| Հարցում | Ժամանակ | Պարզաբանում |
| Հարգելի գործընկեր, ՀՀ ԳՆ-ԷԱՃԱՊՁԲ-18/43 ծածկագրով էլեկտրոնային աճուրդի հրավերում նշված է. <<Մասնագիտական փորձառություն>> որակավորման չափանիշը սահմանվում և գնահատվում է հետևյալ կարգով` ա. մասնակիցը պետք է հայտը ներկայացնելու տարվա և դրան նախորդող երեք տարվա ընթացքում պատշաճ ձևով իրականացրած լինի նմանատիպ առնվազն մեկ պայմանագիր: Նախկինում կատարված պայմանագիրը (կամ պայմանագրերը) գնահատվում է (կամ գնահատվում են) նմանատիպ, եթե դրա (դրանց) շրջանակներում մատակարարված ապրանքների ծավալը (կամ հանրագումարային ծավալը)` գումարային արտահայտությամբ, պակաս չէ տվյալ սույն ընթա¬ցա¬կարգի շրջանակում մասնակցի ներկայացրած գնային առաջարկի հիսուն տոկոսից: Ընդ որում առնվազն մեկ պայմանագրի շրջանակում մատակարարված ապրանքների ծավալը գումարային արտահայ¬տությամբ պետք է պակաս չլինի սույն ընթացակարգի շրջանակում մասնակցի ներկայացրած գնային առաջարկի քսան տոկոսից: Սույն ընթացակարգի իմաստով նմանատիպ են համարվում ասեղներ ապրանքների մատակարարված լինելը ՛՛: Համաձայն «Գնումների մասին» ՀՀ օրենքի. - Օրենքի 3-րդ հոդվածի 2-րդ մասի 2-րդ կետի՝ գնումների գործընթացը հիմնվում է հետևյալ սկզբունքների վրա, պայմանագրի կնքման նպատակով մասնակիցների շրջանակի ընդլայնում և նրանց միջև մրցակցության խրախուսում: - Օրենքի 6-րդ հոդվածի 4-րդ կետի՝ Չեն կարող սահմանվել մասնակցի` գնումներին մասնակցելու իրավունքի և որակավորման հետ կապված այնպիսի չափանիշներ, որոնք` 1) նախատեսված չեն սույն հոդվածով. 2) խտրական են և սահմանափակում են մրցակցությունը` անհիմն կերպով բարդացնում կամ պարզեցնում են հնարավոր մասնակցությունը գնման գործընթացին. 3) համարժեք չեն` ուղղակիորեն չեն բխում պայմանագրով նախատեսված պարտավորությունների կատարման անհրաժեշտությունից: - Օրենքի 7-րդ հոդվածի 1-ին մասի՝ ցանկացած անձ, անկախ նրա օտարերկրյա ֆիզիկական անձ, կազմակերպություն կամ քաղաքացիություն չունեցող անձ լինելու հանգամանքից, ունի գնման գործընթացին մասնակցելու հավասար իրավունք: Վերջինս երաշխավորում է գնումների մասնակիցների հավասարությունը գնման գործընթացում՝ բացառելով այլ անձանց համար որևէ արտոնության կամ այլ նպաստավոր պայմանների սահմանմանը և կիրառմանը, այդ թվում խտրականության դրսևորմանը: - Օրենքի 13-րդ հոդվածի 2-րդ կետի 1-ին, 2-րդ և 3-րդ ենթակետերի. Գնման առարկայի բնութագրերը` 2) չպետք է հանգեցնեն գնումների գործընթացում մրցակցության համար չհիմնավորված խոչընդոտների առաջացմանը. 3) պետք է լինեն օբյեկտիվորեն հիմնավորված և համարժեք լինեն այն կարիքին, որի բավարարման նպատակով կատարվում է տվյալ գնումը: Հաշվի առնելով վերոշարադրյալը, ինչպես նաև նկատի ունենալով, որ ՀՀ ԳՆ-ԷԱՃԱՊՁԲ-18/43 ծածկագրով գնման ընթացակարգի շրջանակներում գնամ առարկան ըստ նշանակության և էության իրենից ներկայացնում է բուժպարագա, խնդրում ենք պարզաբանել, արդյո՞ք նախկինում պատշաճ կերպով կատարված բուժպարագաների մատակարարման պայմանագրերը համարվում են նմանատիպ, թե ոչ: Կանխավ շնորհակալություն: | 2018-11-30 10:01:39 | Ուսումնասիրելով ձեր կողմից ներկայացված հարցումը, հայտնում ենք հետևյալը. Գնահատող հանձնաժողովի կողմից ձեր հարցի վերաբերյալ սպառիչ տեղեկատվություն ներկայացնելու նպատակով անհրաժեշտ է ՀՀ գյուղատնտեսության նախարարություն ներկայացնել նախկինում ձեր կողմից պատշաճ կերպով կատարված բուժպարագաների պայմանագրերի վերաբերյալ տեղեկատվություն՝ նշելով կոնկրետ բուժպարագան: |
