| Հարցում | Ժամանակ | Պարզաբանում |
| Հարգելի հանձնաժողով։ Քանի որ ընթացակարգի հրավերով ներկայացված տեխնիկական բնութագրերը իրենց հատկանիշներով մեծամասամբ համընկնում են Jonson & Jonson ընկերության կողմից արտադրվող «DePuy Syntes» ապրանքանիշի իմպլանտների և գործիքների հավաքածուներին, բնականաբար հնարավոր չէ առաջարկել որևէ այլ ընկերության արտադրանք, որն ամբողջությամբ կհամապատասխանի հրավերով նախատեսված տեխնիկական բնութագրերին, ուստի խնդրում ենք պարզաբանել՝ արդյոք համարժեք գնահատելու հնարավորությունը տարածվում է գնման առարկայի մեջ մտնող բոլոր բաղադրատարերի, նյութերի, պարամետրերի, չափսերի, որակական և այլ հատկանիշների վրա, եթե առաջարկվող ապրանքատեսակը ֆունկցիոնալ առումով հնարավորություն է տալիս հասնել այն արդյունքին, որին հնարավոր է հասնել հրավերով նախատեսված տեխնիկական բնութագրերը ունեցող ապրանքատեսակի կիրառման դեպքում։ Բանը նրանում է, որ այլ ընկերությունների կողմից նույնպես կարող են մատակարարվել հրավերի 3-6-րդ չափաբաժինների մասով առաջարկվող բոլոր ապրանքները, որոնց միջոցով հնարավոր է իրականացնել նախատեսված վիրահատությունները, սակայն խնդիրը նրանում է, որ յուրաքանչյուր ընկերության արտադրանք ունի իրեն բնորոշ որոշակի հատկանիշներ, որոնք չի կարող ունենալ այլ ընկերության արտադրանք, սակայն այդ ապրանքները նախատեսված են միևնույն արդյունքին հասնելու համար, տվյալ դեպքում՝ տեխնիկական բնութագրերով նախատեսված վիրահատություններն իրականացնելու համար։ Կարծում ենք պատվիրատուի կողմից կոնկրետ ապրանքների տեխնիկական բնութագրերի ամբողջական համապատասխանություն պահանջելը սահմանափակում է այլ ընկերությունների մասնակցությունը գնումների գործընթացին, առաջացնում է չհիմնավորված խոչնդոտներ, որն էլ իր հերթին ենթադրում է ընդամենը մեկ ընկերության մասնակցություն և հետևաբար մեկ գնային առաջարկ։ Հաշվի առնելով վերոգրյալը խնդրում ենք տալ պարզաբանում ներկայացված 3-ից – 6-րդ չափաբաժինների տեխնիկական բնութագրերի մասով։ | 2018-11-09 18:09:24 | Տեղեկացնում ենք, որ հրավերի 3-6 չափաբաժիններով նախատեսված ապրանքների տեխնիկական բնութագրերը հիմնավորված են, համարժեք են այն կարիքին, որի համար կատարվում է գնումը և դրանք սահմանելիս պատասխանատու սորաբաժանումը ղեկավարվել է «Գնումների մասին» ՀՀ օրենքի 13-րդ հոդվածի 1-ին կետի և 2-րդ կետի 3-րդ ենթակետի պահանջներով: Անգամ, եթե նշված ապրանքները իրենց բնութագրերով համապատասխանեն միայն Jonson & Jonson ընկերության կողմից արտադրվող «DePuy Syntes» ապրանքանիշին (ինչպես նշված է հարցման մեջ), սակայն բավարարում են մեկից ավելի հնարավոր մասնակիցների (և ոչ թե արտադրողների), ապա ՀՀ կառավարության 2017թ. մայիսի 4-ի N526-Ն որոշման 22-րդ կետի պահանջների համաձայն Պատվիրատուն իրավունք ունի սահմանել նման բնութագրեր և չափանիշներ` առանց սահմանափակելու մասնակիցների մրցակցությունը: Պարզաբանում Հրավերի 3-րդ և 4-րդ կետերի համարժեք գնահատելու հնարավորությունը վերաբերում է հավաքածուներում ներառված բոլոր բաղադրատարրերին: Մասնավորապես հավաքածուներում ներառված` վիրահատությունների ժամանակ օրգանիզմ ներդրվող բաղադրատարրեը պետք է համարժեք լինեն տեխնիկական բնութագրում նկարագրված նյութերիին, չափսերին և որակական չափանիշներին, ինչպես նաև կիրառելի լինեն նույնատիպ պայմաններում ապահովելով համարժեք արդյունավետություն, իսկ հավաքածույում ներառված մնացած բաղադրատարերը պետք է համատեղելի լինեն օրգանիզմ ներդրվողների հետ և ապահովեն դրանց կիրառումը: 5-րդ և 6-րդ չափաբաժիններում ներկայացված ապրանքատեսակներով նախատեսված է համալրել հոսպիտալներում արդեն իսկ առկա «DePuy Syntes» ապրանքանիշի մեծ ոլոքի կոտրվածքների ինտրամեդուլյար եղանակով բուժման համար նախատեսված մեխերը և իմպլանտները, ինչպես նաև նախաբազկի, անրակի, մեծ ոլոքի պրոքսիմալ և դիստալ կոտրվածքների բուժման համար նախատեսված իմպլանտները: Հետևաբար առաջարկվող ապրանքատեսակների համարժեքությունը կվորոշվի` առաջարկվող ապրանքների և կլինիկայում առկա վերոնշյալ ապրանքատեսակների համատեղ կիրառման հնարավորությունից ելնելով: Ներկայացվող առաջարկների համարժեքությունը համաձայն ՀՀ կառավարության 2017թ. մայիսի 4-ի N526-Ն որոշման 46-րդ կետի պահանջների կգնահատվի ՀՀ ԶՈՒ ՌԲ վարչության, որպես պատասխանատու ստորաբաժանման, մասնագետների կողմից: |