| Հարցում | Ժամանակ | Պարզաբանում |
| Գնման ընթացակարգի հանձնաժողովի հարգելի անդամներ խնդրում եմ պարզաբանել 1, 2 և 3-րդ չափաբաժինների տեխնիկական բնութագրերի հետևյալ դրույթները՝ 1. ,,Պատվերները իրականացվում են հեռախոսազանգի միջոցով՝ ձեռքբերման անհրաժեշտության վերջնական հստակեցումից անմիջապես հետո,, Նախորդ մեր հարցման մեջ խնդրել էինք հստակեցնել պատվերի տրման ժամկետը, օրինակ՝ առաքումից 24 ժամ առաջ տեղեկացվում է վաճառողը, քանի որ 550-650 հատ մեխակներից բաղկացած ծաղկեպսակը համարվում է հատուկ պատվեր, ուստի անհրաժեշտ է վաճառողին տրամադրել ժամանակ տվյալ պսակը հավաքելու, համապատասխան գրառումը կատարելու և առաքելու համար: Իսկ ՀՀ մարզեր առաքելու դեպքում կպահանջվի լրացուցիչ ևս մի քանի ժամ /կախված առաքման վայրի հեռավորությունից/: Որակյալ ծաղկեպսակ առաքելու համար հարկավոր է տալ իրատեսական և իրագործելի ժամանակ: ՙ՚Գնումների մասին՚՚ ՀՀ օրենքի հոդված 13-ի 2-րդ կետի 2-րդ ենթակետի համաձայն՝ գնման առարկայի բնութագրերը չպետք է հանգեցնեն գնումների գործընթացում մրցակցության համար չհիմնավորված խոչընդոտների առաջացմանը: Ուստի ևս մեկ անգամ խնդրում ենք սահմանել հստակ ժամկետ /Ձեր կողմից փոփոխված տեխնիկական բնութագրում տրված է վերացական և անհասկանալի ժամկետ/, որը հնարավորություն կտա նախապես պլանավորել ծաղիկների գնման գործընթացը և պատշաճ կերպով կատարել մատակարարումը: 2.ՙՙՕպերատիվ պատվերների դեպքում Երևան քաղաքում առաքումը պետք է ապահովվի առավելագույնը 25 րոպեի ընթացքումՙՙ Ինչպես հայտնի է ծաղկեպսակները գնվում են հիշատակի օրերի կամ հուղարկավորություն համար: Հիշատակի օրերը հստակ սահմանված են «Տոների և հիշատակի օրերի մասին» Հայաստանի Հանրապետության օրենքով, ուստի դրանք պլանավորվում են նախորոք, իսկ հուղարկավորությունները կատարվում են ըստ ընդունված ծիսակարգի և չեն կարող լինել ՙՙօպերատիվ կերպով՚՚: Ուստի խնդրում եմ պարզաբանել, որ դեպքերում կարող են կատարվել ՙՙՕպերատիվ պատվերներՙՙ: Գտնում ենք, որ տվյալ պայմանը ևս իրատեսական չէ /առավելպես ՝25 րոպեի ընթացքում Երևան քաղաքում/ և հանգեցնում է գնումների գործընթացում մրցակցության համար չհիմնավորված խոչընդոտների: Գնումների մասին՚՚ ՀՀ օրենքի հոդված 13-ի 2-րդ կետի 3-րդ ենթակետի համաձայն՝ տեխնիկական բնութագիրը պետք է լինի օբյեկտիվորեն հիմնավորված և համարժեք լինի այն կարիքին, որի բավարարման համար կատարվում է տվյալ գնումը: Կանխավ շնորհակալ ենք | 2019-01-15 13:09:31 | Հարգելի գործընկեր, Ի պատասխան Ձեր նամակի՝ հայտնում ենք, որ համապատասխան ծառայություն ձեռքբերելու անհրաժեշտության և մատակարարվող ապրանքի հստակ քանակությունը ճշգրտելու դեպքում կապ է հաստատվում ծառայություն մատուցող ընկերության հետ հեռախոսազանգի միջոցով վաղօրոք՝ 1, 2 նույնիսկ ավել օրեր առաջ, ինչպես նաև նշենք, որ լինում են դեպքեր, երբ առաջանում է օպերատիվ (առավելագույնը 25 րոպեի ընթացքում) ծառայություն ձեռք բերելու անհրաժեշտություն, այս դեպքերը վերաբերում են ծաղկեփնջերի պատրաստմանը և մատակարարմանը Երևան քաղաքի վարչական տարածքում: |