| Հարգելի գործնկեր: Հաշվի առնելով նախկին հարցման պատասխանը խնդրում ենք ճշտել՝ նմանատիպ բուժպարագաների մատակարարման պայմանագրի մեջ ասեղների չափաբաժնի ցավալն ինչպիսի պետքե լինի? Oրինակ հայտարարված աճուրդի 50 տոկոսի չափով նախկինում կատարված բուժպարագաների պայմանագրի մեջ 1000 հատ ասեղի գումարը կհամարվի բավարար որակավորման համար, եթե ոչ, ապա խնդրում ենք նշել ինչ ծավալ պետք է կազմի ասեղների չափաբաժինը նախկին պայմանագրերում: | 2018-12-03 11:04:54 | Հարգելի գործնկեր: Ձեր կողմից նշված հարցը կարգավորվում է Հայաստանի Հանրապետության կառավարության 2017 թվականի մայիսի 4-ի N 526-Ն որոշման N 1-ին հավելվածի 61-րդ հոդվածով՝ «61. Մասնակիցների՝ օրենքի 6-րդ հոդվածի 3-րդ մասի 2-րդ կետով նախատեսված` «Մասնագիտական փորձառություն» չափանիշը գնահատվում է հետևյալ կարգով` 1) հրավերով պահանջվում է, որ մասնակիցը հայտով ներկայացնում է հայտարարություն, որ հայտը ներկայացնելու տարվա և դրան նախորդող երեք տարվա ընթացքում պատշաճ ձևով իրականացրել է համանման (նմանատիպ) առնվազն մեկ պայմանագիր: Նախկինում կատարված պայմանագիրը (կամ պայմանագրերը) գնահատվում է (կամ գնահատվում են) նմանատիպ, եթե դրա (դրանց) շրջանակներում մատակարարված ապրանքների, մատուցված ծառայությունների և կատարված աշխատանքների ծավալը (կամ հանրագումարային ծավալը)` գումարային արտահայտությամբ, պակաս չէ տվյալ գնման ընթացակարգի շրջանակներում մասնակցի ներկայացրած գնային առաջարկի հիսուն տոկոսից, որից առնվազն մեկ պայմանագրի շրջանակներում մատակարարված ապրանքների, մատուցված ծառայությունների և կատարված աշխատանքների ծավալը գումարային արտահայտությամբ, պակաս չէ տվյալ գնման ընթացակարգի շրջանակներում մասնակցի ներկայացրած գնային առաջարկի քսան տոկոսից. 2) առաջին տեղը զբաղեցրած մասնակիցը, որպես սույն կետի 1-ին ենթակետով սահմանված որակավորման չափանիշը հիմնավորող փաստաթուղթ, ներկայացնում է նախկինում կատարած պայմանագրի (պայմանագրերի) և դրա հաշիվ-ապրանքագրերի պատճենները, իսկ այդ պայմանագրի (պայմանագրերի) պատշաճ կատարումը գնահատելու համար` տվյալ պայմանագրի կողմերի հաստատած` պայմանագրի սահմանված ժամկետում կատարումը հավաստող ակտի (հանձնման-ընդունման արձանագրություն և այլն) պատճենը կամ տվյալ պայմանագրի կատարումն ընդունած կողմի գրավոր հավաստումը. 3) եթե գնման առարկայի նախահաշվային գինը տվյալ ընթացակարգի շրջանակում չի գերազանցում գնումների բազային միավորի հնգապատիկը կամ գնման առարկա է հանդիսանում անշարժ գույքը կամ գնման ընթացակարգը կազմակերպվում է սույն կարգի 23-րդ կետի 5-րդ ենթակետի «գ» պարբերությամբ նախատեսված հիմքով, ապա սույն կետի 1-ին և 2-րդ ենթակետերով նախատեսված պահանջները չեն սահմանվում հրավերով, և մասնակիցը հայտով ներկայացնում է միայն հայտարարություն համանման (նմանատիպ) պայմանագրի կատարման փորձառություն ունենալու մասին. 4) մասնակցի որակավորումը գնահատվում է բավարար, եթե վերջինս ապահովում է սույն կետով նախատեսված պահանջները:»: Միաժամանակ ելնելով վերոգրյալից խնդրում եմ ՀՀ գյուղատնտեսության նախարարություն ներկայացնել նախկինում Ձեր կողմից պատշաճ կատարված բուժպարագաների պայմանագրերի վերաբերյալ տեղեկատվություն: |