը և մասնակիցներին ներկայացվող որակավորման չափանիշները սահմանելիս պետք է հաշվի առնել, որ դրանց պետք է բավարարեն մեկից ավելի հնարավոր մասնակիցներ... Ապրանքների գնման դեպքում հղումներ օգտագործելիս ներկայացվում են որպես համարժեք առաջարկվող ապրանքների ֆիրմային անվանումը, մոդելը և արտադրողը:» Տվյալ դեպքում, տեխնիկական բնութագրում Պատվիրատուի կողմից ներառվել է միաժամանակ 3 տարբեր ֆիրմային անվանում և արտադրող («Շեն», «Կնաուֆ», «Ֆուգեն»), ինչով ամբողջովին պահպանվել և կատարվել է Կարգի 22-րդ կետի պահանջը։ Մի քանի ապրանքանիշների միաժամանակյա հիշատակումն իր հերթին բացառում է որևէ առանձին տնտեսվարողի համար արտոնյալ պայմանների ստեղծումը և երաշխավորում է լայն ու ազատ մրցակցություն շուկայի մասնակիցների միջև։ Հաշվի առնելով վերոգրյալը՝ հայտնում ենք, որ հրավերում փոփոխություններ կատարելու հիմքեր և անհրաժեշտություն առկա չեն, և ընթացակարգը շարունակվելու է սահմանված կարգով: Հայտնում ենք, որ Պատվիրատուի կողմից կազմակերպված գնման ընթացակարգի հրավերի տեխնիկական բնութագիրը կազմված է ՀՀ գնումների օրենսդրության պահանջներին համապատասխան, և դրանում առկա ձևակերպումները որևէ կերպ չեն սահմանափակում հնարավոր մասնակիցների ազատ մրցակցությ |